Uzi maalum wa kupeana Likes: Comment chochote upate "Like"

Uzi maalum wa kupeana Likes: Comment chochote upate "Like"

Kwenye Ligi Kuu tano bora za Ulaya, kwa maana ya England, Hispania, Ufaransa, Ujerumani na Italia, ligi nne mabingwa wao wamekuwa walewale, tofauti na England, ambapo hakuna bingwa wa kudumu.
 
Kocha wa Manchester City, Pep Guardiola aliwahi kusema kwamba Juventus, Bayern Munich na Barcelona ni timu bora sana kwenye ligi zao, hivyo huwezi kuona kitu cha kushangaza wanapobeba ubingwa kila mara katika kipindi cha miaka 10 ya hivi karibuni.
 
Maneno yake hayo yalikosolewa sana kwa sababu tu hakuwajumuisha Real Madrid, lakini ukweli wa mambo ni kwamba wababe hao wa Bernabeu makali yao ni kwenye Ligi ya Mabingwa Ulaya na si kwenye ligi za ndani. Juventus, Bayern Munich, Barcelona na hata PSG wao ni wababe wa ligi za ndani na ndio maana hata msimu huu watatamba kwenye ligi zao za Serie A, Bundesliga, La Liga na Ligue 1.
 
Barcelona – mataji 8, misimu 11

Katika misimu 11 ya mwisho, Barcelona wakiwa na huduma bora kabisa ya supastaa Lionel Messi, imebeba ubingwa wa La Liga mara nane. Mara nyingine tatu ilizokosa, mara mbili walibeba Real Madrid na mara moja Atletico Madrid.
 
Messi amekuwa mchezaji muhimu kwenye kikosi hicho kwa kuifanya Barca kutamba kwenye La Liga hata katika kipindi ambacho Real Madrid wao kwenye kikosi chao kulikuwa na supastaa Cristiano Ronaldo.
 
Bayern Munich – mataji 10, misimu 14

Taji jingine la Bundesliga lipo njiani msimu huu kwa wababe Bayern Munich. Wababe hao wa Bundesliga wamekuwa wakiwashinda wapinzani wao huko kwa kuwa na uchumi mzuri kwa maana ya kuwa na uwezo wa kusajili wachezaji nyota kutoka kwenye timu wapinzani wao kama vile Borussia Dortmund. Dortmund walijaribu kufurukuta kimtindo, lakini Bayern ilienda kuwamaliza kwa kuwachukulia wachezaji wake nyota na hivyo wao kuendelea kutamba.
 
Juventus – mataji 8, misimu 8

Kwenye Serie A, Juventus imefanya ligi hiyo isiwe na maana kutokana na kubeba wao tu katika kipindi cha misimu minane mfululizo. Baada ya AC Milan na Inter Milan kuporomoka kwenye utawala wao, Juventus waliibukia na kuwa watawala kwenye ligi hiyo ya Italia.
 
AS Roma na Napoli zimekuwa zikifurukuta kwa siku za karibuni, lakini wamekuwa hawana uwezo wa kupambana na Juventus ambao wao kila msimu wanafanya usajili mpya wa kuboresha kikosi chake kama walivyofanya mwaka jana walipombeba supastaa Cristiano Ronaldo.
 
PSG – mataji 6,misimu 7

Pesa inaongea. Baada ya kuwa chini ya umiliki wa matajiri wa Qatar, Paris Saint-Germain imekuwa kwenye kipindi kizuri ikifanya usajili wa wachezaji inawataka na kutamba kwenye Ligi ya Ufaransa wakibeba ubingwa kama wanavyotaka
 
Kikosi chao kimepita nyota wengi kama vile Zlatan Ibrahimovich na sasa wana wachezaji mahiri kama Kylian Mbappe na Mbrazili, Neymar. Katika misimu saba iliyopita, PSG imebeba ubingwa mara sita na kushindwa mara moja tu, ambapo AS Monaco ilipambana na kunyakua ubingwa huo. Lakini, baada ya Monaco kuonekana kuwa tishio, PSG ilivamia hapo kusajili nyota matata.
 
Kwenye Ligi Kuu England mambo ni tofauti kabisa hakuna bingwa wa kudumu. Kwa msimu huu mapambano yamekuwa makubwa, Man City wakichuana na Liverpool na yeyote anayweza kubeba taji hilo. Kwa kipindi cha miaka 15 iliyopita, kuna mabingwa watano tofauti, Man City, Chelsea, Man United, Arsenal na Leicester City wote wamebeba taji hilo la ubingwa wa ligi.
 
Back
Top Bottom