Na. M. M. Mwanakijiji
Badala ya kuendelea kuleta siasa za kuzungusha maneno aliyetangazwa kuwa Rais baada ya kuvurugika kwa Uchaguzi Mkuu na mauaji ya October 29 Bi. Samia Suluhu Hassan anatarajiwa kuzungumza na Watanzania kesho. Naamini kuna mambo matatu akiyazungumza yanaweza kutuliza mandarin wa vijana na labda kwa kiasi kupunguza ukali wa adhabu dhidi yake na watendaji waliohusika na mauaji yale ya mamia ya Watanzania.
1. Akubali kubeba lawama kwa yote yaliyotokea kabla, wakati, na mara baada ya uchaguzi mkuu uliovurugika. Asitafute wa kuwabebesha lawama wengine. The bucks stops with the President. Ajiwabishe mwenyewe kwa kukiri kukosea.
2. Atangaze mara moja kuagiza kukamatwa na kuwekwa nguvuni kwa maafisa wote wa Jeshi la Polisi walioratibu, kusimamia, kuficha, na kuharibu ushahidi wa mauaji ya raia. Pamoja na hili atangaze kuachiwa mara moja kwa wafungwa wote wa kisiasa akianzia na Tundu Antipas Lissu na atoe si zaidi ya masaa 48 kwa wale wote wanaoshikiliwa kwenye vyumba vya mateso kuachiliwa na wale waliouawa mikononi mwa dola miili yao au kilichofanywa kwa miili hiyo kiwekwe wazi mara moja.
3. Kwa vile sehemu kubwa ya uchaguzi mkuu ulivurugika azungumze na Tume ya uchaguzi kuona ni kwa namna gani sehemu ya uchaguzi urudiwe na kuwa yeye mwenyewe yuko tayari kurudi kwa wananchi ndani ya miezi mitatu baada ya kuwekwa taratibu mpya na kuhusisha vyama vyote vya siasa na atangaze kuwa tayari kuheshimu matokeo hayo.
Akizungumzia mambo mengine yoyote ambayo yataonekana ni kuleta mipasho na kuuza maneno sioni ni kwa vipi Watanzania watatulia.
Jambo pekee asilifanye ni kuwatishia Watanzania tena. Wameshavuka mpaka wa woga na malango ya hofu wameyavunja.
Dah!
Ni kama humjui Samia Suluhu Hassan.
Matumaini yako na mapendekezo yako yote hapa, hakuna hata moja atakalo, siyo tu kulizungumzia bali hata kuthubutu kulisogelea.
Samia Suluhu Hassan ni kielelezo halisi cha watu walaghai, wasiokuwa na hata chembe ya soni usoni kwake..
Ngoja nikukukmbushe machache yanayoweza kuamsha akili yako kama umesahau tabia mbovu kabisa za mtu huyu.
Anza na wakati anaingia kuchukuwa nafasi ya Magufuli, kwa gia ya hadaa kabisa ya "Kazi Iendelee"; wakati uleule akishaanza kushikiliwa na akina Roastam Azizi na mipango ya ile sinema yake ya utalii! Kama huoni hadaa hapa; huwezi kuona hadaa karibu zote alizozifanya kuwavuruga waTanzania.
"Kazi na Iendelee" huku akijinadi "kufungua nchi"! "Hapa Kazi Tu", na "Kazi iendelee" vinakutania wapi hapo?
Samia ni kama alikuwa akisubiri kwa hamu kubwa Magufuli aondoke ili atekeleze ajenda aliyokuwa tayari amaiandaa; maana, hata udongo kwenye kaburi la mtangulizi wake ulikuwa bado ni mbichi kabisa. Alikuwa na haraka ya kwenda wapi?
Ulaghai haukuishia hapo, bali kajifanya yeye anawajali sana waTanzania kuliko serikali aliyokuwa akitumikia akiwa Makamu wa Rais. Lugha tamu, na visauti vya kisanii katika zungumza yake kaviweka kazini kupumbaza waTanzania waone yeye alikuwa ni mmoja wa watu waliokuwa wakiumia kimya kimya wakati wapinzani wakipewa shuruba na mkuu wake.
Kwa hiyo kwa hadaa kubwa, kabuni anataka "Maridhiano na Mbowe".
Lakini katika hili pia ni vizuri kukumbusha kuwa tabia zake za kikatili zilishaanza kujitokeza; wakati anasisitiza Mbowe ni Gaidi, na magaidi wenzake walishawekwa gerezani; kama alivyosema yeye. Wakati akiyasema haya, alikuwa amepania kwelikweli kummaliza Mbowe na CHADEMA yake kupitia huko mahakamani,
Kesi ilipoanza kuonekana kuwa haina miguu, haraka haraka karuka vihunzi na kutafuta njia nyingine ya kumlaghai Mbowe kwa njia ya Mazungumzo ya Maridhiano; huku akijuwa wazi anampeleka tu Mbowe chakani.
Watu wanawasingizia wahafidhina wa CCM kuyakataa mapendekezo ya liyowasilishwa na CHADEMA; lakini ukweli wenyewe ni kwamba hiyo ilikuwa ni kazi ya Samia Suluhu Hassan; mtu usiyeweza kumwamini kwa lolote asemalo.
Kwa hiyo kama bado huamini kuwa Samia Suluhu Hassan ni mwanamke mwenye tabia mbaya kabisa, matukio ya hivi karibuni nayo bado unayo mashaka juu yake?
Kuanzia kwenye kujiteua mwenyewe kuwa mgombea pekee hadi kukataa kwa maksudi kabisa ushauri wa kufanyika marekebisho madogo ili uchaguzi uwe wa haki na huru; wewe unataka uambiwe kitu gani kuonyesha uovu mkubwa uliomjaa huyu mwanamke
Na katika yooote hayo niliyo eleza hapo juu, hakuna hata moja analojutia, wala kukubali tu kwamba (by hind sight) kuwa makosa yalifanyika!
Umemsikia lini akizungumzia kwa umakini wowote kuhusu waTanzania kupotea, kutekwa na kuuawa? hawa waliouliwa juzi yeye na machawa wake wanalaumu uharibifu wa miundombinu; kana kwamba watu wametoka tu majumbani mwao kwa hasira za kuwepo miundombinu hiyo!
Bila aibu, kiongozi wa nchi unasema vijana toka nje ndio waliokuja kufanya vurugu hapa; na kama hilo bado halitoshi, hao ni vijana waliolipwa kwenda kuandamana!
Sasa akina 'Mzee Mwanakijiji', bado wanayo mategemeo ya mtu wa aina hii kukubali na kujutia yote yaliyotokea. Ajutie kitu gani wakati kishafanikiwa lengo lake la kubaki madarakani kwa nguvu.
Anachotafuta sasa ni kuhakikisha panakuwepo na AMANI itakayoletwa na mitutu ya bunduki!
Haya mengine yooote, ni ulaghai ule ule kama ulivyofanyika wakati Bandari ikiuzwa
Na ni wazi kukomalia kote huku ni kuhakikisha mipango ya uharibifu zaidi kwa raslimali za nchi hii unafanyika katika huo muda atakaokuwa mtawala asiyehojiwa na yeyote.
Mkuu 'Mzee Mwanakijiji', mapendekezo yako ni mazuri kwa mtu aliye na ubinaadam ndani yake; siyo kwa mtu kama huyu Samia Suluhu Hassan.
Njia pekee waliyobaki nayo waTanzania kwa huyu shetani ni kumwondoa kwa nguvu; hakuna njia nyingine tena.
