MwanaDiwani CCM walisema takwimu za Warioba zilikuwa chache. Tunaomba utueleze hapa, SawmwelSitta alipewa nguvu na sheria gani ya nchi hii kujiteua kama tume ya kukusanyamaoni?
Pili, iweje CCM itumie watoa maoni takribani 30waliohojiwa na Sitta na kuyaingiza katika katiba ikiwa, yale 18,000 ya Wariobahayakuwa yanatosha?
Ndugu Nguruvi3
Wakati mwingine nikisoma hoja zako huwa ninadhani unachokifanya hapa ni sarcasm and whimsical!
Una muda mrefu hapa kwenye jukwaa la siasa na lazima unafahamu majibu ya hoja unazozileta na kuuliza maswali!.
Kwanza, CCM tulikuwa specific kwenye hoja zetu kuhusu Muungano na hii inatokana na majibu yaliyokuwa yanatolewa na Jaji Warioba. Majibu kuhusu msingi uliopelekea kwa Tume ya Jaji Warioba kuhusu Muungano ndiyo yaliyowafanya siyo CCM peke yake bali hata wananchi wengine kuzihoji takwimu zilizokuwa zinajengewa hoja na Tume ya Jaji Warioba. Jaji Warioba kwenye andiko lake alidai sababu za kupendekeza Serikali tatu ni idadi ya watu ''wengi'' waliopendekeza mfumo wa Serikali tatu. Wananchi wakataka kufahamu, wananchi ''wengi'' katika mantiki ipi na katika msingi gani.
CCM haikuwahi kusema takwimu zote zilizopelekea kuandikwa kwa Rasimu ya Pili ya Katiba zilikuwa ni chache. Usiilishe CCM maneno yako.
Pili, Hakukuwepo na CCM kwenye Bunge Maalum bali kulikuwepo na Wajumbe wa Bunge Maalum ambao walikuwa wanawakilisha wananchi kupitia makundi mbali mbali kama yalivyokuwa yameainishwa katika Sheria ya Mabadiliko ya Katiba, Sehemu ya Tano, Ibara ya 22(1).
Kuanza kujenga hoja za kichama katika mtazamo wako hakuwezi kuifanya hoja yako kuwa valid katika Sheria ya Mabadiliko ya Katiba, Sura 83.
Kwa sasa unaendelea kuonyesha kuwa kila siku hoja zenu zinabadilika kutokana na upepo wa hoja. Ni ninyi mliokuwa mnadai CCM walienda na Rasimu mliyokuwa mnaita ya mfukoni, lakini kwa sasa unataka tena kutuaminisha Samwel Sitta alichukua maoni ya watu 30. Guys, where's your consistency?. Awe na Rasimu ya Mfukoni halafu tena achukue maoni ya wananchi!. Gimme a break!
By the way, kuna mdau mmoja alienda Mahakamani akitumia hoja kama yako na Mahakama ilijibu kwa kutoa hukumu ambayo nakala yake ni hii hapa chini. Soma kwa faida yako ili usiendelee kuuliza swali kama hili kila mara!
Tueleze, ni sheria au kanuni gani ziliruhusu wabunge 2kupiga kura, na kwavile CCM walisema ni kura ya wazi, kwanini Sitta ameficha.
Hakuna kanuni iliyosema wabunge waliopiga kura ya siri basi watatangazwa hadharani. Zinazotangazwa ni kura zao. ndivyo ilivyofanyika.
Kikundi inachojiita UKAWA ndiyo kilishupaa kutaka wabunge waruhusiwe kupiga kura ya siri ambapo maridhiano yalifanyika na kukubaliwa kuwa, kama kuna mjumbe anataka kupiga kura ya siri, basi atapiga kura ya siri. Kama kuna mjumbe anataka kupiga kuwa ya wazi basi atapiga kura ya wazi.
Kanuni iliyoongoza upigaji kura ni hii,
38.-(1) Utaratibu wa kupiga kura ya wazi au ya siri utaelekezwa na Mwenyekiti kwa kushauriana na Katibu.
(1A) Katibu atakuwa Msimamizi Mkuu wa Upigaji kura katika Bunge Maalum.
(1B) Katika kutekeleza mamlaka yake kwa mujibu wa fasili ya (1A), Katibu anaweza kumteua mtu yeyote kufanya kazi za usimamizi wa upigaji kura kwa niaba yake".
(2) Wakati wa kupiga kura ya siri, kila Mjumbe atapiga kura ya "Ndiyo" au "Hapana", kwa kutumia karatasi ya kupigia kura itakayokuwa imeandaliwa na Katibu kwa ajili hiyo.
(3) Upigaji kura ya siri utakuwa ni kwa Mjumbe baada ya kupewa karatasi ya kupigia kura, kuweka alama ya vema (") kwenye moja ya kisanduku pembeni ya namba ya ibara husika au pembeni ya maneno "Rasimu ya Mwisho ya Katiba" sanjari na maneno "Ndiyo" au "Hapana", kwa jinsi yeyé binafsi anavyoona inafaa.
(4) Mjumbe ambaye ataharibu karatasi yake ya kupigia kura atairudisha karatasi hiyo iliyoharibika kwa Katibu na atapewa karatasi nyingine ya kupigia kura.
(5) Mjumbe ambaye atakuwa na mahitaji maalum au atakuwa anahitaji usaidizi katika zoezi la kupiga kura, atapatiwa mahitaji hayo na usaidizi huo kwa utaratibu ulioandaliwa na Katibu kwa ajili hiyo.
(6) Baada ya kila Mjumbe anayestahili kupiga kura ya siri kupiga kura, kura hizo zitakusanywa na kuwekwa kwenye masanduku ya kura na kupelekwa kwenye chumba maalum kitakachokuwa kimeandaliwa kwa ajili ya kuhesabu kura mbele ya mawakala walioteuliwa kwa ajili ya kusimamia kura hizo.
(7) Kwa Mjumbe anayetaka kupiga kura ya wazi utaratibu utakaotumika utakuwa ni kwa kuitwa jina na Katibu au mtu yeyote aliyeidhinishwa na Katibu na Mjumbe kutamka kwa sauti maneno "Ndiyo" au "Hapana" kuhusu ibara husika au Rasimu ya Mwisho ya Katiba.
(8) Utaratibu wa kupiga kura ya siri au ya wazi kwa Mjumbe anayepiga kura nje ya Maeneo ya Bunge Maalum utaelekezwa kwa maandishi na Katibu baada ya kushauriana na Mwenyekiti.
(9) Mjumbe yeyote aliye nje ya maeneo ya Bunge Maalum kwa ruhusa ya maandishi ya Mwenyekiti anaweza kupiga kura kwa njia ya nukushi, mtandao au njia nyingine yoyote itakayoelekezwa na Katibu baada ya kushauriana na Mwenyekiti na kura hizo zitajumuishwa pamoja na kura nyingine zilizopigwa chini ya Kanuni hizi.
(10) Kwa madhumuni ya fasili ya (9) ruhusa ya Mwenyekiti maana yake ni ruhusa ya maandishi kwa Mjumbe kutoka nje ya eneo la Bunge Maalum na ruhusa ya kupiga kura akiwa nje ya maeneo ya Bunge Maalum.
(11) Baada ya kura zilizopigwa kwa mujibu wa Kanuni hii kuhesabiwa, Katibu atatangaza matokeo ya kura ambayo yataingizwa katika Taarifa Rasmi.
Tueleze, mahujaji waliwezaje kupiga kura wakiwa katikaIbada yao. Nani alihakiki kura za facebook na fax, yahoo na google
Kanuni ya 38(1) ndiyo iliyoruhusu wajumbe walioko nje ya Bunge kupiga kura zao. Kanuni inasema hivi,
38A.-(1) Mjumbe yeyote aliye nje ya maeneo ya Bunge Maalum anaweza kupiga kura mbele ya Afisa aliyethibitishwa kwa maandishi na Katibu wa Bunge kuwa msimamizi wa upigaji wa kura kwa masharti yafuatayo:
(a) awe ameruhusiwa kwa maandishi kuwepo nje ya ukumbi wa Bunge Maalum na Mwenyekiti; na
(b) awe ameomba kwa Mwenyekiti na kuruhusiwa kwa maandishi kupiga kura yake akiwa nje ya ukumbi wa Bunge Maalum, Isipokuwa Mwenyekiti anaweza kumruhusu Mjumbe aliyeomba ruhusa ya mdomo kupiga kura nje ya maeneo ya Bunge Maalum iwapo Mwenyekiti ataridhika kuwa Mjumbe huyo yupo katika hali au mazingira yasiyomuwezesha kuomba ruhusa kwa maandishi.
(2) Afisa aliyeteuliwa na Katibu wa Bunge Maalum kwa madhumuni ya fasili ya (1), mara baada ya zoezi la upigaji kura kukamilika, atawasilisha Taarifa kwa Katibu wa Bunge Maalum inayojumuisha pamoja na mambo mengine, rejista la Wajumbe waliopiga kura litakaloainisha:
(a) majina ya Wajumbe waliopiga kura za siri;
(b) majina ya Wajumbe waliopiga kura za wazi;
(c) tarehe ambayo Mjumbe alipiga kura; na
(d) majina ya Wajumbe waliojiorodhesha kupiga kura lakini hawakupiga kura.
(3) Kwa madhumuni ya Kanuni hii, Afisa aliyeteuliwa na Katibu kusimamia upigaji kura maana yake, ni mtumishi wa Bunge Maalum, au mtu yeyote aliyeteuliwa na Katibu kwa madhumuni hayo.
Tueleze kwanini Sitta alikataa uwakilishiw wakati wakuhesabu kura
Nani alikuambia Mhe. Sitta alikataa uwakilishi kwenye kuhesabu kura wakati Kanuni zinaeleza wazi?
Kwa taarifa yako, wajumbe sitta walichaguliwa kwenda kusimamia zoezi la kuhesabu kura kama ilivyobainishwa kwenye Kanuni 38(6) kinachosema,
38(6) Baada ya kila Mjumbe anayestahili kupiga kura ya siri kupiga kura, kura hizo zitakusanywa na kuwekwa kwenye masanduku ya kura na kupelekwa kwenye chumba maalum kitakachokuwa kimeandaliwa kwa ajili ya kuhesabu kura mbele ya mawakala walioteuliwa kwa ajili ya kusimamia kura hizo.
Tufahamishe iweje hadi leo katibu wa bunge anajadiliwaliopiga kura na wasiopiga kura. Hiyo 2/3 ya BMK-CCM ilipataikana vipi?
Nimeisha sema, hakukuwepo na CCM kwenye Bunge Maalum bali kulikuwepo na Wajumbe wa Bunge Maalum.
2/3 ilipatikana kwa njia ya upigaji wa kura kama ilivyoainishwa katika Kanuni ya 38 na 39 ya Bunge Maalum. Zisome hizo kanuni hapo juu!
Tueleze, mwanasheria mkuu wa znz amefukuzwa kazi kwa kosala kura yake. Je, uwepo wake ulikuwa kama mwanasheria au kama mjumbe. Na kamani mwanasheria, kitendo cha yeye kupinga rasimu kinamaanisha nini katika uzaniwa kisiasa.
Rais wa Zanzibar na Mwenyekiti wa Baraza la Mapinduzi, Dk. Ali Mohamed Shein amepewa madaraka kikatiba na kisheria ya kumfukuza Kazi Mwanasheria Mkuu wa Zanzibar bila kuhojiwa sababu ya kufanya hivyo.
Kama unataka kufahamu zaidi, unaweza kumtafuta aliyekuwa Mwanasheria Mkuu wa Zanzibar, Mhe, Othman Masoud Othman kwa maelezo zaidi!
Tueleze, Rais Kikwete aiposema S3 zisubiri hadi aondoke,ili hali akijua kila kilichoendelea katiaka tume, alikuwa na maana gani nakwanini alaicha mchakato ukaendelea.
Rais Kikwete hajawahi/hakuwahi kusema Serikali Tatu zisubiri mpaka aondoke bali alisema, hataruhusu vulugu za kijeshi nchini zinazosababishwa na ulegevu wa serikali ya Jamhuri ya Muungano wakati akiwa Madarakani labda wanaotaka kufanya hivyo na kuvunja Muungano inabidi wasubiri mpaka atoke.
Na mwisho tueleze, ni lini suala la katiba limekuwa hojaya CCM. Liliingizwa katika vikao kwa utaratibu gani.
Labda na wewe nikuulize, Ni lini hoja ya Katiba imekuwa exclusive right ya baadhi ya watu, kikundi au chama cha siasa.
Kabla hujajibu naomba uelewe kuwa suala la Katiba ni hoja ya kitaifa iliyoletwa na serikali inayotumikia wananchi kitaifa. Ndiyo maana hata Bunge Maalum la Katiba halikuwa na vyama bali makundi yanayowakilisha wananchi wa Tanzania.
Kama wewe ulikuwa unadhani kwenye Bunge Maalum kulikuwa na vyama, basi hizo ni fikra zako na mtazamo wako.
Kumbuka maji ukiyavulia nguo…
-huna budi kuyaoga!
CCM imeyaoga na sasa Katiba inayopendekezwa imepatikana. CCM kwa sasa iko kwenye ajenda ya Uchaguzi wa Serikali za Mitaa na kura ya maoni.
Mchanganuo wa upatikanaji wa Katiba Inayopendekezwa tunawaachia wale wanaotegemea ajenda za CCM kuendesha siasa zao.
