Chonde, chonde! Huenda hili ni onyo la mwisho kwako!

[Setfree]

Nakusihi kwa Jina la Mfalme wa wafalme na Bwana wa mabwana
1. Usifanye tena uzinzi na uasherati na wala 'usipige nyeto'
2. Acha ulevi
3. Usiibe tena
4. Usirudie kusema uongo
5. Futa kabisa mawazo yako ya kulipiza kisasi
6. Acha kutukana na kuwachafua wengine kwa maneno yako
7. Acha dharau, waheshimu wanaostahili heshima

TUBU! GEUKA! ACHA DHAMBI ZAKO NA UMRUDIE MUNGU!

 

[Setfree]

Hayo niliyokuambia sio maneno yangu. Ni maonyo kutoka kwenye Biblia. Kwa maneno mengine ni sauti ya Mungu mwenyewe anayekuonya leo:

1. Usifanye tena uzinzi wala uasherati wala kupiga nyeto.(1 Wakorintho 6:18; Waebrania 13:4)
2. Uache ulevi.(Waefeso 5:18; Wagalatia 5:21)
3. Usiibe tena.(Waefeso 4:28)
4. Usirudie tena kusema uongo. (Wakolosai 3:9; Waefeso 4:25)
5. Ufute kabisa mawazo yako ya kulipa kisasi. (Warumi 12:19)
6. Uache matusi na kuwachafua wengine kwa maneno yako.(Waefeso 4:31-32)
7. Uache dharau na uwaheshimu wanaostahili heshima (Warumi 13:7; 1 Petro 2:17)

Usidanganyike ukadhani kwa sababu Mungu hajakuhukumu leo basi anakubaliana na matendo yako. Usiuchukulie uvumilivu wa Mungu kuwa ni ruhusa ya kuendelea kutenda dhambi.

Yesu anakuita utubu leo. Siku ya wokovu ni sasa (2 Wakorintho 6:2; Ufunuo 3:20)

Mtu aonywaye mara nyingi, akishupaza shingo, atavunjika ghafula, wala hatapata dawa. (Mithali 29:1)

Sikutishi, lakini huenda leo ndio siku yako ya mwisho ya kuishi duniani. Hivyo huenda hili ndilo onyo la mwisho kwako. Kwahiyo fanya haraka utubu dhambi zako before it's too late.(Waebrania 3:15; Zaburi 95:7-8). Kumbuka ukiondoka duniani leo kabla hujatubu na kuokoka, hautaingia mbinguni bali utatupwa kuzimu kwenye mateso yasiyokoma. Mungu akusaidie usiupuuzie ujumbe huu.

 

[Setfree]

Kama uko tayari kutubu na kumpokea Yesu atawale maisha yako, tafadhali omba sala hii ya toba kwa moyo wa dhati:

"Ee Mungu Baba, nimetambua mimi ni mwenye dhambi. Na nimeisikia sauti yako inayonionya nitubu leo. Nakuja mbele zako sasa nikiomba msamaha wako. Natubu dhambi zangu zote na nimeamua kuziacha kabisa. Nakiri kuwa Yesu Kristo ni Bwana, na Yeye ndiye Mwokozi wa ulimwengu. Yesu karibu moyoni mwangu utawale maisha yangu kuanzia leo. Naomba unipe nguvu ya kushinda dhambi na kuishi maisha matakatifu. Namkataa shetani na kazi zake zote. Asante Yesu kwa kuniokoa. Katika Jina la Yesu Kristo, ninaomba na kushukuru. Amen"

Kama umeomba sala hiyo kwa moyo wako wa dhati, Mungu amekusamehe na tayari umeokoka. Anza kusoma Biblia kila siku na kumuomba Mungu akusaidie kuishi maisha matakatifu hadi Yesu atakapokuja. Usiache pia kujiunga na Kanisa lolote linalohubiri wokovu na kufundisha utakatifu ili ujifunze jinsi ya kuenenda katika maisha mapya ya wokovu. Ubarikiwe sana

 

[Mbaga Jr]

Inasikitisha sana

 

[Mbaga Jr]

Nmefurah sijaona usipige nyeto 🔥

 

[Gunner11]

Kwa hizi pisi zilizojazia minyama tunashindaje mkuu?

 

[Setfree]

Nmefurah sijaona usipige nyeto 🔥

We jifariji tu.
Kwani uzi huu hukuusoma?

Thread 'Apata kipigo kwa kufanya masturbation(kujichua)'

Apr 13, 2025

Nakuletea habari nyingine ya ukweli kabisa isiyochanganyika na chembe yoyote ya uongo. Hivi majuzi, kuna mtu alipata kipigo kwa sababu ya tabia yake ya kupenda kujichua(punyeto). Mtu huyu alionywa mara nyingi kuwa kujichua(masturbation) ni dhambi, lakini aliendelea tu kukaidi. Nani alimpa kipigo?

Mtu huyu alipigwa na Mungu mwenyewe. Ilikuwa hivi: alianza kuhisi hali isiyo ya kawaida katika macho yake. Akaenda kufanyiwa check-up katika hospitali kubwa, ya kisasa, yenye daktari aliyebobea katika kutibu magonjwa ya macho. Akaambiwa kuna vipele vipele vidogo pembezoni mwa macho (kwa ndani)...

• Setfree
• kipigo kufanya
• Replies: 139
• Forum: Habari na Hoja mchanganyiko

• 
• 
• 

 

[Setfree]

Kwa hizi pisi zilizojazia minyama tunashindaje mkuu?

Ukitubu na kumpokea Yesu moyoni mwako, ataikata 'kiu' ya uasherati na uzinzi. Hizo pisi utaziona kama dada zako tu. Kumbuka Yesu ndiye anayetuwezesha kushinda dhambi. Yesu alipokuwa duniani, zilikuwepo pia pisi kali wakati huo. Na Maandiko yanasema Yesu alijaribiwa katika mambo yote lakini hakutenda dhambi. Huyu Yesu ndiye atakayekusaidia kushinda na zaidi ya kushinda.

Soma Maandiko haya kwa ufahamu zaidi:
Yohana 4:13-14; 1 Kor 10:13; Rum 8:37; Gal 5:16

 

[Vulmeko]

Nakusihi kwa Jina la Mfalme wa wafalme na Bwana wa mabwana
1. Usifanye tena uzinzi na uasherati na wala 'usipige nyeto'
2. Acha ulevi
3. Usiibe tena
4. Usirudie kusema uongo
5. Futa kabisa mawazo yako ya kulipa kisasi
6. Acha kutukana na kuwachafua wengine kwa maneno yako
7. Acha dharau, waheshimu wanaostahili heshima

TUBU! GEUKA! ACHA DHAMBI ZAKO NA UMRUDIE MUNGU!

Asante kwa ujumbe

 

[Setfree]

Asante kwa ujumbe

Barikiwa

 

[Vulmeko]

Kwanini sisi wanadamu ni wagumu kukubali maonyo ya Mungu?

 

[Setfree]

Miguel Felix Gallardo
Hii mada sio ya maana kwako?!
Siku zinakuja watu watatamani kuyasikia maneno ya uzima lakini hawatayapata.
Amosi 8:11–12
"Angalia, siku zinakuja, asema Bwana MUNGU, ambazo nitaleta njaa katika nchi; si njaa ya kukosa chakula, wala kiu ya kukosa maji, bali ya kukosa kuyasikia maneno ya BWANA. Nao watatanga-tanga toka bahari hata bahari; na toka upande wa kaskazi hata upande wa mashariki; watapiga mbio, wakienda huko na huko, kulitafuta neno la Bwana, wasilione."

 

[Miguel Felix Gallardo]

Miguel Felix Gallardo
Hii mada sio ya maana kwako?!
Siku zinakuja watu watatamani kuyasikia maneno ya uzima lakini hawatayapata.

Anyway huwa navaa viatu vya watu wanaoamini hizi soga za kusadikika ila bado akili inagoma kuamini stori tu bila uthibitisho.

Dini kwangu bado sana kunishawishi,wengine wamekuja na conclusion kuwa ni kiburi cha uzima.

Ila for the records, i live every second of my life to the fullest.Ili hata siku nikihitajika kufa i have nothing left to prevent not to die.

 

[APEFACE]

5. Futa kabisa mawazo yako ya kulipa kisasi

Kisasi ni haki mkuu.

 

[Kipenzi Changu]

Nyeto imekatazwa wapi kwenye biblia?

 

[Setfree]

Anyway huwa navaa viatu vya watu wanaoamini hizi soga za kusadikika ila bado akili inagoma kuamini stori tu bila uthibitisho.

Unataka uthibitisho kuhusu nini?

Ila for the records, i live every second of my life to the fullest.Ili hata siku nikihitajika kufa i have nothing left to prevent not to die.

My friend, sijui kama nimekuelewa. Sasa kama siku ya leo tu umeboreka kwa sababu hujaona mada ya maana, hiyo fullest unayoiishi ni ipi? Sulemani alikuwa na mamia ya wake, alikuwa na chakula cha kumwaga lakini bado maisha aliyaona ya ubatili. Maisha yenye raha timilifu huwezi kuyapata hapa duniani. Raha ya milele tutaipata tutakapoingia mbinguni. Shetani alikuwa huko mbinguni, anaujua uzuri wa huko. Huyo ndiye anayewapotosha watu sasa na kuwafanya wasiiamini Injili ili wakose kuingia kwenye hiyo raha fullest. Mkatae shetani, na uje kwa Yesu leo.

Biblia inasema itamfaidia nini mtu kuupata ulimwengu wote(utajiri, mali, mapesa, wanawake, vilevi nk nk) halafu nafsi yake iangamie? (Marko 8:36)

 

[Miguel Felix Gallardo]

Unataka uthibitisho kuhusu nini?

My friend, sijui kama nimekuelewa. Sasa kama siku ya leo tu umeboreka kwa sababu hujaona mada ya maana, hiyo fullest unayoiishi ni ipi? Sulemani alikuwa na mamia ya wake, alikuwa na chakula cha kumwaga lakini bado maisha aliyaona ya ubatili. Maisha yenye raha timilifu huwezi kuyapata hapa duniani. Raha ya milele tutaipata tutakapoingia mbinguni. Shetani alikuwa huko mbinguni, anaujua uzuri wa huko. Huyo ndiye anayewapotosha watu sasa na kuwafanya wasiiamini Injili ili wakose kuingia kwenye hiyo raha fullest. Mkatae shetani, na uje kwa Yesu leo.

Biblia inasema itamfaidia nini mtu kuupata ulimwengu wote(utajiri, mali, mapesa, wanawake, vilevi nk nk) halafu nafsi yake iangamie? (Marko 8:36)

Wewe huwezi nielewa mimi pia siwezi kukuelewa.

Yaani mimi ni tomaso haswa!!!!

I need vivid proof usiniambie stori za Suleimani kuwa na wanawake buku thats hox and bulshit!!!Hao wanawake buku zaba na stori za kusadikika i dont buy it???


📌Dini ni pazia zito sana kwa wavivu kuona na kufikiri!!!

Watu wote wanaojitia wadini ni masikini wa roho na walemavu wa akili.Wanaroho mbaya na wamejaa maovu na chuki.Watunstumia dini kama muamvuli wa kujifichia.

 

[Setfree]

Inatia moyo sana, leo Satan ameipa 👍 mada yangu. Mungu ambariki sana. Ila hilo jina lake sijui kwanini alilichagua.
Bado akina Infropreneur na captain Kiranga aliyeniweka kwa ignore list kwa sababu ya vifungu vyangu🙂
Mungu atawagusa tu na kuwarehemu. Amina

 

[danceforme]

Mzee wa 3some natokaje hapo namba1

 

[Setfree]

Nyeto imekatazwa wapi kwenye biblia?

Maandiko yafuatayo yanaonyesha wazi nyeto ni dhambi:
1 Wakorintho 3:16-17
"Je, hamjui kwamba nyinyi ni hekalu la Mungu, na kwamba Roho wa Mungu anakaa ndani yenu? Basi, mtu akiliharibu hekalu la Mungu, Mungu atamharibu; maana hekalu la Mungu ni takatifu, na hekalu hilo ni nyinyi wenyewe.”

Nyeto inaleta madhara mengi ya kimwili. Ni kuuharibu mwili. Miili yetu ni hekalu la Roho Mtakatifu, hatupaswi kuiharibu.

Wagalatia 5:19-21
"Basi matendo ya mwili ni dhahiri, nayo ni haya: Uasherati, uchafu, ufisadi, kuabudu sanamu, uchawi, uadui, ugomvi, wivu, hasira, fitina, faraka, uzushi, husuda, ulevi, ulafi na mambo mengine yanayofanana na hayo. Nawaonya, kama nilivyokwisha kuwaonya kabla, kwamba watu watendao mambo kama hayo, hawataurithi ufalme wa Mungu."

Nyeto ni tendo linalofanana na uasherati na uchafu

Wagalatia 5:16
"Basi nasema, enendeni kwa Roho, wala hamtazitimiza kamwe tamaa za mwili. Kwa sababu mwili hutamani ukishindana na Roho, na Roho kushindana na mwili; kwa maana hizi zimepingana, hata hamwezi kufanya mnayotaka."

1 Petro 2:11
"Wapenzi, nawasihi kama wapitaji na wasafiri, ziepukeni tamaa za mwili zipiganazo na roho."

Mathayo 5:27-32
“Mmesikia kwamba ilinenwa, ‘Usizini.’ Lakini mimi nawaambia kwamba, yeyote amtazamaye mwanamke kwa kumtamani, amekwisha kuzini naye moyoni mwake."

Mara nyingi nyeto huendana na kumtamani mwanamke/mwanaume fulani

Waefeso 5:3
"Lakini uasherati usitajwe miongoni mwenu kamwe, wala uchafu wa aina yoyote, wala tamaa, kwa sababu mambo haya hayastahili miongoni mwa watakatifu wa Mungu."

Yuda 1:7
"Kumbukeni pia Sodoma na Gomora, na miji ya kandokando yake; wenyeji wake walifanya kama wale malaika; walifanya uzinzi na mambo yaliyo kinyume cha maumbile, wakapewa hukumu ya moto wa milele, iwe onyo kwa watu wote."

Nyeto ni tendo lililo kinyume na maumbile. Mungu alimuumba mwanaume na mwanamke, waishi pamoja katika ndoa. Mwanadamu hakuumbwa aishi peke yake na kujiridhisha kimwili. Ndio sababu tunaambiwa:
1 Wakorintho 7:9
"Lakini kama hawawezi kujizuia, basi waoe na kuolewa, kwa maana ni afadhali kuoa au kuolewa kuliko kuwaka tamaa."

Kipenzi Changu kwa maandiko hayo kama bado utaendelea kukumbatia nyeto basi hutaki kwenda mbinguni