Ni kawaida kwa Watanzania kuzika tofauti zao kwenye misiba ili kumsitiri marehemu na kufariji wafiwa. Hii haimaanishi wote wanaoshiriki msiba walikuwa wanampenda au kuwa kwenye good terms na marehemu.
Pia lazima ufahamu kuwa mkusanyiko wa msiba siyo sawa na mkutano wa kampeni wa kisiasa. Mila zetu zinataka marehemu akipitishwa mahali unasimama unatoa heshima, Sasa Mwili wa JPM unapita mabarabarani unataka watu wasiupe heshima waendelee na shughuli zao?
Tatu lazima ujue kuwa Marehemu alikuwa ni rais aliyefia madarakani, kwa heshima ya Taasisi ya Urais, mtu aliyekalia kiti hicho ana heshima yake kama mtu na ana heshima ya kipekee sana kama kiongozi wa Taasisi, maana rais ni nembo ya Taifa, kwa hilo peke yake wananchi watampa heshima tu, na hii haimaanishi eti anapendwa saana ktk mambo ya uongozi wake
Nne, kuna ishu ya media kuutangaza huu msiba, na matangazo yanavyoendeshwa kwa kumanipulate emotions za watu, na pia maombi ya viongozi walioko madarakani sasa kuwaomba wananchi wajitokeze kwa wingi kumuaga marehemu.
Tano, wapo kweli ambao walikuwa wanampenda na kumkubali, nao watakuwa wamekwenda kwa muktadha huo.
Lazima mjue, akifa raisi yeyote madarakani na mwili wake ukapitishwa mabarabarani na ukatangazwa kwa hisia kali na media, mtawaona wananchi kibao wakitoa heshima yao. Hii ni kwa sababu ya Heshima ambayo wananchi wanayo kwa Taasisi ya uraisi
