Uzi maalum wa kupeana Likes: Comment chochote upate "Like"

Uzi maalum wa kupeana Likes: Comment chochote upate "Like"

KIASI CHA KAZI ALICHOKUWA AKIFANYISHWA MFUNGWA
Ikiwa kazi ni ya kupiga matuta ya muhogo, kila mfungwa alikuwa akitakiwa kupiga tuta moja unusu kwa siku, (tuta moja unusu inakuwa, tuta zima la mfungwa peke yake na tuta la pili la kushirikiana wafungwa wawili). Ukubwa wa tuta hilo ilikuwa ni kiasi cha yadi 150 urefu, yadi moja upana na kunyanyuka kwenda juu kiasi ya yadi moja. Ikiwa kazi ni ya kulima katika konde ya mpunga,

kila mfungwa hupewa ngwe yake. Urefu wa ngwe ni kiasi cha yadi 150 mpaka 200 na upana kiasi cha yadi tatu. Ikiwa kazi ni za kun'goa minazi, kila mfungwa akitakiwa kwa siku ang'owe na kuipanguwa (kuikata mapande mapande) minazi miwili mpaka mitatu. Ikiwa kazi ni kuchimba mawe, kila wafungwa watatu wakitakiwa wachimbe mawe na waijaze mita yao. (mita hiyo ilikuwa na kipimo chenye urefu wa kiasi cha futi nane, upana wa futi nne na kunyanyuka kwendea juu kiasi cha futi tano.
 
Mambo ya tukuyu[emoji91]
Screenshot_20191128-041330.jpeg
 
Hikima ya kuijaza hiyo mita ndiyo iliyokuwa mauti kwa wafungwa. Kwani ukitaka kuijaza kwa wakati mnaopewa kwa kufanyakazi, basi ilikuwa lazima muweze kuchimba mawe makubwa sana. Mukisha chimba mawe hayo makubwa basi lazima mutimie watu wane wakulinyanyua jiwe moja kutoka chini mpaka kumuwekea mwenzenu wa tano juu ya mabega yake, yaani mumtwike mwenzenu pandikizi ya jiwe hilo! Masafa ya kutoka panapochimbwa hayo mawe mpaka kwenye hiyo mita ni kiasi cha yadi 10. Na njia zenyewe za maweni zenye mashimo mashimo pamoja na mibigili (mibigili ni miba midogo midogo), wakati miguu chini bila ya viatu. Fikiri vipi binaadamu utakwenda maweni humo na jabali hilo mgongoni mwako, ukijikwaa ndio mauti yako au kwa uchache kupoteza mguu.
 
Juu ya kuwa wafungwa wadhulumiwa tukifanyishwa kazi ngumu kama hizo, kulikuwa na adabu ambazo tukipewa tunaposhindwa kukamilisha kazi tunazopewa kuzifanya kwa siku. Kutokana na ugumu wa kazi uliokuwepo mfungwa kushindwa kukamilisha kazi anayopewa kulikuwa ni jambo la kawaida. Kwahivyo, takriban kila siku baadhi ya wafungwa walikuwa wakipewa adabu kwa kuto kumaliza kwa wakati kazi zao walizokuwa wamepewa. Adabu zenyewe zilikuwa, Wafungwa wanao shindwa kumaliza kazi wanazo pewa mpaka ukafika wakati wa kusimamishwa kazi, hao wakiachwa waendelee kuzimaliza nngwe zao, wakati wenziwao waliomaliza kazi wakirejeshwa kambini na kugaiwa posho na kupumzika.
 
Ikiwa mpaka magharibi hawaku maliza nngwe zao, basi siku hiyo, hawakiachiliwa kukoga, bali hata kujisafisha matope na majasho ya kutwa. Na pia siku hiyo wakipewa nusu ya chakula. Chakula kamili kwa kila mfungwa kwa siku ilikuwa ni wakia moja na nusu kwa chakula cha asubuhi na wakia tatu na nusu kwa chakula cha mchana. Linganisha na posho la wafungwa wakati wa kikoloni na masultani, wakati huo posha la mfungwa ilikuwa ni wakia 16, yaani ratili moja. Chakula kamili na wafungwa wakilala na njaa, seuze upewe nusu ya chakula!
 
Adhabu ya tatu ni kwamba wakati mwengine kwa kushindwa kumaliza kazi upewayo basi hata hiyo nusu chakula tulikuwa hatupewi. Tukilala bila ya kupewa chakula. Mimi nafsi yangu siku moja nilishindwa kumaliza kazi niliyopewa kwa sababu nilikuwa na homa, na juu ya kuwa Bwana Mganga wa gereza alinipa mapumziko, lakini mkuu wa gereza alivunja mausio ya Bwana Mganga na aliamuru nifanyishwe kazi hivyo hivyo na maradhi yangu. Matokeo yake nilipinduka wakati nilipokuwa nikilima na sikuweza kuendelea na kazi. Juu ya kuwa nalifika hadi hali hiyo, si kupewa matibabu, bali hata huruma lakini nalipewa adabu mbili kwa pamoja. Nilinyimwa kukoga, bali hata kujisafisha matope na majasho, 40 pia nalinyimwa posho, sikupewa hata robo!
 
siku ya pili nilitiwa kundini kuchapa kazi kama kawaida. Hayo hayakuwa kwangu mimi tu bali yalikuwa ni mambo ya kawaida kwa kila mfungwa mwenye kuitwa wa "kisiasa". Sijui wafungwa wa aina gani au wa nchi gani au wa watawala gani au wa karne zipi waliwahi kutendewa namna hivi. Haya yametendeka katika karne ya ishirini, karne ya Uhuru, na Haki za Binaadamu na Maendeleo, yametendwa Zanzibar na Tanganyika katika utawala na hukumu ya Mwalimu Nyerere na makamo wake Sheikh Abeid Amani Karume.
 
KUTOLEWA GEREZANI
Taarikh 10 Januari 1967 ikiwa taarikh 28 Ramadhani kiasi cha saa 10 za alasiri, wafungwa wote tuliokuwa tukiitwa "wafungwa wa kisiasa" tuliyokuwepo katika gereza la Langoni tulikusanywa, na waliletwa pamoja na sisi wenzetu kutoka gereza la Kinu Moshi. Haikupita muda ila tuliyaona magari mawili ya magereza yametufikilia. Sote tulipakiwa na kupelekwa Makao Makuu ya Magereza, Kiinua Miguu (Mjini).

Tulifika huko na kin'gora cha magharibi kinalia. Tulitawadha na baada ya kumaliza kusali, tulifuturu kwani sote tunamshukuru Mwenye Enzi Mungu tulikuwa tukifunga. Baada ya kumaliza kufuturu, tuliachwa kukaa katika njia ya kupitia baina ya vyumba na vyumba. Tuliachwa hapo mpaka baada ya kusali Taraweh ndipo tulitiwa vyumbani na kufungiwa ndani. Taarikh 11 Januari ikiwa taarikh 29 Ramadhani, kiasi cha saa tatu za asubuhi, Karume na kikosi chake cha Baraza la Mavamizi walifika hapo gerezani, walitukuta tumewekwa tayari, tukingojea maamuzi yao juu yetu
 
Upande mmoja roho zilikuwa na tamaa kuwa hwenda ikawa mkusanyo huu ni wa kuachiliwa huru, na upande wa pili roho 41 zilikuwa zikidunda dunda kwa khofu za kuwa hwenda ikiwa wengine wasiachiwe. Muradi kila mmoja alikuwa akivuta uradi moyoni mwake na kumuomba Mwenyezi Mungu atufaraji. Lakini kwa hakika tamaa za kuachiliwa sote hazikuwemo katika nyoyo zetu.
 
Karume alikuja moja kwa moja mpaka upande tuliowekwa na alituambia, "Leo tumekuja kwa makusudio ya kukutoeni gerezani ili mupate kwenda kusherehekea Sikukuu ya EidelFitr na Sikukuu ya Mapinduzi pamoja na aila zenu. Tumefurahi kupata ripoti ya ukaaji wenu gerezani kuwa mmekaa kwa adabu na kufuata kila amri za gereza mlizokuwa mkipewa na waliyo khusika. Kwahivyo, leo tunakuachilieni huru, na kila mmoja atapewa Shs. 1000 mpate kufurahikia Sikukuu pamoja na watoto wenu! Lakini ninakuonyeni na nakutakeni mkakae uzuri huko nje. Ikiwa mtajitia kuchanganyika na makundi ya watu wakorofi, mkaja mkakumbwa na kuletwa tena gerezani, basi adabu itayokuwa ni kifo wala si chengine. Kwakherini".
1575209473058.png
 
Baada ya kuondoka Karume na kundi lake, tulipelekwa Victoria Gardens kwenye ofisi ya Sheikh Abdalla Musa Mfuahaya. Yeye ndiye aliyetupa hizo Shs.1000 kila mmoja wetu. Baada ya hapo, tulirejeshwa Makao ya Magereza na tulipewa nguo zetu na kubadili. Tuliagana wenyewe kwa wenyewe na kuwaaga baadhi ya wafungwa wenzetu tuliyoishi nao gerezani kwa muda. Kabla ya kutoka nje ya gereza, alitujia Mkuu wa Usalama, Hassan Mandera na alitutaka kila mmoja wetu atie saini katika waraka maalumu ulioandikwa miongoni mwa maneno, "

Ikiwa nitafanya tena makosa kama haya, adabu yangu nipigwe risasi hadharani"! Kila mmoja alitia saini bila ya shida wala taabu au suala na jawabu. Tulipotoka nje ya lango la gereza, tulikuta umati wa watu, ndugu, masahibu na wananchi wenzetu wakitusubiri. Tulikumbatiana kwa furaha na huku wakitupa maneno mazuri mazuri pamoja na kutuombea madua haya na yale. Baada ya hapo kila mtu alichukuliwa na watu wake.
 
Back
Top Bottom