Uzi maalum wa kupeana Likes: Comment chochote upate "Like"

[Numbisa]

Fikiri kwa akili yako kabla hujafanya maamuzi. Kuna watu wengi ambao wanashauri vitu vingi kuhusu biashara na uwekezaji. Lakini kamwe usifanye kitu kwa sababu ya ushauri wa wengine, kaa chini na fikiri kwa akili yako na ufanye maamuzi ambayo ni sahihi kwako.

 

[Numbisa]

Chukua muda wa kufanya matembezi. Unapokua umekwama kwenye jambo lolote, au una msongo, au unataka kufanya maamuzi muhimu, fanya matembezi. Kupitia matembezi utaweza kufikiri tofauti na kufanya maamuzi bora.

 

[Numbisa]

Tengeneza jukwaa. Mfumo wa biashara umebadilishwa kwa kasi sana na ujio wa mtandao wa intaneti. Njia bora ya kuwa na biashara yenye mafanikio ni kuifanya biashara yako kuwa jukwaa ambali watu wanakutana. Na hata unapowekeza, wekeza kwenye kampuni ambazo ni jukwaa. Kampuni kubwa ya Amazon ni jukwaa ambalo wauzaji na wanunuzi wanakutana. Mitandao ya kijamii ni majukwaa ambayo yanakusanya watu na kuuza matangazo. Tengeneza jukwaa na utaweza kufanikiwa sana.

 

[Numbisa]

Usiheshimu mazoea, heshimu ugunduzi na ubunifu. Biashara nyingi zinakufa kwa sababu ya kufuata mazoea hata pale mambo yanapobadilika. Usiwe mtu wa kufuata mazoea, badala yake fuata ubunifu na ugunduzi mpya, kila kitu kinabadilika, biashara yako pia inapaswa kubadilika.

 

[Numbisa]

KUWA WEWE.

Kuwa mwaminifu na ongea kutoka ndani ya moyo wako. Unapokuwa unaongea na mtu yeyote, ongea ukweli na ongea kutoka ndani ya moyo wako. Kwa njia hii utaaminika na kuwashawishi wengi zaidi. Unapoongea kutoka ndani ya moyo wako watu wanajua wewe ni mtu halisi na siyo mwigizaji.

 

[Numbisa]

Msikilize mwenza wako, huyu ni mtu anayekujua kwa undani kuliko watu wengine. Ndiye anayepaswa kuwa mshauri wa kwanza kwako. Omba ushauri na maoni kutoka kwa mwenza wako na atakueleza ukweli ambao utakusaidia sana.

 

[Numbisa]

Usitoe nafasi kwa watu au mawazo hasi kwenye akili yako. Usiruhusu kabisa hali ya kushindwa au kukata tamaa iingie ndani yako. Usipokuwa makini, wewe mwenyewe utakuwa ndiyo kikwazo kwa mafanikio yako, kwa kujikosoa sana mwenyewe. Ondokana na mawazo hasi na ya kukatisha tamaa na usiyape nafasi kabisa kwenye akili yako.

 

[Numbisa]

Jipe muda wa kuwa na wewe peke yako. Huwa tunatoa muda wetu kwa kila mtu kasoro sisi wenyewe. Hakikisha unatenga muda wa kuwa wewe peke yako, kuyatafakari maisha yako, kuangalia unakotoka, uliko na unakokwenda na hata muda wa kupumzika pia. Wewe ndiye mtu muhimu kwako, jipe muda wa kuwa peke yako na kujisikiliza.

 

[Numbisa]

Hujachelewa kuanza chochote. Kwa zama tunazoishi sasa, unaweza kuanza kitu chochote kwenye umri wowote na bado ukafanikiwa. Kama ulichelewa kuanza, usijikatishe tama kwamba huwezi kuanza sasa. Kwenye umri wowote ule, unaweza kuanza chochote unachotaka kuanza na ukafanikiwa. Iwe ni biashara au ujuzi fulani, unachohitaji ni mapenzi na kuwa tayari kujifunza.

 

[Numbisa]

Kuvurugwa kunaleta ugunduzi mpya. Kuvurugwa kwenye kazi na hata biashara ni hali ya kawaida. Kuna wakati unafika na kuona kila unachofanya hakieleweki au kuchoshwa na namna mambo yanavyofanywa. Hapo ndipo pazuri kwa sababu unakuwa kwenye hatua nzuri ya kuja na ugunduzi mpya. Unapojikuta kwenye hali ya kuvurugwa, fikiria njia mpya na bora ya kufanya kile unachofanya.

 

[Numbisa]

Tunapoongelea suala la neno mafanikio, Kila mtu huwa ana maana yake kwa wakati wake na kwa eneo lake katika maisha. Nikiwa na maana kuwa kila mtu ana tafsiri yake kuhusu mafanikio kutokana na muda na wakati alionao na anaoendelea kuuishi hapa duniani.

 

[myoyambendi]

Poleni walezi wa familia

 

[myoyambendi]

Poleni wasafiri wooote

 

[myoyambendi]

Mliotoka kazini poleni

 

[myoyambendi]

Poleni mnaoendelea na kazi

 

[Kiberenge]

 

[myoyambendi]

JINSI YA KUVUKA SIASA ZA OFISINI.

Andika ujumbe na uhifadhi. Mtu anaweza kukuudhi kweli kweli, na ukamwandikia ujumbe, labda kwa siku, au email. Kabla hujatuma ujumbe huo, uhifadhi mpaka kesho yake, kisha njoo usome tena kabla hujautuma. Mara nyingi utajikuta siyo ujumbe sahihi kutuma. Somo ni usiwe unajibu unapokuwa na hasira, jipe muda wa kutulia na utaona hatua sahihi za kuchukua.

Sawasawa

 

[myoyambendi]

Poleni wa dukani na sokoni

 

[myoyambendi]

Poleni wa daladala

 

[myoyambendi]

WENYE WASIWASI NDIYO WANAOPONA.

Wanasema wasiwasi akili, kuwa na wasiwasi ambao unakutaka uthibitishe kwanza kitu kabla ya kufikia maamuzi, unasaidia. Mfano kabla hujatuma ujumbe wowote, rudia kwanza kuusoma na hapo utaona kama kuna makosa yoyote. Kadhalika kwenye matumizi yako ya mitandao ya kijamii, kuwa makini na mwangalifu sana.

Aisee