Tatizo kubwa ni udhaifu katika usimamizi wa Sheria za mipango miji kutokana na udhaifu wa Serikali za Mitaa. Mimi naamini na Nina uhakika kabisa kwamba ramani zote za mipango miji ziko wazi zikionyesha matumizi ya kila eneo limepangiwa Shughuli na majengo ya aina gani ukiachana na yale maeneo ambayo yamevamiwa kutokana na udhaifu wa Serikali kutopima maeneo kwa Wakati.
Aidha kuna sheria ya kutojenga mpaka upate building permit. Iwapo mtu anaekusudia kujenga nyumba ya biashara eneo la makazi sidhani kama mipango miji watakuwa wamempitishia. Vibanda vingi vya biashara vinavyojengwa katika nyumba ya makazi Ni maamuzi ya wajenzi wenyewe, tatizo Ni Serikali yenyewe kushindwa kusimamia sheria zake. Watu wanajenga vibanda vya biashara wakati hati ya kiwanja inasema wazi kwamba eneo hili zitajengwa nyumba za makazi.
Tatizo kubwa lililpo hapa ni hao viongozi wa Serikali wanatakiwa kusimamia sheria hizo ndio haohao wanao vunja sheria hizo. Wote tunajua kwamba nyumba za masaki waliuziwa viongozi wa juu wa Serikali ambao ndio watunga na wasimamizi wa Sera na sheria-wabunge, mawaziri, wakuu wa vyombo vya usalama n.k. Ni udhaifu wa kusimamia sera na sheria za nchi umesababisha watu wengi kuwa wachuuzi na sio wazalishaji.