Bashe: Rais Samia ametoa Sh700 milioni ujenzi skimu ya Usense mkoani Katavi yenye urefu wa 7.5km

[Mwanahabari wa Taifa]

​

• Naibu Waziri wa Kilimo Hussein Bashe amesema Rais Samia ametoa Sh700 milioni kwa ajili ya ujenzi wa skimu ya Usense na kuboresha uzalishaji wa zao la mpunga linalolimwa katika skimu hiyo iliyopo Kata ya Uruwira Wilaya ya Mpanda mkoani Katavi.
  Naibu Waziri wa Kilimo Hussein Bashe amesema Rais Samia metoa Sh700 milioni kwa ajili ya ujenzi wa skimu ya Usense na kuboresha uzalishaji wa zao la mpunga linalolimwa katika skimu hiyo iliyopo Kata ya Uruwira Wilaya ya Mpanda mkoani Katavi.

Bashe ameyasema hayo leo Oktoba 3 alipotembelea skimu hiyo, akisema wameweka mkakati ambao utamlinda mkulima, lengo ni kuhakikisha wakulima wananufaika kupitia shughuli zao za kilimo.

"Ni dhambi kuwaletea matumaini ambayo hayapo. Utaratibu uko hivi, nimempa Mhandisi siku 45 zabuni iwe imetangazwa ,watafanya michakato yao kumpata mkandarasi kwa hiyo hii skimu hii yenye wakulima 250 haitaanza kujengwa leo itachukua muda.

“Ninaamini msimu huu hata ukianza skimu haitakuwa imejengwa kwa sababu miujiza ilikuwepo wakati wa mtume Muhammad na Yesu, siku hizi hakuna miujiza," amesema Bashe na kusisitiza lazima taratibu ziwepo kufanikisha ujenzi.

Ameongeza skimu hiyo itajengwa mfereji mkuu ambao utakuwa na kilomita nane na mifereji mitano ambayo itakuwa na kilimota 7.5 kwa hiyo wakulima hao wasubiri lakini amewahakikishia zabuni itatangazwa ndani ya siku 45 na mkandarasi lazima apatikane.

"Nataka kupata majibu katika kipindi kifupi kwamba mkandarasi tayari amepatikana na taratibu zote zinaendelea vizuri, tunataka kila kitu kiwe sawa ili Waziri aje kuzindua ujenzi wa skimu hii. Serikali itawekeza fedha hizo milioni 700 ili kujenga hii skimu ya Usense maana yake lazima fedhazirudi ili tukawekeze sehemu zingine.

"Bahati mbaya miradi mingi ya umwagiliaji ambayo imewekezwa imekosa ufanisi kwa sababu viongozi wanaopewa kuisimamia wengi wanakuwa wabadhirifu kwa sababu fedha zinazochangwa zinanaishia kwenye vikao," amesema.

Pia, ametoa maagizo kwa Mkurugenzi wa Halmashauri ya Wilaya ya Nsimbo mkoani Katavi kuhakikisha wakulima waliosajiriwa kwenye skimu hiyo wanapimiwa maeneo yao na kupewa hati ya umiliki wa mashamba, kila mtu awe na hati ya umiliki wa shamba lake ili wawe na uhakika ndiyo wawe na uchungu.

Kwa upande mwingine, Bashe amesema Serikali imeanzisha Mfuko wa Kuendeleza Umwagiliaji, hivyo wakulima wa kilimo cha umwagiliaj watapewa elimu kuhusu mfuko huo, ambapo wakivuna mazao kuna mchango ambao watautoa kuchangia.

"Mkulima asilazimishwe kulipa fedha kama hajalipa kiingilio cha kujisajili, mnaweza mkakubaliana mkulima akivuna kama ni asilimia 2.5 au tatu mpige mahesabu kwa gunia za mpunga halafu zile gunia zinahifadhiwa kwenye ghala la pamoja," amefafanua Bashe.


KAZI IENDELEE

 

[Mr Dudumizi]

Hongera raisi Samia kwa kuonesha uzalendo na upendo wa kweli kwa nchi yako. Wenye akili zilizo huru tunauona mchango wako uliotukuka ndani ya taifa letu, japo kuna wale ambao akili zao hazipo huru (yan wamezikabizi kwa viongozi wao) wanajifanya hawaoni unachokifanya.

Wengi wao wanajua fika kuwa viongozi wao wamekaa bungeni zaidi ya miaka 10 hadi 15, bila hata kuacha alama ya kuchimba japo visima viwili vitatu kwa wapiga kura wao nk.

 

[Robidinyo]

Ametoa kwenye mshahara wake au kwenye biashara zake?

Kodi zetu ndo mnampamba kua rais ametoa? Hebu tupeni hishima walipa kodi

 

[CM 1774858]

Mama anatisha sana aise, tuendelee kumuombea

 

[matunduizi]

Kazitoa wapi?
Hiyo lugha sijaielewa msaada mliokaribu na nchi na vitengo ya utoaji wa kodi zetu.

Yote Kwa Yote, mafanikio ni kuona tija ya hiyo 700M

 

[CM 1774858]

Bashe anafaa sana kuwa waziri

Anafanya kazi kwa bidii sana

 

[samurai]

mmeshaanza mambo yenu yale....Sema serikali imetoa shilingi kadhaa kwa ajili ya 1,2,3...unaposema Rais fulanu ametoa mnatupa ukakasi kidogo.

 

[Daudi Mchambuzi]

huyo mama amepata wapi hizo pesa wakati mshahara wake sio mkubwa kiasi hicho??

 

[Mwanahabari wa Taifa]

Hongera raisi Samia kwa kuonesha uzalendo na upendo wa kweli kwa nchi yako. Wenye akili zilizo huru tunauona mchango wako uliotukuka ndani ya taifa letu, japo kuna wale ambao akili zao hazipo huru (yan wamezikabizi kwa viongozi wao) wanajifanya hawaoni unachokifanya. Wengi wao wanajua fika kuwa viongozi wao wamekaa bungeni zaidi ya miaka 10 hadi 15, bila hata kuacha alama ya kuchimba japo visima viwili vitatu kwa wapiga kura wao nk.

Ila semaukweli Samia anafanya kazi kubwa sana,

 

[mkulima gwakikolo]

Nashangaa mtoa mada...Unamanisha Rais anamihela ameanza kugawa kama alivokua akifanya JPM?..kumbe hela za Umma viongozi wenu hujitwalia na kuzifany zao sio??

 

[Mwanahabari wa Taifa]

huyo mama amepata wapi hizo pesa wakati mshahara wake sio mkubwa kiasi hicho??

Yeye ndio mhazini mkuu wa serikali bara na visiwani

 

[Mwanahabari wa Taifa]

mmeshaanza mambo yenu yale....Sema serikali imetoa shilingi kadhaa kwa ajili ya 1,2,3...unaposema Rais fulanu ametoa ....mnatupa ukakasi kidogo...

Huyu ndio serikali yenyewe

 

[Last emperor]

Ametoa kutoka kwenye biashara zake zipi? Hela zetu za tozo anasema za kwake?

 

[Mwanahabari wa Taifa]

Bashe anafaa sana kuwa waziri

Anafanya kazi kwa bidii sana

Yeye na Patrobas Katambi wanafaa sana

 

[Daudi Mchambuzi]

Yeye ndio mhazini mkuu wa serikali bara na visiwani

imeandikwa wapi hiyo kwamba rais ni muweka hazina??

 

[Mwanahabari wa Taifa]

Ametoa kutoka kwenye biashara zake zipi? Hela zetu za tozo anasema za kwake?

Rais ndio kila kitu mkuu

 

[Last emperor]

Rais ndio kila kitu mkuu

Jibu swali ni hela zake ametoka nazo Zanzibar?

 

[MamaSamia2025]

Kiukweli hii tabia ya kusema Rais katoa pesa kiasi fulani inakera sana.

 

[Mwanahabari wa Taifa]

Mkuu hujui hili?

imeandikwa wapi hiyo kwamba rais ni muweka hazina??

 

[Mwanahabari wa Taifa]

Kiukweli hii tabia ya kusema Rais katoa pesa kiasi fulani inakera sana.

Usipingane na ukweli,

Tuendelee kuchapa kazi