Nasaha zangu kwako ndugu yangu najua wewe ni Muislam na kwa Waislam wote watakaosoma hapa nikiwemo mimi, haifai kufanya uasi dhidi ya mtawala hata kama atakuwa dhalimu.
Tusijitoe kwenye twaa ya mtawala. Na tunatakiwa kumsikiliza na kumtii (katika yasiyo haramu) hata kama atakuwa ni dhalimu, muovu.
Na hata kama mtawala akiwa ni kafiri, ima kafiri wa asili au ;
karitadi (tunajikinga kwa Allah kutokana na ukafiri na ridda) na mtawala akawa ameonyesha kufru ya wazi kabisa yenye kumtoa katika Uislam na kukatimia masharti ya kumkufurisha (yapo kwa mujibu wa Shari'ah) na kukawa hakuna kizuizi chenye kuzuia asikufurishwe (kuna mambo akiwa nayo Muislam aliyefanya jambo la ukafiri wenye kumtoa katika Uislam hayo mambo akiwa nayo mtu huyo yanazuia asikufurishwe), hata masharti yakitimia na kukawa hakuna vizuizi na mtawala huyo akakufurishwa (na Wanachuoni wa Kiislam). Bado haitofaa kumtoa kwenye uongozi kama Waislam hawana nguvu au hata kama wana nguvu ila kufanya hivyo kutaleta madhara makubwa. Hivyo Waislam watapaswa kuwasikiliza Wanachuoni wao waliosimama katika Qur-aan na Sunnah juu ya Ufahamu wa Wema waliotangulia.
Huu ni Msingi madhubuti mno kwetu. Sio kwa sababu sisi ni machawa, au sisi tunajipendekeza kwa watawala, hapana, hivi ndivyo tulivyofundishwa na Mtume wetu (Swala na Salamu ziwe juu yake) na ndivyo walivyoelewa Salafus-Swaalih (Wema waliopita yaani Maswahaba (Radhi za Allah ziwe juu yao) Wanafunzi wao na Wanafunzi wa Wanafunzi wa Maswahaba (Allah Awarehemu wote)) na wote waliofuata njia yao hao Salaf wamesimama na hili.
Haifai kumsema mtawala mbele za watu. Ukitaka kumnasihi mtawala mnasihi kwa siri, mfano umekutana naye uso kwa uso mshike mkono kama ukipata nafasi hiyo umnasihi, au muandikie kwa siri, sio kumsema kwenye mitandao au majukwaa. Hili limekatazwa. Mnasihi kwa siri, akisikia basi ni kheri, asiposikia basi utakuwa umeutua mzigo wako na unapaswa kuwa na subra na unatakiwa kumsikiliza na kumtii
Na watawala Waislam wanaombewa Dua nzuri.
Mwisho, maandamano hayana nafasi katika Uislam.
Na kama mtawala ni dhalimu basi ni juu yetu kuwa na subra.
Hii haimaanishi tunaunga mkono dhulma ya mtawala au tunapenda maovu yake, la hasha. Tunachukia maovu na dhulma yafanywe na mtawala au raia, ila tunafuata Muongozo wa Mtume wetu (Swala na Salamu ziwe juu yake) wa kuwa na Subra kunako dhulma ya mtawala, na kutofanya uasi dhidi yake na kutomsema mtawala hadharani, pamoja na kumnasihi mtawala kwa siri ikipatikana fursa hiyo.
Kuna Hikma kubwa mno kwenye hili na huu ni Uzuri wa Uislam, Uislam sio Dini ya kujifanyia mambo hovyo hovyo, ni Dini ina Utaratibu wa hali ya juu kwenye kila kipengele cha maisha ya kila siku. Basi tu Waislam tuna mapungufu yetu, ila Dini yetu Imekamilika. Namshukuru Allah kwa Neema ya Uislam na Sunnah. Tukiishika hii Dini bila kuzua na tukaikamata vilivyo mambo yetu yatanyooka mno kwa Idhini ya Allah.
Tunamuomba Allah Atuongoze katika njia iliyonyooka, Aamiin.
Kazakh destroyer naomba uje utie neno kwenye huu uzi ndugu yangu.