Vita Mashariki ya Kati. US-Israel-Washirika dhidi ya Waajemi (Iran)

Vita Mashariki ya Kati. US-Israel-Washirika dhidi ya Waajemi (Iran)

Nguruvi3

Nguruvi3

Platinum Member
Joined
Jun 21, 2010
Posts
16,601
Reaction score
34,760
Mashariki ya Kati yawaka moto

Tulijadili suala la vita mashariki katika nyuzi tofauti. Kwa umuhimu wa tukio linaloendelea uzi huu utajadili kwa kina nini kimetokea, kinatokea na kitakachotokea siku za usoni

Upo upotoshaji katika mitandao ya kijamii kwa makusudi au kutoelewa au kuelewa nusu nusu. Tunaheshimu maoni ya Watu lakini maoni hayo yabaki kama yalivyo na si ukweli.

Tutaendelea na mfululizo wa mabandiko , endelea kuwa nasi
 
Vita inaendelea

Tulisema upo upotoshaji kwa yanayoendelea, kwamba, ''wachambuzi'' wanaingiza hisia badala ya uhalisia
Mchambuzi mmoja wa ''space'' katika kuongelea yanayoendelea ima ana potosha au kuna upungufu wa kuelewa au ni ushabiki tu. Ndivyo ilivyo katika mitandao mingine ikiwemo JF.

Mathalani, kuna swali liliulizwa, kwanini Iran anashambuliwa. Majibu yalikuwa Ayatollah Khamenei ameua watu wengi. Hii ni hoja inayoletwa na vyombo vya magharibi ili kujenga uhalali wa mashambulizi.

Iran imekuwa katika vikwazo vya uchumi kwa miaka 40. Lengo ni kuidhoifisha ili iweze kushambuliwa.
Kosa hilo lilianza miaka ya 1980 baada ya mapinduzi yaliyomwekwa Imam Ayatollah Khomeini .
Nchi za magharibi zilimchagiza Iraq na Saddam waishambulie Iran. Ilikuwa vita ya miaka 8 bila mshindi

Iran ikaanza kujiimarisha ikiwa na vikwazo vya uchumi. Iran ikiendelea watu wake kielimu.
Sayansi na Teknolojia ni ya hali ya juu, wanawake wanakwenda shule kikamilifu na ni wataalam

Iran katumia vikwazo vya uchumi kujijendeleza kielimu, kiviwanda na kijamii

Trump alivunja mkataba wa Nchi za magharibi na Iran. Israel haikupendelea mkataba huo kwasababu ilitaka kuishambulia Iran. Israel imeua viongozi wa Nyuklia kama Mohesen Fakrizadeh, General Qassam, Israel ikapiga ubalozi wa Iran. 2025 ikashambulia vinu vya Nuclear katika vita ya siku 12 kwa kuanzisha vita kama 2026

Mazunguzo yakatafutwa na Marekani ili kujadili Nuclear wakitaka Iran iwe na 0 enrichment.
Iran inahitaji Nuclear kwa matumizi ya kiraia (civilian use).Nchi nyingi Duniani zinatumia.
Israel ina silaha za Nuclear kwa mujibu wa Modchai Vanunu. Leo inajulikana kuna kinu eneo la Damona

Ghafla Israel ikaongeza dai la Iran kuwekewa uwezo wa makombora, kwamba, yasizidi KM 300.
Nchi zote zina makombora, kwanini Iran iwekewe kiwango.
Nani anaweka viwango kwa Nchi kama Turkey, Saudi Arabia n.k. ni sharti ili Iran ikatae Marekani iingie vitani

Kisha tukasikia Israel na USA wanakwenda kusaidia wanao uawa kwa maandamano. Kilichobainika hawakuwa waandamanaji bali agents wa Mosad ya Israel 800 waliokamatwa, Trump aliwasihi Iran wasiwaue

Hoja ilianza na vikwazo vya uchumi kisha uwepo wa Nuclear, uwepo wa makombora na sasa Waandamanaji.

Watu wasiofuatilia habari wanameza tu kila wanachosikia hasa nchi kama Tanzania ambapo Vijana wamegoma kujielimisha na ''current affairs''.

Mataokeo ni kujibu kama wanavyosika '' Iran inashambuliwa '' kwasababu imeua waaandamanaji!!!

Hili nalo linatuleta kwenye swali jingine. Kwanini Iran imeshambulia Nchi za Kiarabu ikiwa Nchi ya kiislam?

Tutafafanua
 
Kwanini Iran inashambulia Nchi za Kiarabu?

Waajemi (Persians) wa Iran wamefanya mashambulizi kwa Nchi za kiarabu za mashariki ya kati

Wengi wanadhani mashambulizi ya Iran dhidi ya Saud Arabia, Kuwaiti, UAE , Oman, Jordan na Bahrain ni wendwazimu. Lawama ni kwa Iran kama Nchi ya Kiislam inashambulia Nchi za Kiislamu

Turudi nyuma kidogo ili kuelewa ni kwanini.
Kuuawa Wanasayansi wa Iran na Israel na kushambuliwa Ubalozi wake Syria hakujawahi kulipizwa kisasi. Alipouawa Gen Qassam Soleiman kule Iraq, Iran ilitangaza muda wa kushambulia kambi ya Marekani Iraq.
Iran ilipiga bomu bila kusababisha kifo.

Wanajeshi wa Marekani walifichua siri kwamba wengi waliumia vichwani kwa kishindo cha Bomu. Trump alilificha akiwa Rais kwa awamu ya kwanza. Watalaam wa Jeshi waliiona ni hatari ''red flag'' kutokana na uzito na usahihi wa Bomu

Israel iliposhambulia Iran mwaka 2025 kwa kusaidiwa na Marekani, Iran ilijibu mashambulizi kwa ndege za Drone zikifuatiwa na makombora. Mashambulizi yalizuiwa kufika Israel kama ilivyotarajiwa, mengi yalitunguliwa Saud Arabia, Jordan na Kambi za Marekani kule Iraq. Makombora yayolitua Israel yalikuwa machache yenye kishindo

Nchi ya Oman imekuwa msaada wa Bandari za Marekani zinapojaza silaha katika Manowari zao
Kuwaiti ina military base kubwa sana ya Navy Fleet. Dubai ndicho kitovu cha Ofisi za Mosad ya Israel na CIA

Iran ilijifunza na kufanya utafiti wa kutosha ''intelligence'' ambayo imedhihirisha kuwa ni kali sana.

Kabla ya Vita, Iran ilizionya Nchi za Kiarabu kuweka kambi za Marekani. Hoja ya Iran, ukimsaidia adui yangu nitakupiga si kama wewe bali adui yangu kupitia kwako.

Wiki iliyopita Israel na Marekani waliposhambulia Iran walitambua Iran itajibu kama ilivyofanya 2025 kwa makombora na drones.

Iran ilikuwa na plan tofauti kabisa, kwamba, ili makombora yafike lazima iondoe vikwazo njiani.
Ndipo ilipoanza kushambulia kambi za Jeshi za Marekani kule Jordan, Saudi Arabia na Kuwaiti
Dubai na Abudhabi zimeshambiliwa kwasababu ndizo zenye Hotel zilizohifadhi maafisa wa CIA na MOSAD.

Swali ni je, Iran ilifanikiwa? Jibu ni ndiyo. Kwanza, imepiga radar kubwa ya Marekani pale middle east.
Imefanikiwa kuchoma military base zote za Marekani middle east kiasi cha kulazimika kutumia kambi za UK Cyprus. Ni kwasababu hizo, makombora ya Iran yanaingia kwa wepesi nchini Israel

Jambo la kukumbuka, Iran haijapiga eneo lolote la Raia kwa bahati mbaya, makombora yao yana uhakika wa pale yanapotua iwe Nchi za Kiarabu au Israel.

Mfano, mashambulizi ya Jerusalem yalilenga chumba cha vita ''war room'' . Kuna kijiji kimepigwa na Watu 9 kuuwakile kijiji hakikuwa Kijiji cha Kawaida, ilikuwa sehemu ya kupanga mipango ya vita!.

Israel/Marekani wanachochea mzozo kwamba Iran inapiga majirani bila sababu ili kujenga hasira na Nchi hizo ziingie vitani kama Saud Arabia inavyofanya sasa.

Propaganda hizo zinaitwa 'controlled narratives'' kwamba unaaminisha umma jambo kwa kelele nyingi za media hata kama ni uongo, na wengi huingia mkenge. Ndio maana leo ni Rahisi kijana wa Kitanzania kulaani Iran kushambulia Nchi za Kiislam bila kujua msingi wa hoja yake na nini kilichosababisha.

Hapa tunapata swali jingine, kwa kuzungukwa na maadui na Nchi za Ulaya kuingia, Iran itasalimika?

Itaendelea
 
Shida ni Ujinga , Ujinga ndio zao kuu la wanasiasa wanalo tumia kulipanda katika vichwa na maisha ya watu ,

Binaadamu wengi sana ni rahisi kugeuzwa bendera zinazo fuata upepo kwaajili ya ujinga ,

Ujinga wa itikadi za kiimani udini ukabila na influence mbali mbali za baadhi ya mataifa ndio vitu vinavyo wapa milage wanasiasa katika kuweza ku- control watu na jamii zao bila ya kushikiwa mtutu ,

Ukifanikiwa kutoka katika Hilo kundi Hongera sana
 
Vita mashariki ya Kati
Wiki imetimia tangu vita ya mashariki ya kati ikihusisha Iran dhidi ya Mataifa! Yes ni mataifa kwasababu kwa Israel-Marekani wameingia UK, Germany, Netherland, Australia na EU isipokuwa nchi ya Uhispania.

Hii ni ziada ya nchi za Kiarabu zinazotoa usaidizi wa ardhi zao kutumika katika mashambulizi

Iran imeshambulia majirani zake wote kama tulivyoeleza. Rais wa Iran jana aliwaomba radhi majirani akiwaasa kwamba watashambuliwa ikiwa watatoa ardhi zao kwa mahasimu wake. Kwanini aliomba radhi? tutafafanua bandiko linalofuata

Habari zinazoonekana ni za nchi ya Iran kushambuliwa ! kwa Israel mambo yanayoonekana kuwa mazuri.
Huu ni uongo! Israel imepiga marufuku mashirika ya kimataifa kupiga picha au kutoa taarifa na imeweka sheria raia atafungwa miaka 5

Habari zinazopenya na picha zinaonesha Israel na hasa mji wa Tel Aviv kupigwa vibaya kukiwa hakuna ulinzi wa anga. Mifumo yote ya anga yaani THAAD, PATRIOT, David Sling, Arrow na Iron done imeshindwa kukabiliana na wimbi la mashambulizi.

Mkakati wa Iran umefanikiwa baada ya somo la vita ya siku 12. Kwamba wameondoa usadizi wa nchi za kiarabu kwa kupiga kambi za kijeshi na hasa radar kubwa mbili zinazogharimu bilioni 2 dola kwa kila moja.

Zipo habari za kupotosha na nyingine za kuchekesha. Kwanza ni kuhusu kifo cha Ayatollah Khamenei.
Swali ! kwanini Iran haikumlinda ikijua alikuwa ni target?
Tunafafanua hilo na mengine mengi ya upotoshaji bandiko lijalo
 
Kifo cha Ayatollah Khamenei

Katika vita ya siku 12 Israel iliua makamanda wa juu wa jeshi la Iran kwa wakati mmoja.
Ilikuwaje safari hii Ayatollah akauawa pamoja na viongozi wengine waandamizi?

Kumekuwa na nadharia nyingi, inayochekesha zaidi ni ile ya mchambuzi wa space moja maarufu nchini anayedai Israel ilipenyeza watu wakaweka vipandikizi (chips) za ku track mwenendo wa Khamenei na viongozi wengine kwenye meno kwa kutumia Dentist!! Haijulikana kama wote walikuwa na Dentist mmoja!

Mchambuzi akssema Camera za barabarani ziliwekwa na Israel ku trace movement za Khamenei.
Ni uchambuzi usio na ukweli wa kupotosha . Uchambuzi wake uhemishimiwe tu lakini usiachwe kuwa kama ukweli

Kabla ya vita ya siku 12 kulikuwa na mazungumzo kati ya Iran na Marekani. Katikati ya mazungumzo Israel iliua viongozi wa Iran kwa kujua Jeshi litakuwa dhaifu na rahisi kulisambaratisha.

Bila shaka viongozi hao walibweteka kwamba katikati ya mazungumzo hakukuwa na hatari.
Habari za uhakika ni kwamba, kulikuwa na mapandikizi ya Mossad ndani ya Iran yaliyoshughulikiwa baada ya vita

Wakati wa mazungumzo kati ya Israel na Hamas kulitokea shambulio Qatar likiwalenga viongozi wa Hamas.
Ilikuwa ni mbinu ile ile kwamba katikati ya mazungumzo hakungekuwa na hatari.

Wiki moja kabla ya vita inayoendelea, Ayatollah alitembelea maeneo nyeti ya kiimani na kuzuru kaburi la Ayatollah Khomeni. Picha zinamuonyesha akisali. Ni wazi Ayatollah alijua yeye ni mlengwa na wakati wowote angeuawa

Habari za uhakika kutoka kwa viongozi wa Kishia kutoka India waliomtembelea, ikiwemo habari za Washauri wa karibu wakitibitisha katika TV ni kwamba, Serikali ya Iran ilitaka kumhamisha Ayatollah kutoka Tehran, akakataa. Ikataka kumweka katika handaki maalumu akakataa.

Hoja ya Ayatollah ilikuwa, ''ikiwa mnanihamisha muhamishe Wairan milioni 90. Ikiwa mnaniweka katika mahandaki, wekeni Wairan milioni 90 pia '' Ayatollah alijua anawindwa na alikuwa tayari kufariki kama shahidi.

Zipo habari ziinazoenea katika vyombo vya habari kwamba jenerali mmoja amekamatwa kwa kushukiwa kuvujisha habari zilizowezesha viongozi wengine kuuawa. Habari hazijathibitishwa hadi sasa

Ni kutokana na msimamo wa Ayatollah, Wairan kwa maelfu wapo mitaani wakiunga mkono serikali yao.
Habari za kwamba wapo wanaosherehekea ni za kweli lakini ni sehemu ndogo ya jamii.

Mchambuzi wa space hiyo maarufu alidai Iran hakuna serikali , madai yanyoonyesha upungufu wa uelewa.

Nchi ya Iran inaongozwa na mihimili mitatu, kwanza, ni tawi la jeshi IRCG , Serikali na Dini.
Mihimili hiyo inafanya kazi kwa pamoja, Ayatollah akiwa ndiye supreme leader.

Anaitwa supreme Leader kwasababu ni Primus inter pares

Kikatiba, Iran inataratibu za kikatiba ndio maana viongozi wanaweza kuuawa wote shughuli za nchi zikaendelea kawaida. Madai kwamba hakuna serikali si ya kweli.

Laiti ingalikuwa hivyo, Israel na Marekani wangeshaingia kuchukua uongozi wa nchi kama ilivyokuwa Iraq


Swali la kujiuliza, Iran inapigana vita, je itaweza kushinda mkusanyiko wa Mataifa zaidi ya 10 yenye nguvu?

Tutafafanua
 
Kinachoendelea mashariki ya Kati:

Iran inapigana vita na Marekani-Israel na EU, Je, watashinda vita hiyo?

Tumeona mitandaoni watu wakiuliza ikiwa Iran anataka ubabe na Marekani kwanini asimfuate Marekani kwenye ardhi yake. Ni swali lisilohitaji hata kufikiriwa, ni la kipuuzi. Pamoja na upuuzi wa swali, waliounga mkono upuuzi huo ni wengi tu na kulifanya swali la kipuuzi kuwa la maana katika upuuzi. Ni swali la maana kwasababu linaonyesha ukubwa wa upuuzi na wingi wa wapuuzi kiasi cha sisi kujiuliza kama Taifa tuna kizazi kianchojielewa!!!

Swali la pili linaloulizwa ni je Iran itashinda vita dhidi ya Marekani-Israel, Austraia , UK na EU yote?
Iran haipagani vita dhidi ya majeshi makubwa Duniani. Iran ni dhaifu katika vikwazo vya Uchumi kwa miaka 47, lengo likiwa kuidoofisha ili wakati ukifika kusiwe na tatizo, yaani kupigana na mgonjwa

Iran inapigania uwepo wake! Iran ina historia ya miaka mingi na ni moja ya nchi zilizotajwa katika vitabu vitakatifu ikiashiria uwepo wake toka zama za kale. Iran imekumbana na maswahibu mengi lakini imesimama kama Taifa.

Jibu la swali ni rahisi, Iran inapigania uwepo wa Taifa lake ''survival'' siyo kushinda nchi za Magharibi.

Uzalendo unao oneshwa na Wananchi wa Iran ni wa kiwango cha hali juu. Kwa bahati mbaya, media za magharibi hazionyeshi bali kuonyesha mapindikizi ya watu wachache wanaoandamana.

Ni kwasababu hizo hizo vita inayoendelea inaonyeshwa upande mmoja, Iran. Israel imepiga marufuku na imeondoa Camera mitaani kutonyesha mapigo, uharibifu au vifo na majeruhi.
Mtangazaji wa CCM E. Bennet alitangaza wamezuiliwa kutoa taarifa. Hali ipo hivyo kwa Marekani, Canada na Ulaya! Habari zinazoonyeshwa zina ''censorship''

Hali ni mbaya kwa Iran ikishambuliwa kutoka angani na makombora. Mitambo ya mafuta iliharibiwa na kusababisha uharibifu wa mazingira. Iran imeendelea kupiga makomboraMarekani- Israel na washirika bila huruma. Radar ya 3 kubwa mashariki ya kati iliyopo Israel imepigwa na kufanya Radar ya 3 katika zile 10 zilizopo Duniani. Hakuna ving'ora vya kuashiria hali ya hatari nchini Israel kwasababu ulinzi wa anga umefumuliwa.

Kufumuliwa anga kumewezesha Iran kutumia makombora machache kwasababu ya uhakika wa kupiga wanaoptaka bila kikwazo. Juzi walipiga handaki wanaloishi watu wa hali ya juu ''elite'' , jana wakapiga nyuma za viongozi na handaki linalotumiwa na viongozi wa juu wa serikali. Vifo na majeruhi ni vingi.

Jana Iran ilipeleka ujumbe wa simu kwa Waisrael waondoke kwasababu hakuna mahali salama.
Usahihi wa makombora ya Iran haukishia Israel, kule Kuwait, Iran ilipiga Hotel ya ''Wanadiplomasia'' tena wakichagua '' floor'' kwa uhakika.

Uhakika wa upigaji umezua maswali ikiwa Iran ipo peke yake au ina msukumo wa ''wakubwa' wengine

Itaendelea
 
Uhakika wa makombora na dalili za matumizi ya Nuclear

Makombora ya Marekani yanatarajiwa kuwa na kiwango kikubwa cha uhakika kwa kuzingatia ukubwa wa jeshi katika Teknolojia ikiwemo kumiliki satellites angani. Uhakika wa makombora ya Iran unazua gumzo

Askari mstaafu wa Marekani ameeleza Ubalozi wa US Saud Arabia kushambulia katika kona inayotumika kama ofisi ya CIA . Askari akieleza uhakika wa makombora una mambo mawili, intelejensia na vifaa.
Swali , je, China na Russia wanahusika?

Waziri wa mambo ya nje wa Iran amesema upo uhusiano wa kijeshi na Russia na China unaojulikana

Iran ni mafundi wa sayansi za anga ''astronomy na Astro-physics' , wanahitaji msaada kidogo tu kutekeleza wanachotaka. Haishangazi makombora yamekuwa na usahihi kutokana na Intelejensia wanayopewa

Usahihi wa makombora haukuza leo. Houthi wa Yemen na Hezbollah wametumia makombora ya Iran kwa usahihi kiasi cha kuwashangaza Waisrael. Hata matumizi ya drones yalianza na Houthi.

Mkakati wa Iran wa kushambulia radar na nchi jirani umekuwa na mafanikio. Iran sasa inapiga eneo lolote la Israel kulingana na Intelejensia. Israel haina uwezo wa kujilinda na base za Marekani zimeharibiwa.

Kwa hali Israel imeelemewa ikisubiri huruma za Iran na msaada wa Marekani! Israel kama yenyewe haipo katika mazungumzo na hakuna mjadala kwamba haiwezi kusimama na Iran! ni vita kati ya Iran na Nchi za magharibi.

Waziri Mkuu wa Israel alizungumzaa majuzi akiahidi ''surprise' kwa Iran. Kauli yake imezua taharuki kwasababu kuna namna nyingi za kuitafsiri.

Kwanza, inaweza kuwa Israel imeingia na ipo katika harakati za kuua viongozi. Waziri mkuu alirudia ombi kwa Wairan kuingia barabarani tena kama ilivyotokea siku za nyuma baada ya kuua viongozi.

Tafsiri ya pili ni Israel kutumia bomu la Nuclear. Kauli hii ina maana tukizingatia kauli za Iran zisemazo Israel ikipiga Nuclear , Iran itashambulia Damona, eneo lenye silaha za Nuclear kule Israel

Hali inachanganya zaidi Marekani inapofanya majaribio ya silaha za Nuclear wakisema ni ya kawaida na yalipangwa. Ndege kubwa za kivita zipo njiani kwenda mashariki ya kati.

Ikiwa Nuclear itatumika , Israel itakuwa katika wakati mgumu. Iran ni nchi kubwa na eneo litakaloathirika ni dogo. Israel ni nchi ndogo, kushambuliwa kwa vinu vyake vya Nuclear kutasababisha kusambaa kwa radiations jambo litakalowalazimu raia wahame kwa miaka mingi

Hatari zaidi ni kwamba Pakistan yenye Washia ina silaha za Nuclear, N.Korea wanasilaha pia. Itakapoanza piga piga hakuna ajuaye mwisho utakuwa ni kitu gani.

Vita inasambaa?? Tutafanunua
 
Vita ya Mashariki ya Kati inasambaa?

Kabla ya kulitazam swali hapo juu turejee mambo machache katika vita inayoendelea

1. US-Israel walipiga shule na kuua zaidi ya Wanafunzi wa kike 170 huko Iran.
Si US au Israle iliyotoa maelezo ni kwanini walipiga shule.
Kwa kawaida, nchi kama Israel hutoa sababu kama vile eneo kutumiwa kijeshi etc.

Tukio hilo limelaaaniwa duniani kote! hata nchi zinazounga mkono US-Israel zimeona ni tukio la kinyama.
Kosa kubwa ni kutojitokeza na kuomba radhi, na zaidi Rais Trump akituhumu Iran kuua Wananfunzi hao!!!

Kuua Wasichana limewaunganisha Wairan hata wanaopinga serikali imewawia vigumu kujitokeza kuunga mkono mashambulizi. Ni kama vile ni usaliti dhidi ya Taifa. Hili limefanya kazi ya kuhamasisha maandamano Iran kuwa ngumu na limewajenga Wairan kama watu wanaopigana na adui '' common enemies''.
Ni kosa kubwa sana lililofanywa na US-Israel kwa mtazamo wa kijeshi na kijamii

2. Kumuua Ayatollah Khamenei ilidhaniwa itaangusha utawala wa Iran. Khamenei tofauti na anavyojulikana alikuwa ni moderate, kwamba, hakutaka silaha za Nuclear au vita ndio maana mara zote alikubali mazungumzo hata yalipowagharimu. Iran imechagua mtoto wake kurithi nafasi hiyo.

Mrithi Mojtaba Khamenei ambaye aliwapoteza Baba yake, Mkewe, mtoto wake na kijana wake katika shambulio la kwanza. Mojatba alikuwa IRCG, ni mhafidhina kuliko Baba yake. Dhana kwamba kumuua Ayatollah kungeangusha Utawala ilikuwa mbovu. Iran ina mifumo mitatu ya kiutawala.

US-Israel walipaswa kujiuliza, mbona shambulio la kwanza lililoua top brass ya IRCG halizuia chochote?
Vita iliendelea hadi Israel ilipoomba US wasitishe mapigano siku ya 12 mwaka jana kupitia Rais Trump.

Kuhusu swali hapo juu
Iran ilisema vita itasambaa mashariki ya kati. Hakuna aliyewaelewa lakini sasa inaeleweka.
Kwamba nchi zote zilizohifadhi US-Israel zimeshambuliwa na Iran lakini hazijarudisha mapigo!

Kwa muda wote Lebanon na Yemen kulikuwa kimya. Baada ya Iran kumaliza radar za Israel na vituo vya mawasiliano, Hezbollah wameibuka na wanashambulia kwa makombora Israel kaskazini.

Kwahiyo wamefungua eneo jingine la vita kwa Israel. Israel inapambana kwasababu vita ya Iran imewaachia ''wakubwa''

Wakati wakubwa wanapigana na Iran hasa waki ilinda Israel, nchi hiyo imepanua wigo wa maeneo ya west bank, na mashambulizi Gaza wakijua macho ya Dunia yapo Iran.

Kipigo wanachopata katika miji kama Haifa na Tel Aviv vitairudisha Israel miaka mingi nyuma katika ujenzi wake
Israel imepoteza ''ego'' na majirani waliokuwa na hofu sasa wanaanza kujiamini kwamba inawezekana

Swali linalofuata, kwanini nchi za Kiarabu hazijibu mashambulizi?
 
Hali ya vita na yanayoendelea mashariki ya Kati

Mzozo umehusisha vyombo vya habari(media). Media za magharibi zinaichafua Iran zikiwa kimya kwa Israel.
Nchi za Kiarabu zenye Televesion kubwa kama Aljazeera na Al Arabia zimekataa kuwa neutral au kueleza upande wa Iran kwasababu ya mashambulizi. Iran ina ''disadvantage'' hiyo muhimu katika vita yaani propaganda

Uvumi usiothibitika askari 170 wa Marekani wa kikosi cha ''Delta'' wamekamatwa kwa mujibu wa Iran.
Washington wanakanusha. Kauli ya Waziri wa mambo ya nje M. Rubio inatia shaka, akisema '' hatupo tayari kwa siasa za mateka'' bila kufafanua.

Upo uvumi kiongozi mpya, Mojtaba Khamenei yu mahututi kufuatia majeraha yaliyotokana na shambulizi lililomuua Baba yake, mkewe na Mtoto. Kiongozi hajaonekana hadharani ingawa mawasiliano yake yanatolewa.
Ikiwa ni hivyo, Iran itabidi iingie tena katika mchakato wa kupata kiongozi. Hadi wakati huo kinachobaki ni uvumi

Manowari ya G.Ford iliyokuwa na na matatizo ya kuziba vyoo wiki moja iliyopita imepata tatizo la moto katika chumba cha kuoshea nguo. Marekani wanasema hilo ni tatizo dogo na halijaathiri Manowari na utendaji.
Hakuna madai yoyote yanayoonyesha hujuma dhidi ya Manowari hiyo

Ndege ya kujaza mafuta mafuta angani imeangauka Iraq kwa kinachosemwa tatizo la kifundi.
Ndege ilitoka UK ikiambatana na nyingine kuelekea . Hakuna madai ya hujuma kutoka popote.

Iraq ya imegawanyika, kazi hiyo ilifanywa na Marekani wakati wa vita ya kumuondoa Saddam

Marekani walitumbukiza karata ya Udini, kwamba, Saddam aliwakandamiza Shia ili waungwe mkono, walifanikiwa

Baadaye Shia wa Iraq wamegeuka mwiba kwa Marekani. Kama mtamkumbuka kiongozi wao Muhtad Sadr alikuwa na mahusiano na Iran hata alipotoroka alikwenda kuishi Iran

Iraq ya Shia ip Falluja na huko wamesababisha madhara kwa Marekani. Serikali kuu inaunga mkono Marekani

Mashambulizi ya Shia- Iraq yanasaidia kuzuia shughuli za Nchi za Magharibi kuishambulia Iran kutokea Iraq

Ndege iliyoanguka Iraq ni sehemu ya ndege na askari wa Marekani waliotua UK na sasa wanaelekea Iraq pengine kuivamia Iran. Kinachotaka kufanyika ni kuvamia Tehran na kuchukua maeneo ya serikali kisha kuwahimiza Wananchi waingine mtaani. Ni kazi Marekani wanaweza kuifanya lakini kwa gharama kubwa ya mali na damu

Iran imejeruhi askari 6 wa Ufaransa katika kambi ya Ufaransa nchini Iraq. Kwa muda tumeeleza ushiriki wa nchi za magharibi kimya kimya. Wapo wanaosema shambulizi hilo ni kama ruhusa ya Ufaransa kushiriki.

Ukweli unabaki pale pale kwamba Ufaransa, Australia, UK na EU kwa ujumla wanasaidiana na Marekani, hivyo kushambulia au kutoshambulia kambi hakubadilishi matokeo.

Marekani imeshambulia Bank kuu ya Iran, na Iran imesema itajibu mashambulizi kwa Taasisi zote za Marekani zilizopo uarabuni kama Google, Amazon na Bank zinazomilikiwa na Israel na Marekani.

Kazi imeanza kwa kuvuruga maeneo ya Israel bila huruma kwasababu mifumo ya ulinzi imekufa.

Mifumo ya Israel imekufa kiasi kwamba yale makombora machache ya kuzuia mashambulizi yanajifyatua na kupiga Israel kwenyewe badala ya kuzuia makombora ya Iran.

Hali ya Tel Aviv ni mbaya kukiwa na mashambulizi kila siku. Israel imendelea kuzuia utoajia wa habari ili kuficha madhara na madhila wanayokumbana nayo. Kwa miaka mingi, Israel imejinasibu kuwa na jeshi kali zaidi mashariki ya Katim ulinzi wa anga lisiloingilika kwa mifumo minne , matumizi ya Teknolojia ya kivita na umiliki wa silaha za angani. Kwa kinachoendelea hasa makombora ya Iran, kuna kila sababu za kuficha habari!
 
Habari za Mashariki ya Kati. US watafuta njia ya 'kuchomoa''

Mahambulizi dhidi ya Iran kutoka Marekani (US) yameiharibu miundo mbinu ya mitambo ya mafuta ili kudhoofisha uchumi na kuongeza machungu miongoni mwa Wananchi wa Iran.

Kwa Israel habari zinadhibitiwa lakini uharibifu unaonekana katika dunia ya leo ya mawasiliano.
Mji wa Tel Aviv umekabiliwa na mashambulizi ya makombora mazito kutoka Iran na kuharibiwa

Kuna swali, kwanini Israel inazuia habari? Kwa miaka mingi Israel imeaninisha Dunia, ni Taifa lenye nguvu kubwa kijeshi Mashariki ya Kati kwa kuzingatia vita zilizopiganwa ikiwemo ya 1967 na 1973 Yom Kippur

Kwa nyakati zote nguvu za Israel zipo mgongoni mwa Washirika wa magharibi. Kambi za US mashariki ya kati zina lengo moja , kulinda Israel. Mfano vita hii US wameondoa ulinzi kwa nchi za kiarabu na kupeleka silaha kuilinda Israel. Ndivyo ilivyo kwa Korea kusini ambapo USA wameondoa radar dhidi ya Korea kaskazini.

Kwa kipigo inachopokea Israel, kwanza, kuna aibu ya tambo zake kwamba ni Taifa lenye nguvu mashariki ya kati.
Kipigo kimewajengea majirani kama Turkey na Egypt confidence kwamba Israel inapigika.

Pili, Israel inazuia habari ili wafadhilli ( walipa kodi wa Marekani) wasione kwani ndio watagharamia uharibifu. Israel inapokea msaada wa Marekani mkubwa kuliko Taifa lolote la Mashariki ya Kati.

Tatu, kwamba, Israel inatandikwa na nchi iliyo na vikwazo vya uchumi kwa miaka 40, haielezeki kirahisi

Katika vita ya siku 12 Israel iliomba Trump asitishe mapigano baada ya safu ya ulinzi wa anga kufumuliwa.
Trump alidhani mbinu ya kutisha kama ilivyokuwa itafanya kazi. Iran wamekataa

Tumesikia Trump akisema ''wanataka' kuzungumza ili kuonesha anaombwa na yeye si dhaifu. Iran wanakanusha

Habari zilizopo, Trump anatafuta namna ya kumaliza vita kwasababu kuu tatu

1. Upinziani wa ndani, Wananchi hawataki vita wakisema wazi ni vita ya Israel isiyo na masilahi na nchi yao
Ndani ya White House, kuna mgawanyiko. VP Vance (mu Israel kwa asili) hakutaka vita kwasababu za kisiasa.
Vance anakumbuka vita ya Iraq ilivyoharibu ''career' za watu wengi.

Vifo vya askari vinaigawa WH na Wananchi. Jeshi (Pentagon) yalionya Trump kuhusu ugumu wa vita.

2. Trump anapata shinikizo kutoka kwa Israel wakimtaka asitishe vita ili kuzuia uharibifu na taswira ya nchi

3. Trump anakabiliwa na anguko la Uchumi. Rais huyo aliingia madarakani kwa tambo za kuzuia vita nje ya Marekani ili fedha zitumike kuimarisha ustawi wa Marekani.

Trump pia aliingia kwa tambo ya kukuza uchumi na kupunguza mfumuko wa bei (inflation) , na kuongeza idadi ya ajira. Yote hayo sasa ni ndoto kwasababu ya vita inayoendelea

Iran inaelewa wapi Marekani ni ''vulnerable'' ndiyo maana imefunga njia ya bahari ya strait of Hormuz.

Trump anataka kufungua kwa nguvu lakini anakabiliwa na changamoto ya kususiwa na NATO na Nchi nyingine washirikaKauli za Trump dhidi ya mataifa kama Canada na nchi za EU sasa zinamrudi.

Trump anahofia vifo vya askari na kupigwa meli . Kwake, kushindwa ni dhalili ndio maana anataka nchi nyingine zisaidie ili zikishindwa azitupie lawama. Rais Trump hajawahi kukubali lawama au kuomba radhi.

Kwa hali ilivyo kuna mazungumzo anayafanya kupitia Russia na Oman ili kumaliza vita.

Wakati kuna strait of Hormuz, Washirika wa Iran wa Houthi wamedhamiria kufunga mlango wa bahari ya sham (red sea) kwa meli. Hili litaongeza machungu zaidi Duniani kwa bei za mafuta kupanda.

Trump anaogopa, anguko la uchumi wa Dunia litakuwa katika legacy yake.
Kwasasa anataka kusitisha vita pengine kuliko Iran inavyotaka kwasababu tulizo ainisha.
 
Yanyojiri Mashariki ya Kati
Kifo cha Lairjani na Kujiuzulu kwa Kent

Habari zinazojiri ni kuuawawa kwa katibu wa baraza la Usalama la Iran bw. Ali Lairjani pamoja na Familia yake akiwemo kamanda wa kikosi maalumu. Ali ni muhimu kwasababu baada ya kifo cha Ayatollah aliongoza nchi kipindi cha mpito. Kifo chake ni pigo kwa Iran kama mbobezi wa siasa za Magharibi

Je, pengo lake litazua sintofahamu? Hilo linabaki kuwa swali kwa kuzingati maifumo imara ya kiutawala.
Katika vita ya siku 12 makamanda na viongozi wakuu wa Iran waliuawa. Pamoja na hayo yanayoendelea leo ni ushahidi wa ''system'' iliyotengenezwa maalumu kukabiliana na hali tata zisizotarajiwa

Iran imendeleza mashambulizi na ubalozi wa Marekani Saud Arabia umeshambuliwa. Muhimu ni radar iliyokuwa imebaki baada ya zile kubwa kufyekwa.. Kwa mantiki hakuna kambi salama ya Marekani M. Kati

Iran pia imeendelea kuishambulia Israel katika miji yake kwa makombora mfululizo. Tel Aviv inageuzwa Gaza 2.0

Tofauti inayoonekana, kwamba, Iran inaeleza kwa uwazi na ina waandishi wa habari wa kimataifa.

Israel pamoja na uharibifu na vifo hairuhusiwi kutoa taarifa. Juzi Wananchi wameandamana wakiitaka serikali kumaliza vit. Ndani ya mahandaki hali si njema pamoja na uhaba wa huduma na chakula. Habari hizo hazionekani katika main stream media

Habri inayozizima ni kujiuzulu kwa kiongozi wa Taasisi ya kupambana na Ugaidi ya Marekani ( National counter terrorism centre) Bw Joe Kent. Huyu ni mhafidhina aliyeteuliwa na Rais Trump na kuidhinishwa na senate.

Kent ameweka barua ya kujiuzulu hadharani akisema '' anajiuzulu kwasababu Iran haikuwa tishio kwa Marekani na kwamba Trump alichagizwa na Israel na lobbyist wa Israel kuingia vitani. Joe anasema hawezi kuendelea na nafasi yake kwa nia njema. Ametuhumu media za Marekani kwa kupotosha sera za Rais Trump ili kupigia chapuo vita na kuingiza nchi katika mtafaruku na Iran.

Barua ya Kent ina maana ndani ya Marekani na Nje. Trump anajifanya hakumjua ingawa ni yeye alimteua.

Kent ameiweka White House katika kipindi kigumu. Kuna hoja za kupinga vita ya Iran, kwa barua hii ya mshauri wa kiusalama wa White House , mgawanyiko utaendlea ndani ya kambi ya Republican na kumdhofisha Trump.

Kwa siasa za Kimataifa Bw Kent anathibitishia nchi za NATO na EU kukataa kumuunga mkono Trump kuna hoja.

Pamoja na kwamba nchi nyingi zilimkatalia Trump kwasababu ya jeuri , dharau, Tariff na kiburi, lakini hili la Bw Kent ni utetezi mzuri kwa viongozi wa nchi hizo, kwamba, hakukuwa na sababu ya kuua Vijana wao Vitani kwa jambo la kubumba. Kumbu kumbu za Iraq bado zinatawala

Kwa nchi masikini kama Tanzania, vijana wanaoshabikia vita wanapaswa kujifunza.
Tumeuliza hapa jamvini nini kosa la Iran? Hakuna anayejibu.

Wapo wanaoshangilia kifo cha Ayatollah lakini ukiwauliza ubaya wa Ayatollaj ni upi hawana jibu.

Haya ni matokeo ya kumezeshwa habari bila kufanya viji tafiti maktaba au kupitia habari nyingine.

Leo Bw Kent anawaeleza Watanzania, Iran imeshambuliwa bila sababu za msingi bali shinikizo la Israel

Tutafafanua kwanini kuna ujuha kuhusu masuala ya kimataifa kwa vijana wa Tanzania!

Itaendelea.
 
Vita ya Mashariki ya Kati na yatokanayo

Bandiko hapo juu tulieleza ujuha wa Vijana wa Tanzania hususani masuala ya kimataifa wakilinganishwa na majirani wa karibu au Afrika. Lipo ombwe kubwa la ufahamu. Moja ya sababu zinazopelekea hali hiyo ni ''allergy'' na maktaba , kudumaa kwa mijadala hasa vyuoni na kutojisomea

Vita inayoendelea mashariki ya kati inaonyesha ombwe la weledi na kufanya Vijana wa Tanzania kuwa ''vulnerable'' na habari za mitandaoni au za masimulizi au kuokoteza. Vijana hawafanyi tafiti hata mada rahisi. Hatutegemei Binadamu kuwa sahihi na kamilifu lakini kipo kiwango kinachotia shaka

Kuchukua upande katika mzozo wa mashriki ya kati si tatizo. Ni muhimu upande ukaungwa mkono na hoja zenye mantiki. Awaye akisema ni sahihi Marekani na Israel kuishambulia Iran ni muhimu kueleza kwanini ni sahihi.
Vivyo hivyo kutetea Iran isishambuliwe ni muhimu ijengwe hoja ni kwanini.

Ikiwa kuna hoja ya DINI nayo pia lazima ijengewe hoja si suala la Iman tu ! kwakuwa awaye ni dini fulani!

Mzozo hauna uhusiano na dini za leo. Tunaona Wayahudi ''Jews'' wakichoma bendera ya nchi yao kulaani mauaji ya Palestina na shambulizi dhidi ya Iran. Ni muhimu kuelewa tofauti kati ya Judism na Zionist na malengo yao

Ndivyo ilivyo pia kwa Waislam wanaosema ni shambulizi dhidi ya Uislam. Wasichojiuliza wahusika ni, ni kwanini Iran ya Kiislama inashambulia Mataifa ya Kiislam ikiwemo Saud Arabia na Jerusalem, maeneo takatifu

Mzozo hauangaliwi kwa jicho moja bali kwa mawanda mapana ya 'World order' pamoja na Geopolitics.

Mathalani, kwanini Venezuela halafu Iran! Kuna uhusiano gani kati ya Marekani, Venezuela na Iran.
Russia na China zinaathirika vipi. Kwanini Israel inashambulia Iran baada ya Syria na Lebano na Gaza.

Je sababu za Marekani na Israel ni kuhusu Nyuklia? Ni kuhusu maandamano ya Iran? Ni kuhusu mafuta?
Ni kutoa nafasi ya upanuzi wa Israel mashariki ya kati? Ni kuhusu Uislam?

Tutapitia hoja hizo tukianza na ya ''sababu za Nuclear''

Itanedelea
 
Vita ya Mashariki ya Kati katika siku ya 20

Kabla ya kupitia hoja za bandiko lililotangulia tuangalie hoja iliyotolewa na Joe Kent aliyekuwa mkurugenzi wa ' National counter terrorism center ya USA, Director of Intelligence Tulsi Gibbard na Tom Blinken waziri wa zamani wa mambo ya Nje.

Joe Kent anasema hakuna tishio kwa Marekani kutoka Iran na hakukuwa na sababu ya kushambulia.

T. Gabbard anasema '' Haikuwa kazi yake kama Director of National Intel kuamua vita bali Rais Trump'' anakwepa jukumu kama Director na mshauri mkuu, kwa maana National intel zinajua Iran haikuwa Tishio kwa Marekani.

Waziri wa mambo ya nje wa Biden Bw Blinken ambaye ni myahudi amesema '' Netanyahu aliwashawishi marais wa Marekani kwa miaka 40 waipige Israel. Bush, Obama na Biden wlikataa.

Kauli za viongozi hao zinaonesha hakukuwa na tishio la Iran kwa nchi yoyote. nI ushahidi kwamba Israel haikuweza kupigana na Iran yenyewe tofauti na watu wanaovyoamini ni Taifa lenye nguvu. Israel imesubiri hadi Marekani iipoingia kupitia Trump baada ya miaka 40.

Kwasasa, Iran inapigana na Marekani, Ulaya na Australia zikisaidiwa na Qatar, Oman, Kuwait, Iraq, Saud Arabia, UAE, Jordan n.k.. Hii maana yake ni kwamba vita inayoendelea, Israel haimo ! ni vita ya Iran na Mataifa.

Mwandishi maarufu wa gazeti la The citizen Bw Makakala ameandika makala nyingi akionyesha ukubwa wa jeshi la Israel na kuzitaka nchi za kiarabu kukubaliana na matakwa ya Israel kwasababu haziwezi kusimama katika vita. Well, Makakala sijui ataandika nini maana Israel inageuzwa majivu pamoja na kusaidiwa na mataifa yote makubwa ya Magharibi.

Hoja isiyoangaliwa ni Israel, Marekani na Washirika wanapigana na ''mgonjwa'' Iran aliyekuwa katika vikwazo vya Uchumi kwa miaka 40. Bado Iran imesimama kidedea siku 20 na hata kutishiwa kupigwa Nuclear.
Hii inaonyesha ukubwa na ubabe wa Iran mashariki ya kati tofauti na wengi walivyioaminishwa

Hakuna Taifa lililowahi kuipiga Israel Tangu uwepo wake kwa kiasi kinachoonekana. Taasisi zote zilizoaminishwa kama Mossad, Intelligence, IDF, Nevatim hata mitambo ya Nuclear Damona zimepigwa, miji ya Haifa, Tel Aviv na Jerusalem ikipigwa na Taifa lenye vikwazo kwa miaka zaidi ya 40

Vita inayoendelea haikuwa na sababu zozote! Ni vita inayolenga kutoa ubabe kwa Taifa moja, Israel kwa maana ya Hegemony. Kwanini Israel iwe na silaha za Nuclear na Nchi nyingine zisiruhusiwe?

Ushahidi uliotolewa na Afisa wa UK katika mazungumzo ya Switzerland kabla ya Iran kushambuliwa ni kwamba Iran ilikubali kwamba nchi za Magharibi zisimamie Nuclear program zake ili kuona hakuna Bomu linalotengenezwa kwa enrichment. Israel ilipopata habari hizo ambazo zimethibitishwa na msuluhishi balozi wa Oman ikaamua kuishambulia Iran kwa kujua tayari walikuwa na Rais Trump si kwa kupenda!

Tunafafanua haya kwasababu upo upotoshaji kwamba Israel inapigana na Iran! si kweli ! Iran inapigana na Mataifa ya Magharibi na ya Kiarabu. Iran inatambua haiwezi kushinda vita lakini inaweza ku survive kama Taifa.

Marekani imewafikia Iran ili kusitisha mapigano lakini Iran imechelea kukubali kwasababu kwa sasa ndiyo ina nafasi ya kuamua hatma ya vita. Si kwasababu ya silaha bali kupitia Uchumi.
 
Marejeo ya nyuma
Hali inayoendelea Mashariki ya Kati. Hoja zilizojadiliwa na maswali yatokanayo.

1. Kwamba, Iran inapigana na USA, UK, EU , UAE na Arab World Australia na Israel na waliojificha

Kabla ya vita, Saud Arabia na Kuwaiti walidai kutotoa ardhi kwa mashambulizi.
Ukweli kwamba kambi za Marekani zinapanga mipango yao ndani ya nchi hizo, huo ni usaidizi

Iran haikushambulia majirani , inashambulia maeneo ya masilahi ya US na Israel. Masilahi ni kambi za kijeshi na maeneo yanayotumika kijeshi kama Balozi. Shambulio la Iran kwa Ufaransa (Iraq) lilenga kambi zinazotoa usaidizi

2. Iran haipigani vita kushinda bali ku survive kwasababu inapigana na mataifa makubwa kiuchumi, na Kiteknolojia. Hadi siku 21 Iran ikiwa imesimama tena ikitoa masharti ya kusitisha vita ni jambo linaloshtua dunia

3. Hii si vita ya dini lakini dini inatumika. USA wamevamia Venezuela, wametaka Greenland, wamezodoa Canada na wanaelekea Cuba. Nchi zote ni za Kikristo kwa wingi wa waumini. Ikiwa dini ni kigezo basi zisingeshambulia

US na Israel zimeweka kambi Kuwait, Qatar, UAE, Saud Arabia, Oman n.k. Hizo ni nchi za ''Kiislam'' ili kumshambulia Iran ambaye ni Nchi ya Kiislam. Ingalikuwa vita ni ya dini hilo lisingetokea

Hata hivyo dini inatumiwa na USA/ Israel kuwagawa Waarabu na Waajemi. Kwa mfano, kuita Islamic republic regime nadictator wa IRGC (Islamic revolutionary Guard council) wanaingiza neno Islam kujenga miongoni mwa nchi za Magharibi kwamba wanapigana na ''Ugaidi''

Utasikia wakisema , Iran ina sponsor magaidi wa Hezebollah na Hamas. Lengo ni kuunganisha Iran na Ugaidi.

Ikiwa ku support makundi (Proxies) kama Houthi, Hezbollah na Hamas ni ugaidi, mbona Israel imemsaidia Jailani wa Syria ambaye ni Gaidi wa Aqaeda katika orodha ya CIA kumuondoa Assad!
Je, kuweka kambi za kijeshi UAE, Cyprus, Saud , Qatar hizo siyo proxies za US na Israel kumshambulia Iran?

3. Je suala ni mafuta? US walipovamia Venezuela suala la rasilimali ya mafuta lina ukweli ingawa si wote.

Venezuela ina utajiri wa mafuta na mshirika wa Russia, China, Iran na Cuba. US kuvamia ni njia ya kukata mirija ya mafuta kwenda China! ili kudhoofisha uchumi. Iran kama Venezuela ni wasaidizi wa China kwa mafuta. Kutawala Iran ni kudhoofisha China kiuchumi

4. Je, Israel inataka kujitanua? Hili lina ukweli ingawa si wote. Israel ina ndoto ya ''great Israel'' ikichukua nchi za mashriki ya Kati. Wapalestina wanaondolewa maeneo yao . Vita inaendelea Lebanon kuchukua Lebanon kusini. Syria ilishapoteza Golan na eneo la Magharibi. Jordan naye ni muathirika tu. Nchi inayoonekana kikwazo ni Iran

Iran ni kikwazo kwasababu ya uwezo wake kielimu ukilinganisha na nchi zote za mashariki ya Kati.

Kwa mfano, Iran naongoza katika eneo la Sayansi za anga na hata za kilimo na madawa. Dunia inashuhudia baada ya miaka 40 ya vikwazo vya uchumi, Iran imesimama kidedea siyo na Israel bali mataifa zaidi ya 15.
Israel iliona hatari hiyo ndiyo maana ilisingizia suala la Nuclear

Israel ilijua ikiwa Iran itapata uwezo wa Nuclear , haitaweza kusihambulia tena. Ni kama vile North Korea haiguswi, Pakistan au India. Shinikizo ni kumpiga na Iran ili kumdhoofisha na kutawala Iran kwa remote wala si Nuclear.

Ni nani anatoa vibali vya nchi kuwa na Nuclear?
Iran ilisaini mkataba wa non proliferation, Israel haikusiani.Israel ina Nuclear , Iran haina.

Ushahidi umetolewa na Mwisrael aliyehusika na utengeneza, Modechai Vanunu.
Leo tumeona Dimona ikshambuliwa baada ya Israel kushambulia kinu cha Natanz Iran.

Hali ipoje? Tutafafanua
 
  • Thanks
Reactions: Lax
Yanayoendelea Mashariki ya Kati

Ni wiki yenye mengi. Iran imeshambuliwa kwa mabomu ya Marekani na washirika wakipiga ''carpet bombing''.
Matokeo ni athari kwa makazi ya Raia vifo na majeruhi wengi. Hadi sasa watu zaidi 5000 wameuawa Iran

Iran na makundi yake ya Iraq wameshambulia vituo vya Marekani zikiwemo Balozi na kumaliza kambi zote

Iran haipo vitani bali kupigania uwepo wake. Iran inahitaji kufanya kitu kidogo tu kitakachokuwa hadithi na kuwati Hivyo ndiyo inavyotokea kwa haya;

1. Manowari ya Abraham Lincoln imeharibiwa ,imeondolewa eneo la vita. Ni nadra meli kama hiyo kushambuliwa.
Gerald Ford ipo matengenezoni kwa kinachodhaniwa hujuma za askari wake

2. Ndege ya F-35 kwa mara ya kwanza katika historia imedunguliwa na Iran. Hii ni stealthy inayosemwa haipigiki lakini imepigwa. Ni habari kubwa duniani

3. Rais Trump amewaita washirika wa Ulaya kama ''mijoga'' kwa kutopeleka askari kufungua mlango wa bahari wa strait Hormuz. Hii ni frustration kwa Trump aliyeshindwa kufungua mlango huo kwa kutumia manowari zake.

Trump anaomba msaada kuepuka vifo na kuharibiwa vifaa na kudhalilika zaidi.

4. Iran imeruhusu baadhi ya meli kupita zikifanya malipo ya sarafu ya China, Yuan. Hii ni kuwezesha Iran kuagiza bidhaa kutoka China bila kutumia Dollar. Ni kuongeza thamani ya Yuan na kutoa uelekeo mpya wa sarafu ya Dunia

5. Trump amedai vita imekwisha, wamefanikiwa kubomoa majeshi na rasilimali za Iran. Iran inamjibu kwa kushambulia kambi zake na Israel. Marekani na UK wanatumia kisiwa katika Bahari ya hindi takribani KM 4000 kupanga mashambulizi. Iran inadaiwa kutupa kombora mbili zilizofika kisiwani hapo.

Tukio hilo limezua taharuki kwamba KM 4000 Iran inaweza kuchapa nchi za Ulaya. PM Netanyahu ametumia kombora hizo kuwaeleza Ulaya Iran inaweza kuwapiga.
Taarifa zingine zinadai si Iran iliyotupa makombora ni ''false flag'' yaani utapeli ili kujenga uhalali wa kushambulia

6. Marekani ameshambulia kituo cha nguvu za za Nuclear cha (power) Natanz kinachoendeshwa kwa ushirikiano na Russia. Iran mejibu mapigo kwa kutandika mji wa Arad na Dimona zenye Nuclear kule Israel.

Kwa mara ya kwanza, Israel inakiri pigo zito lenye vifo na majeruhi. Kwa kawaida Israel huficha taarifa ka,a hizo.

7. Trump amesema ikiwa Hormuz haitafunguliwa Marekani itapiga kituo kingine cha nguvu za umeme kinachoendeshwa kwa Nuclear katika masaa 48 tangu tarehe 21.

Hii ni baada ya jitihada za Trump kuomba kusitishwa vita kukataliwa na Iran.

Trump anataka kusitisha vita ili kuepeuka madhara ya uchumi wa Dunia.
Kupeuka vifo vya askari , kuepuka kudhalilika zaidi na kuiepusha Israel inayoelelemewa kwa vipigo kutoka Iran.

Kwanini kuna hatari ya Nuclear? tutaeleza
 
Trump njia panda , jitihada za kumaliza Vita zinaendelea

Rais Trump ameeleza uwepo wa mazungumzo baina ya Marekani . Trump hataki kuonekana mnyonge ingawa anatafuta kumaliza vita. Mara zote anasema Iran wamemtafuta. Iran inakanusha uwepo wa mazungumzo. Hizi ni njia za Trump ima kuwapumbaza watu au kweli kutafuta suluhu

Uchumi wa Dunia unayumba , bei za mafuta hazishiki na mfumuko( Infalation) wa bei upo njiani.
Wamarekani wanamtazama Trump kama aliyetafuta vita bila sababu na wengi hasa vijana wakihusianisha na Israel

Trump anakabiliwa na uchaguzi wa midterm mwezi November, masuala ya uchumi yanahusika.
Trump anaogopa, Wawakilishi (House reps) na pengine senate itakwenda Democrats kama dalili zinavyoonyesha.

Ikiwa ni hivyo kushtakiwa tena (impeachment) kiwemo mafaili ya Epstein havitaepukika. Trump anajitahidi kumaliza vita

Kauli yake kwamba amesitisha kushambulia kinu cha nguvu za nuclear (Power station) katika masaa 48 na sasa siku 5 kimepokelewa kwa hisia.

Kwanza, saa 48 alitangaza Jumamosi ili kutoleta hofu katika masoko ya Mitaji.
Kauli ya Rais wa Marekani yoyote awaye inaweza kupelekea masoko kununua au kupoteza hisa.

Wachambuzi wanasema Trump anataka nafasi ili askari wake wapatao 8,000 wa vikosi vya anga wafike.
Wengine wanasema ni shinikizo kutoka nchi za Kiarabu

Iran iliahidi kupiga mitambo ya kuzalisha maji ya baharini (desalination) kwa nchi za Kiarabu sambamba na vituo vya nishati vinavyomilikiwa na Marekani au Israel ikiwa power station yake itapigwa

Trump ana machaguo mazito, ima kuwa na mazungumzo ya kweli au kufumua mitambo ya nuclear ya Iran

Nyuma ya Pazia kuna Israel inayotaka Trump ashambulie power station hizo ili miali (radiation) ivuje na watu kuhama kwa miaka zaidi ya 25 kama iivyokuwa Chernobyl

Na mwisho Saud Arabia inataka Marekani aendelee na vita kama ilivyorpotiwa na gazeti moja ya New York.
Saud inasema hii ni fursa adhimu kuwamaliza Waajemi.

Trump ana machaguzo mazito sana! kati ya kuwa mtiifu kwa Raia wa Marekani na kuifungua Dunia, au kukubaliana na Wahafidhina wa Israel na Saud Arabia kwamba aendelee na vita.

Hata kama Trump ataamua kuendelea, kuna changamoto mbele yake, kwamba Manowari zake mbili, USS Lincoln na Gerald Ford zimeondolewa vitani baada ya kugongwa na makombora na zina hitaji marekebisho

Kwasasa Marekani anatumia Manowari za UK! Hilo la kuazima ni kikwazo kwa shughuli za kivita

Trump anatafuta pakutokea ''Off Ramp'' katika machaguo magumu
 
Vita na Makazi ya Raia. Rais Trump kuhutubia Taifa

Marekani imeshambulia maeneo ya Iran. Kuna ongezeko la askari 3500 ikidhaniwa ni maandalizi ya kuvamiwa kisiwa cha Kharg chenye hifadhi ya mafuta pamoja na eneo mkakati la njia ya Hormuz

Kushambuliwa kwa meli tatu za Marekani mahususi kwa ajii ya kuvusha askari kumeongeza ukakasi katika uvamizi

Iran imeshambulia Israel kwa kutambua mifumo ya ulinzi wa anga haifanyi kazi. Kiwanda cha silaha cha Beersheba kiliteketezwa.

Israel nayo ikipambana na Hezebollah kwa upande wa kaskazini, jambo linaloongeza uzito wa maeneo ya vita

Vita inayoendelea imeonyesha mambo mengi yaliyoelezwa kwa udanganyifu siKu za nyuma.

1. Kwamba, Hamas na Hezbollah hujificha katika makazi ya Raia hivyo ni halali Israel kuwashambulia hata kama kuanya hivyo kutaua Raia. Kwa ushahidi uliopo mifumo ya ulinzi ya Israel ipo katika makazi ya Raia.

Marekani na Israel wanaposhambulia makazi ya Raia Iran ndivyo ilivyo kwa Iran inaposhambulia maeneo ya Raia

Ule utetezi kwamba kuna collateral damage upo wapi?

2. Maeneo ya makazi ni pamoja na Hotel. Askari wa Marekani middle east wanaishi katika Hotel.
Iran imetoa tahadhari kwa Hotel kwamba hifadhi ya askari ni hifadhi ya kituo cha jeshi, watashambulia.

Watu wanaodhani ni makosa kwa Iran kuwashambulia majirani wa kiarabu hilo ni jibu.
Kuacha Jeshi litumie ardhi na Hotel kuishambulia Iran kuna jibu lile lile , Iran ina haki ya kujilinda

3. Kwamba Iran inatumia mabomu ya cluster ni hoja ya Israel kuhusu uhalifu dhidi ya ubinadamu.
Israel imeomba UN kulijadili hilo..

Hoja hapa ni kwamba Israel haikusaini mkataba wa kuzuia mabomu ya cluster. Uhalali wa kuhoji matumizi unatoka wapi? Pili, Israel imetumia white phosphorous kule Gaza, kwanini huo usiwe uhalifu dhidi ya Ubinadamu

4. Kuna hoja kwamba Iran ina sponsor vikundi vya kigaidi kama Hamas, Hezbollah na Houthi kwa jina la Proxies

Kwanini Kuwait, Oman, Jordan , Saud Arabia, Qatar na UAE wasiwe proxies wa Marekani na Israel!

5. Kuna hoja, Iran imeua waandamanaji i. Leo tunaona askari wakishambulia Raia wanaopinga vita Tel Aviv!

6. Kuna hoja Iran inazima internet kuwaumiza Raia! Leo ni kosa kupiga picha yoyote Israel na kuituma mtandaoni


7. Syria inasaidia kutoa anga na ardhi kwa Israel ili kushambulia Hezbollah upande wa mashariki. Kiongozi wa Syria Bw Sharaa au Jailan yupo katika orodha ya CIA ya magaidi wa ISIS kama kiongozi.

Leo mtuhumiwa wa Ugaidi si gaidi tena kwasababu anasadia ''ugaidi'' kwa upande mwingine.

Kuna tatizo hasa nchi masikini kwa Raia wake kumezeshwa vitu bila kujua.

Wengi huimba nyimbo kama si za udini ni za kuhadaiwa na vyombo vya magharibi.

Kwa bahati mbaya elimu ya Uraia na mambo ya dunia ni tatizo kwa Watanzania!

Tunaona hoja dhalili na dhaifu kwasababu hazijengwi kwa kuzingatia ukweli na uhalisia
 
You must log in or register to reply here.

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register