Hao maaskofu wanasiasa kuna namna ya kushughulika nao..kanisa haliizidi serikali maana hata andiko limetoa maelekezo kwa waamini kutii mamlaka sio mamlaka kunyenyekea kanisa..
Hakuna mahali popote ilipoandikwa Kanisa kutii mamlaka za Duniani. Bali ni waumini walioambiwa watii mamlaka. Lakini wanakumbushwa tena kuwa yawafaa kumsikiliza zaidi Mungu kuliko mwanadamu. Na pia wanaambiwa wampe Mungu yaliyo yake na Kaisari yaliyo yake.
Uwendawazimu unakuja pale Mamlaka za Dunia zinapodhani kuwa Kanisa linatakiwa kuzitii mamlaka za Duniani. Kimsingi Kanisa ni mamlaka ya Mungu haliwezi kuzitii mamlaka za Dunia.
Kwa sisi wakristo tunaamini Kanisa ni mali na sauti ya Mungu. Kristo ndiye aliyelianzisha Kanisa. Mamlaka za Duniani huanzishwa na wanadamu.
Mamlaka za Duniani hukubaliwa na Mungu kwa malengo maalum. Lengo la kwanza mamlaka za Dunia zinaweza kuwepo kwaajili ya utukufu wa Mungu. Mamlaka hizo kwa kuwa zina baraka ya Mungu, na zipo kwaajili ya utukufu wake, hutenda mema kwaajili ya watu wake. Watu wake hupokea baraka nyingi kutokana na utawala huo.
Lengo la pili Mungu huweza kuzikubali mamlaka za Dunia kuendeshwa na shetani kama adhabu kwa jamii ambayo mamlaka hiyo inatawala. Mamlaka za namna hiyo ziliwahi kutokea na bado zinatokea mpaka leo. Mamlaka hizo huwa zipo kwaajili ya kuwatesa watu wake. Watu wataonja machungu wawapo chini ya tawala za namna hiyo.
Mwanadamu amepewa utashi wa kupima kama mamlaka zinazowatawala zimekubaliwa na Mungu kama baraka kwao au kama adhabu kwao. Wanapogundua kuwa mamlaka ipo kwaajili ya kuwaadhibu, wanatakiwa kumrudia Mungu kwa toba iliyo njema. Maombi yao, yakikubaliwa na Mungu, tawala ile dhalimu hupeperushwa.
Watu wa Mungu hawastahili kufishwa ufahamu wakaamini kila mamlaka ipo kwaajili ya utukufu wa Mungu.