Uzi maalum wa kupeana Likes: Comment chochote upate "Like"

[Numbisa]

JINSI YA KUVUKA SIASA ZA OFISINI.

Andika ujumbe na uhifadhi. Mtu anaweza kukuudhi kweli kweli, na ukamwandikia ujumbe, labda kwa siku, au email. Kabla hujatuma ujumbe huo, uhifadhi mpaka kesho yake, kisha njoo usome tena kabla hujautuma. Mara nyingi utajikuta siyo ujumbe sahihi kutuma. Somo ni usiwe unajibu unapokuwa na hasira, jipe muda wa kutulia na utaona hatua sahihi za kuchukua.

 

[Numbisa]

Dini na siasa ni aina mbili za mijadala unayopaswa kuiepuka sana eneo lako la kazi au biashara. Hii ni mijadala inayowagawa watu sana. Unaofanya biashara inayohusisha watu wa aina mbalimbali, usiweke wazi msimamo wako wa kidini au kisiasa, haitakusaidia chochote zaidi ya kukupunguzia wateja.

 

[Numbisa]

Wale wanaokukosoa wanakusifia. Hakuna mtu anayekosolewa ambaye hafanyi kitu kikubwa. Hivyo usiogope kukosolewa, jua hizo ni sifa kwamba kuna kitu kikubwa na cha tofauti ambacho unakifanya.

 

[Numbisa]

Kamwe usimseme mtu ambaye hayupo, kama mtu amekuja kwako na habari za mtu mwingine, mwambie subiri tumwite mtu huyo asikie unavyomsema. Na unapowakuta watu wanamsema mtu mwingine, sema kitu chanya kuhusu mtu huyo au ondoka hapo haraka. Chochote kibaya unachosema kuhusu wengine, jua kitawafikia.

 

[Numbisa]

Angalia wengine wanafanyaje kisha na wewe fanya kama wao. Unapoenda kwenye mazingira mapya ya kazi au biashara, haitasaidia kama utaonekana ni mtu wa tofauti kabisa. Jua utamaduni wa eneo husika kisha nenda nao. Kile unachofanya fanya kwa ubora kabisa, lakini usivunje utamaduni uliozoeleka.

 

[Numbisa]

Kwenye kazi kama unataka kupandishwa cheo, lazima uwe mtiifu kwa wale walio juu yako. Lazima uwe tayari kunyenyekea hata pale ambapo unaonewa kabisa. Wale wanyenyekevu na watiifu ndiyo wanapata nafasi za kupanda juu. Kama huwezi kunyenyekea hata pale wa juu yako anapokosea, basi ingia kwenye biashara, kwenye kazi itakuwa vigumu sana kwako kupanda juu.

 

[Numbisa]

Kwenye kazi, kadiri unavyoonekana ndivyo unavyochukuliwa kama mchapakazi. Hivyo ili kupata nafasi za kupanda vyeo kwenye kazi, hajalishi unafanya kazi kiasi gani, unatakiwa ujioneshe kwa watu sahihi pia kwamba unafanya kazi. Kwa kifupi maigizo yanahusika sana ili kupandishwa cheo kwenye kazi. Kama huwezi maigizo basi ingia kwenye biashara, kazi itakuwa ngumu sana kwako.

 

[Numbisa]

Usimwamini mtu yeyote. Kwenye kazi na biashara, kila mtu anaweza kuwa adui yako muda wowote ule, kwa sababu kila mtu anaangalia maslahi yake zaidi ya wengine. Hivyo mara zote kuwa makini, mara zote fanya kile kilicho sahihi na usimwamini mtu yeyote, kila mtu ana ajenda zake binafsi.

 

[Numbisa]

Watu wanapaswa kuyajua mafanikio yako, na wewe ndiye unayepaswa kuwaambia. Kama unakaa kimya na mafanikio yako ukiamini watu watayajua, jua unajizuia kupiga hatua zaidi. Watu wana mambo mengi yanayowavuruga, unahitaji kuwakumbusha kuhusu mafanikio yako ili wajue wewe ni mtu sahihi wa kufanya nao kazi.

 

[Numbisa]

Kila mara chukua maoni ya ufanisi wako. Ni rahisi kujiona unafanya kilicho sahihi wakati unapotea. Njia rahisi ya kujua kama unachofanya ni sahihi ni kuwauliza wale wanaokuzunguka kukupa maoni yao. Wafanye wawe huru kutoa maoni, hata kama siyo mazuri, kwa njia hiyo utajua kama unafanya vizuri au la.

 

[Numbisa]

Njia pekee ya kupandishwa cheo na kuongezewa kipato ni kuomba. Ukisubiri mpaka watu waone unastahili kupandishwa cheo au kuongezewa kipato unajichelewesha. Mfuate mtu anayehusika kisha omba nafasi ya kupewa majukumu zaidi na kuongezewa kipato pia. Kumbuka, ombeni nanyi mtapewa.

 

[Numbisa]

Kwenye sherehe au mikutano ya kikazi au kibiashara, epuka sana kutumia kilevi cha aina yoyote ile, hata kama kila mtu anatumia. Ni bora utumie kinywaji cha kawaida kinachofanana na kilevi, lakini usitumie kilevi. Unapolewa, una nafasi ya kufanya mambo ambayo yatakuharibia kazi au biashara yako.

 

[Numbisa]

Kwenye kazi, usitake kumzidi bosi wako, hasa kwa kufanya mambo ambayo yanakuonesha wewe ni bora kuliko yeye. Yeyote aliyepo juu yako anapopata hisia kwamba unafanya kuliko yeye, atakuweka kila kikwazo ili usifanikiwe.

 

[Numbisa]

Onekana mtu wa kawaida na asiye na madhara. Kwenye eneo la kazi, usitake kuonekana wewe ndiye mjanja na unajua kila kitu. Ukijiweka wazi hivyo unatengeneza maadui wengi. Onekana mtu wa kawaida na asiye na madhara, hakuna atakayesumbuka na wewe na utakuwa na muda mzuri wa kujijenga na kuwa bora zaidi.

 

[Numbisa]

Kamwe usilalamike. Usilalamike wala kumlaumu yeyote, usiwe mtu wa kuwa na mtazamo hasi. Mtazamo hasi na kuwa mtu wa kulalamika hakutakusaidia chochote.

 

[Numbisa]

CHUKUA USHAURI KWA WATU WALIOFANIKIWA PEKEE.

Unahitaji kuwa na mamenta, watu ambao wameshafika kule unakotaka kufika wewe. Watu hawa watakushirikisha uzoefu wao, lakini pia watakurekebisha pale unapokosea. Chagua watu sahihi ambao watakusukuma kufanikiwa zaidi.

 

[Numbisa]

Jifunze kwa watu waliofanikiwa sana kwa kusoma vitabu vinavyoelezea historia za maisha yao. Wafuatilie wale waliofanikiwa zaidi kwenye mitandao ya kijamii, utajifunza mengi zaidi kupitia watu hao.

 

[Numbisa]

Hakuna mtu aliyefanikiwa sana ambaye ana mtazamo hasi. Hii ni siri moja ya kujifunza kutoka kwa wale waliofanikiwa na kuiishi kila siku kwenye maisha yako. Mara zote kuwa na mtazamo chanya na jiamini wewe mwenyewe na amini kwenye malengo yako.

 

[Numbisa]

Kwenye uwekezaji, wekeza kule ambapo wawekezaji wenye mafanikio makubwa wanawekeza. Usitumie hisia zako kuwekeza kwa kufikiri umepata fursa ambayo wengine hawajaiona. Wawekezaji wenye mafanikio makubwa wana uzoefu mzuri kwenye uwekezaji, wafuate wao na utafanikiwa.

 

[Numbisa]

WENYE WASIWASI NDIYO WANAOPONA.

Wanasema wasiwasi akili, kuwa na wasiwasi ambao unakutaka uthibitishe kwanza kitu kabla ya kufikia maamuzi, unasaidia. Mfano kabla hujatuma ujumbe wowote, rudia kwanza kuusoma na hapo utaona kama kuna makosa yoyote. Kadhalika kwenye matumizi yako ya mitandao ya kijamii, kuwa makini na mwangalifu sana.