Arsenal imeanzisha mazungumzo na Barcelona kuhusu kumsajili kiungo wa kati wa Uhispania Denis Suarez na wanamatumiani makubwa ya kumsaini mchezaji huyo mwenye umri wa miaka 24 katika dirisha la uhamisho la mwezi Januari.. (Observer)
Fulham inakaribia kumsaini mshambuliaji wa Liverpool Divock Origi na wamejiandaa kutoa £15m kumnunua mchezaji huyo mwenye umri wa miaka 23 kutoka Ubelgiji. (Sun on Sunday)
Chelsea itakosa huduma za kiungo wa kati mwenye umri wa miaka 31 Cesc Fabregas, ambaye ni mmojawapo wa wachezaji bora kucheza nchini Uingereza kwa miaka mingi, kulingana na beki wa Brazil David Luiz.
Mkufunzi wa zamani wa Manchester United Jose Mourinho amekataa kazi ya kuifunza Benfica baada ya klabu hiyo ya Ureno kumfuta kazi kocha wake Rui Vitoria wiki hii. (Record - in Portuguese)
Mmiliki wa klabu ya Chelsea Roman Abramovich angekuwa ameinunua Arsenal badala ya Chelsea miaka 16 iliopita lakini akaelezewa kimakosa kwamba klabu hiyo ilikuwa haiuzwi wakati huo na benki ya Uswizi.. (Sun on Sunday)
Inter Milan wamefanya mazungumzo na klabu ya Sampdoria kuhusu beki wa Denmark mwenye umri wa miaka 22 Joachim Andersen, ambaye amehusishwa na Tottenham.. (Corriere dello Sport, via Inside Futbol)
Mkufunzi wa Atletico Madrid Diego Simeone anasema kuwa ana mpangowa kumzuia beki wa Uruguay mwenye umri wa miaka 32 Diego Godin, ambaye analengwa na Man United katika klabu hiyo ya Uhispania.. (Sunday Express).
Beki wa Arsenal mwenye umri wa miaka 23 Hector Bellerin , ambaye anauguza jeraha siku ya Jumamosi alihudhuria maonyesha ya London fashion Week badala ya kutazama timu yake ikicheza dhidi ya Blackpool katika kombe la FA. (Mail on Sunday)
Mkufunzi wa Manchester City Pep Guardiola amewataka wafanyikazi wake kupata funzo la kujua kutumia kamera za ndege zisozokuwa na rubani ili kumwezesha kupata mitazamo tofauti wakati wa mazoezi.. (Sun on Sunday)
JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.