Uzi maalum wa kupeana Likes: Comment chochote upate "Like"

[Numbisa]

Usipite njia ya mkato ambayo hujawahi kupita wakati una haraka. Unapokuwa na haraka, utafanikiwa kwa kupita njia sahihi kuliko kupita njia ya mkato. Njia za mkato mara zote huwa na madhara, hasa unapokatisha kwenye ubora wa kile unachofanya ili kukamilisha kwa wakati au kwa gharama kidogo.

 

[Numbisa]

KUWEKA MALENGO.

Fanya kile ambacho unahofia kufanya, hapo ndipo penye mafanikio yako makubwa. Jua kile unachohofia wewe kufanya ndiyo pia washindani wako wanahofia kufanya, hivyo unapokifanya unakuwa umejitofautisha nao.

 

[Numbisa]

Jua pengo lililopo kwa pale ulipo sasa na kule unakotaka kufika, kisha weka juhudi kwenye kuziba pengo hilo. Usiwe tu mtu wa kuweka malengo na kuyasahau, jua pengo unalopaswa kuziba kisha lifanyie kazi.

 

[Numbisa]

Kuyaandika malengo yako kunakupa nafasi kubwa ya kuyafikia kuliko kutokuyaandika. Utafiti uliofanywa kwenye chuo cha Yale uligundua hilo. Andika malengo yako kila siku na utayafikia.

 

[Numbisa]

Kuhusu kuongeza elimu ya darasani, ongeza elimu pale tu ambapo ina msaada kwako kufanya kazi bora zaidi. Lakini usirudi shule kwa sababu unataka ulipwe zaidi, kama unataka kulipwa zaidi soma vitabu na fanyia kazi yale unayojifunza.

 

[Numbisa]

Kila unapofikia lengo ambalo umejiwekea, weka lengo kubwa zaidi. Usiridhike na kupumzika kwa sababu umefikia lengo, badala yake weka lengo kubwa zaidi na kila wakati utakuwa unajisukuma zaidi.

 

[Numbisa]

FURAHA NI…

Usiwe na kazi, kuwa na unachopenda kufanya. Furaha ni matokeo ya kufanya kile unachopenda kufanya. Hivyo unapaswa kupenda unachofanya na hapo hutafanya kazi kabisa. Kama unachofanya unakiona ni kazi tu, basi tayari unakosea.

 

[Numbisa]

Furahia kushindwa kwako. Hakuna mtu aliyewahi kufanikiwa sana bila ya kushindwa. Hivyo unaposhindwa furahia, kwa sababu ni njia ya kuelekea kwenye mafanikio makubwa.

 

[Numbisa]

Fedha siyo sawa na furaha. Lengo lako kuu kwenye kile unachofanya lisiwe fedha, bali anza kwa kupenda kile unachofanya na kutoa mchango wako kwa wengine. Na furaha unayoweza kuipata kwenye fedha ni kuwasaidia wengine.

 

[Numbisa]

Shukrani inaleta furaha. Unapokuwa mtu wa kushukuru, unakuwa na furaha. Kila siku orodhesha vitu unavyoshukuru kuwa navyo kwenye maisha yako na utakuwa na maisha yenye furaha.

 

[Numbisa]

Utajiri hauwezi kununua afya, hivyo weka kipaumbele cha kwanza kwenye afya yako. Wengi wanasahau afya zao kwa kukimbizana na utajiri, halafu wakishaupata wanautumia kuboresha afya zao, huo ni ujinga. Zingatia afya yako, kula vizuri, fanya mazoezi na pata muda wa kupumzika.

 

[Numbisa]

Wakati sahihi kwako kubadili kazi au biashara ni pale kila unapoamka asubuhi hujisikii kabisa kwenda kwenye kazi au biashara yako. Unapoanza kujiona unafanya kazi, hapo umeshapotea. Kumbuka, kufanikiwa hupaswi kufanya kazi, bali unapaswa kufanya unachopenda

 

[Numbisa]

MAMBO MUHIMU YA KISHERIA KUZINGATIA.

Ilinde familia yako kwa kusajili biashara yako kama kampuni. Biashara inapofilisika, mali zako ninafsi hazifilisiwi. Lakini unapoendesha biashara kama mtu binafsi, biashara ikifilisika mali zako binafsi zinafilisiwa pia.

 

[Numbisa]

Kuwa na mwanasheria anayekusaidia kwenye mikataba mbalimbali unayoingia na watu wengine. Usiwaamini wale wanaoandaa mikataba, wanajali maslahi yao kuliko yako. Hivyo kuwa na mwanasheria wako anayepitia kwanza mikataba kabla hujakubaliana nayo.

 

[Numbisa]

Jikinge na matatizo kwenye eneo la kazi au biashara, jua mipaka ya mawasiliano na mahusiano eneo la kazi. Mfano epuka kuwa na mahusiano ya kimapenzi na mtu mnayefanya kazi eneo moja, inaharibu ufanisi wa kazi.

 

[Numbisa]

MBINU BORA ZA UONGOZI.

Sifia hadharani, kosoa faraghani. Unapokuwa kiongozi, mtu akifanya vizuri msifie mbele ya wengine na anapofanya vibaya mkosoe akiwa peke yake. Hili linawafanya watu kufanya vizuri na kutohofia kuadhirikia mbele ya wengine.

 

[Numbisa]

Usiweke hisia kwenye biashara. Ukishaweka hisia kwenye biashara, unafanya maamuzi ya tamaa na yatakayokugharimu sana. Mara zote tumia fikra, na unapogundua hisia zipo juu, jizuie sana kufanya maamuzi.

 

[Numbisa]

Kitu kimoja muhimu unachopasa kuangalia kwenye uwekezaji ni uwepo wa timu bora ya uendeshaji. Biashara bora ni ile ambayo inaendeshwa na timu bora na siyo inayomtegemea mtu mmoja. Unapotaka kuwekeza kwenye biashara, angalia timu inayoendesha biashara hiyo.

 

[Numbisa]

Ajiri taratibu, fukuza haraka. Unahitaji kuchukua muda mpaka kumwajiri mtu, kumfuatilia kwa karibu na kumjua vizuri. Na inapotokea umegundua kwamba mtu haendani na biashara yako, unapaswa kumfukuza haraka kwa sababu kadiri anavyokaa kwa muda mrefu ndiyo anavyotengeneza madhara makubwa.

 

[Numbisa]

Gusa kitu mara moja na malizana nacho. Muda umekuwa tatizo kwa wengi kwa sababu hawana mpangilio mzuri. Jiwekee sera ya kugusa kitu mara moja na kuachana nacho, hasa kwenye mawasiliano. Mfano kama umetenga muda wa kusoma email, kila email unayofungua isome na kuchukua hatua hapo hapo, usijiambie naihifadhi nije kuifanyia kazi baadaye, hapo unapoteza muda. Hivyo pia kwenye barua na kazi nyingine unazofanya, gusa mara moja na malizana nacho.