Hapana.
Pamoja na uozo ilionao CCM; katika hili la utekaji, inatumiwa tu na genge linalomshikilia Samia ndani ya chama hicho.
Ni msimamo wa chama maana walishasema tukiwapoteza polisi msiwatafute .
Lakini pia fuatilia utaona wote wanaopinga mauaji na utekaji hata kama ni maaskofu watapigwa na Makada wa CCM akiwemo Mwenyekiti wao na pia watatokea watu wa dini nyingine ambao ni Makada wa CCM na kusema kuwa watu wanachezea amani ya nchi ndio maana wanashughulikiwa .
TEC iliyojaa wasomi kuliko Taasisi yoyote hapa nchini ilipojaribu kukemea mauaji ,kwa haraka Rais akajitokeza na kuwakemea na kuwaonya wasichanganye dini na siasa .
Akajitokeza makala akakemea maaskofu ,akajitokeza Wasira akakemea maaskofu ,wakajitokeza mashehe na wachawi wa CCM wakawatisha na kuwakemea maskofu .
Sasa hapo inahitajika hesabu ya Calculus au intergration kujua kuwa mfumo wa kuua na kuteka na kubambikia kesi ni msimamo wa chama ?
Kumbe mauaji na utekaji ni suala la siasa ? Kwa hiyo kanisa kuzungumzia mauajia na utekaji linachangana siasa na dini ?
Kwa hiyo ni wazi kuwa utekaji ni moja ya mbinu iliyohalalishwa na Chama na serikali yake kama nyenzo ya kulinda amani .
Yaani wanaona wavuruga amani ni wanaokosoa serikali ya Samia na CCM yake . Na sasa wakaona dawa yao ni kushughulikiwa kikamilifu ikiwemo kupotezwa.
Spika wa bunge Tulia Akson yeye alisema wazi kuwa wanao sema Samia vibaya watanyooka nao .
Uchaguzi ukifika CCM na serikali yake wanaangalia manono yaliyopo ndani ya madaraka na namna rahisi ya kupiga fedha za umma ni kukalia madaraka ya juu ya nchi . Sasa wanachofanya ni kutumia mbinu zote halali na haramu kurudi madarakani. Hapo utu unapotea kabisa . Ndio maana Tulia alisema huu ni mwaka wa uchaguzi masuala ya Mungu na mbinguni hawapo tayari kuyafuata .
Mwenyekiti wa Jumuiya ya wanawake Tanzania Merry Chatanda yeye alisema wazi kuwa Ushindi wa CCM ni lazima na sio Mungu akipenda .
Angalia safu ya Wakuu wa polisi kama kuna mwenye Chembe ya ubinadamu .
Angalia Mchengerwa na Tamisemi ambayo inasimamia uchaguzi .
Mchengerwa hajawahi kuwa mtu mwema kamwe na hata anakotokea ndiko palikokuwa na shida kubwa sana ya ugaidi na mauaji kwenye utawala wa awamu ya nne na tano .
Hivi chama na serikali kama hiyo unawezaje kuitenganisha na unyama unaondelea nchini .