Unaweza kutazama filamu inaitwa GOAT LIFE itakupa picha ya nini hutokea.
Kwenye hii filamu, jamaa kutoka india akiwa na jirani yake wanakula dili la kwenda Uarabuni kupiga kazi kwenye kampuni za kishua.
Kosa walilofanya ni kutokuwa na mawasiliano ya uhakika na agent wao anaewapokea huko upande wa pili.
Wakafika na kujikuta wapo airport mwenyeji wao hawamuoni. Akaja mzee wa kiarabu wakahisi pengine ndie mwenyeji wao kumbe sio.
Wakampa passport zao akawachukua mwenye gari huyo hadi vijijini huko jangwani. Wakajikuta wameingizwa katika msala ambao hauwahusu na wakatenganishwa.
Walikuja kukutana miaka mitatu baadae kwa bahati mbaya huko jangwani jamaa akiwa anachunga mbuzi wa Kafeel wake.
Wakakutana na Black m'moja ambae ni mzoefu kidogo na analijua jangwa. Wakapanga kutoroka siku chache zijazo ambapo kutakuwa na harusi ya so hawa mabosi zao watakwenda huko na wanaweza kulala huko huko na kurejea kesho yake.
Siku ikafika mabosi wakaondoka na kwenda harusini mapema,jamaa akajiandaa, yule jirani yake aliyekuja nae na black wakaongozana safari ya kutoroka ikaanza kuvuka jangwani kwenda mjini.
Ilikuwa ni safari ya mateso sana. Njaa,kiu nyoka wa jangwani, dhoruba ya upepo mkali wa jangwani wenye mchanga mzito ambao unaweza kukuangusha na kukufunika ukiwa mzembe.
Aisee jamaa walipambana sana kutembea kutwa nzima na kulala jangwani wakitumia jua kama compass. Huyo black aliwasaidia sana kusogea ila kwa bahati mbaya ndugu yake njaa na kiu vilimzidi nguvu akafariki. Wakaendelea wawili tu.
Jamaa amechakaa kama msukule sio tena handsome boy yule aliyetoka India akiwa na matumaini ya kufanya kazi kwenye kampuni kubwa ya kiarabu, kulipwa vizuri,kukaa kota nzuri na kula chakula kizuri.
Kuna sehemu alipofika alikuwa amechoka sana black akaona isiwe shida akamuacha na chupa ya coca-cola yenye maji waliyochota kwenye chemchem waliyobahatisha huko jangwani wakiwa wanasota na jangwa.
Alimuacha jamaa alilala akaamka akanywa maji akapata nguvu akaendelea kujivuta asijue black kapotelea wapi, kumbe alikuwa ameshakaribia barabarani kutoka jangwani.
Akapata msaada wa msamaria mwema baada ya kupitwa na kukwepwa na gari nyingi wakidhania ni kichaa. Msamaria mwema alionekana kuwa na uwezo kifedha maana alimpakia katika gari yake ya kifahari na akasogea nae hadi mjini kisha kumshusha na kumuacha hapo.
Bahati nzuri sehemu alishushwa ni sehemu kuna shelter house ya watu kama yeye wanaohitaji msaada.
Akasaidiwa kupata passport na utambulisho. Akaenda katika ubao wa matangazo akaona picha ya yule black aliyekuwa nae kuwa ni missing person anatafutwa na Kafeel wake.
Akafanikiwa kwenda migration ambapo kabla ya kuondoka Kafeels huwa wanatonywa na polisi kuwa kuna wajakazi wanaondoka wakawakague kama ni watu wao wanatoroka wakawachukue tena warudi nao nyumbani kuendelea kuwatesa.
Jamaa kufika hapo airport migration akawa anasali tu na kuomba MUNGU kuwa kusiharibike kitu asije rudishwa tena kule kijijini jangwani maana hatopona na atafia huko kwa yale mateso ya miaka 3 aliyopitia.
Huku na huko mzee aliyewachukua airport akatokea, jamaa akatamani kujificha ila haikuwezekana. Mzee akamtambua. Akamsogelea akamwambia "unabahati sina nyaraka zako na sio mimi ambaye nilikuagiza kutoka india, hapa ulikuwa unarudi na mimi na ningekukomesha".
Ikawa ndio pona ya jamaa akafanikiwa kupanda ndege akirejea kwao India bila mwenzake ambaye walikuja wote.
Kuna ujumbe unaandikwa hapo mwishoni "Akihadithia mwingine unaweza hisi ni story za kutunga usiombe yakukute". Ni movie tu ila dah aisee ukiwa na roho nyepesi lazima chozi likutoke namna jamaa alivyokuwa anatia huruma akiwa anamkumbuka mama yake, mkewe ambaye alimuacha mjamzito na akikumbuka maneno ya mama wa rafiki yake akimsisitiza kuwa huyo ni kama mdogo wake so huko wanapokwenda amsaidie kumtazama na kumlinda asipatwe na shida akakosa mtetezi.
Imagine anarudi mwenyewe mama ya yule kijana atamwambia maneno gani na miaka 3 imepita na toka waondoke hawakupiga simu kusema walichokutana nacho huko.
Dah ile movie ni bonge la movie jamaa alijua kuigiza victim mule.