Hata hao kina sykes walikuwa vibaraka na mabepari wakubwa...
Sykes nachowakubali ni hustling zao,walikuwa na mikakati watu walikuwa wamelala wao walikuwa washaamka
Ova
Mrangi,
Naona umehama kwenye mada iliyo mezani unakwenda kwengine.
Si kitu na tuzungumze ndugu yangu kuhusu mzee wangu Ally Kleist Sykes.
Mimi "air condition," yangu ya kwanza niliiona òfisini kwa Ally Sykes Mtaa wa Lindi mwisho kama unaelekea Mtaa wa Nkrumah nyuma ya iliyokuwa International Hotel.
Hii ilikuwa miaka ya mwanzo 1960s.
Hii nyumba ilikuwa gorofa moja na ilikuwa mali ya Mwingereza kutoka Kenya, Peter Colmore.
Ofisi hii ilikuwa na ''wall to wall carpet,'' na kulikuwa na ''state of the art recording equipment,'' pamoja na ''reel to reel tape deck.''
Nilipelekwa pale na baba yangu.
Nilikuwa mtoto wa kiasi cha miaka 10 hivi.
Schmidt anasema mimi najipendekeza.
Peter Colmore na Ally Sykes walikuwa kutoka 1958 ''business partners'' kampuni High Fidelity Production iliyokuwa na makao makuu yake Nairobi, Government Road sasa Kenyatta Avenue.
Katika miaka hii Peter Colmore na Ally Sykes walikuwa wawakilishi Afrika ya Mashariki wa makampuni makubwa zaidi ya 20 kutoka Ulaya: Gailey and Roberts, British American Tobacco, Aspro, Coca-Cola, Bata Shoes, Lint and Seed Marketing Board kwa kutaja machache.
Baba yangu aliishi mtaa huu si mbali na ofisi hii ya rafiki yake Ally Sykes.
Hapa ndipo nilipokuja kumjua Peter Colmore.
Peter Colmore ana historia kubwa sana na Ally Sykes na Waafrika wa Afrika ya Mashariki pamoja na viongozi wao maarufu ambae Peter Colmore akinihadithia alikuwa Kabaka Mutesa wa Uganda.
Peter Colmore alikuwa na ndege yake binafsi na Rolls Royce.
Miaka mingi baadae sasa mimi mtu mzima nilikuja kukutana na Peter Colmore nyumbani kwake Muthaiga Nairobi na alinifunza mengi katika historia ya Tanganyika ya 1950s.
Huyu Colmore ndiye aliyemtajirisha Ally Sykes na urafiki wao ulianza 1942 Nairobi wote wakiwa vijana wadogo katika King's African Rifles (KAR) Vita Vya Pili Vya Dunia.
Haya maneno aliniambia mwenyewe Bwana Ally kwa kinywa chake.
Nilipomueleza Peter Colmore maneno haya na yeye akaniambia kuwa hakupata kumpelekea Ally Sykes kazi ikamshinda kisha akaongeza akasema anashukuru ikiwa maisha yake yamemnufaisha binadamu mwenzake.
Nina mswada nimeandika wa maisha ya Ally Sykes, ''Under the Shadow of British Colonialism...'' na humo mna historia ya kusisimua ya marafiki hawa wawili.
Siku nyingine nitakuleteeni historia ya Jim Bailey kutoka Afrika ya Kusini Mzungu mwingine tajiri kufuru niliyemjua kupitia mgongo wa Ally Sykes.
Nikienda kwenye ofisi yangu nitaweka picha ya Peter Colmore.
Colmore akimchukia sana Mwalimu Nyerere ingawa walikuwa marafiki wakati wa kupigania uhuru na TANU ikipokea vijisenti kutoka kwa watu hawa.
Azimio la Arusha la mwaka wa 1967 ndiyo lililowagombanisha.
Kwa hakika kama nitasema tuweke barza hapa kuhusu historia hizi tutamaliza deli zima la kahawa.
Ukipenda ingia hapo chini unisikilize ninavyomzungumza Ally Sykes na Mohamed Ghassani:
Peter Colmore nyumbani kwake Muthaiga, Nairobi
