Arsenal wana "matumaini makubwa" ya kumsajili fowadi wa Manchester City Mbrazil Gabriel Jesus, 25. The Gunners wanatumai pauni milioni 30 zitatosha lakini City wanataka pauni milioni 50. (Sky Sports)
Mshambulizi wa Ureno Cristiano Ronaldo, 37, anatazamia kuondoka Manchester United, huku Roma ya Jose Mourinho na Sporting Lisbon zikivutiwa naye . (La Repubblica, in Italian, subscription needed)
The Gunners bado wanaweza kumsajili kiungo wa Leicester Ubelgiji Youri Tielemans, 25, licha ya kuwa wanatazamiwa kukamilisha dili la kiungo mwingine wa Porto Fabio Vieira, 22, ambaye ni Mreno. (Evening Standard)
Kocha wa Chelsea Thomas Tuchel angependa kuchukua nafasi ya mshambuliaji wa Ubelgiji Romelu Lukaku, 29 - ambaye analengwa na Inter Milan - na mshambuliaji wa Bayern Munich mwenye umri wa miaka 33 wa Poland Robert Lewandowski, lakini kuna vikwazo muhimu katika kukamilisha mikataba yote miwili. (ESPN)
Lewandowski anayelengwa na Barcelona anasema bado anataka kuondoka Bayern lakini hataki kuharibu uhusiano wake na klabu hiyo ya Ujerumani kwa kulazimisha uhamisho (Express)
Tottenham wapo mstari wa mbele kumsajili mlinzi wa Middlesbrough Muingereza Djed Spence, 21, huku Nottingham Forest ikikubali kuwa huenda asijiunge nao, baada ya kukaa kwa mkopo City Ground msimu uliopita. (Northern Echo)
Manchester United wana imani Barcelona itapunguza bei yao ya pauni milioni 73 ili kumnunua kiungo wa kati wa Uholanzi Frenkie de Jong, 25, kwa sababu ya matatizo yao ya kifedha. (Guardian)
West Ham wako tayari kumtoa kwa mkopo mshambuliaji wa Croatia Nikola Vlasic, 24, huku Hadjuk Split na Torino wakimtaka. (Dalmatinskiportal, in Croatian)
Mshambulizi wa Watford wa Nigeria Emmanuel Dennis, 24, yuko kwenye orodha ya wachezaji wanaolengwa na Everton msimu huu ikiwa fowadi wao wa Brazil Richarlison, 25, ataondoka. (Mail)
Paris St-Germain wanatazamiwa kuzishinda timu kadhaa za Premier League hadi kufikia pauni milioni 34 kumsajili kiungo wa kati wa Porto Mreno Vitinha, 22. (90min)
Liverpool walikataa ofa mbili kutoka kwa Bayern kabla ya kukubali ofa yao ya hivi punde zaidi kwa mchezaji huyo mwenye umri wa miaka 30, ambaye mkataba wake na The Reds ulidumu hadi msimu ujao wa joto.