Arsenal wanataka winga wa Ubelgiji Yannick Carrasco, 25, kujiunga nao lakini hawana uwezo wa kumsaini kiungo huyo kutoka klabu ya Dalian Yifang ya Uchina
Arsenal watalazimika kupunguza malipo ya Ozil ya euro 350,000 kwa wiki kumuachia nyota huyo huku kukiwa na uwezekano wake kujiunga na Inter Milan kwa mkopo. (Mirror)
Barcelona wanapania kumsaini mshambuliaji mpya na kuna tetesi kuwa huenda wamnunua Cristhian Stuani, 32, wa Girona huku wakiwalenga washambuliaji wengine kama Fernando Llorente, 33, wa Tottenham na Olivier Giroud, 32, na Alvaro Morata, 26, kutoka Chelsea. (Marca)
Azma ya mshambuliaji wa Chelsea Alvaro Morata ya kutaka kuhamia Atletico Madrid huenda ikafifia kwa sababu klabu hiyo ya Uhispania inataka kumsajili Morata kwa mkopo hadi kmwisho wa msimu huu. (Mail)
Arsenal wanamfuatilia kwa makini kiungo wa kati wa Colombia James Rodriguez na huenda wakalipa euro milioni 3 kwa Real Madrid ili kubadilisha miezi sita ya mwisho ya mkataba wake wa kuichezea kwa mkopo Bayern Munich kwa miaka miwili.(Mail)
Bournemouth wanatarajiwa kuweka dau la euro milioni 15 kumnunua beki wa kati wa Brentford na Wales Chris Mepham, 21, ili kumzuia asijiunge na Southampton. (Sun)
Mshambuliaji wa West Ham na Mexico Javier Hernandez, 30, anataka kujiunga na Valencia, lakini Hammers huenda wasimuachilie hadi wapate mchezaji atakayechukua nafasi yake. (Guardian)
Manchester United wameanza mazungumzo na Tromso kumhusu Isak Hansen-Aaroen ili kuzima azma ya Everton na Liverpool kumnunua. (Aftenposten, via Manchester Evening News)
Kipa wa Real Madrid Kiko Casilla, 32, alikosa kufika mazoezini siku ya Juma nne na badala yake kusafiri England kufanya vipimo vya kimatibabu na klabu ya Leeds United. (AS)
Newcastle hawajaweka dau mpya ya kumnunua kiungo wa kati wa Paraguay Miguel Almiron, 24, kutoka MLS Atlanta United tangu ufa yao ya kwanza kukataliwa mwezi Desemba mwaka jana. (Chronicle)
JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.