👉Ogopeni watu wanaobadilisha misimamo kila wanapokosa wanachokitafuta. Leo ni waaminifu, kesho wanageuka maadui wa walewale waliokuwa wakiwatetea.
👉 Mchungaji Peter Msigwa aliwahi kuhubiri madhabahuni kama mtumishi wa Mungu, lakini baadaye akaacha kazi ya uchungaji na kuingia moja kwa moja kwenye siasa.
👉Akiwa CHADEMA, alijijenga kisiasa na kupata umaarufu mkubwa kupitia chama hicho. Lakini baada ya kukosa nafasi ya uenyekiti wa kanda, akaamua kukihama na kukisaliti chama Cha demokrasia na maendeleo na kuhamia CCM.
👉Wakati huo alionekana kuisifu CCM na kuikosoa CHADEMA kwa nguvu kubwa, jambo lililowafanya wengi kuamini kuwa amehamia upande aliouona wenye maslahi zaidi kwake.
👉Lakini leo hii, baada ya kukosa nafasi na ushawishi ndani ya CCM na uongozi, ametangaza nia ya kuondoka na kurejea CHADEMA tena,
👉Hii ndiyo tabia ya watu wasiokuwa na msimamo. Wakikosa madaraka hubadilisha upande haraka na wakiona maslahi yao hayapo tena huanza kuwasaliti waliokuwa wakiwatetea jana,
KATIKA BIBLIA PETER ( PETRO ) ANAJULIKANAJE👇
👉 Simon Peter ( petro ) alikuwa mmoja wa wanafunzi waliokuwa karibu zaidi na yesu. Petro alikuwa mtu mwenye msimamo wa haraka, jasiri na mwenye kuonyesha upendo mkubwa kwa Yesu mbele ya watu. Mara nyingi alikuwa akizungumza kwa kujiamini na kuonyesha kuwa yupo tayari kusimama na Yesu katika hali yoyote ile.
👉 Katika usiku wa mwisho kabla Yesu hajakamatwa, Yesu aliwaambia wanafunzi wake kuwa wangetawanyika kutokana na hofu. Petro aliposikia maneno hayo alimjibu Yesu kwa ujasiri mkubwa akisema kuwa hata kama wengine wote wangemwacha, yeye asingemkana kamwe. Lakini Yesu alimwambia wazi kuwa kabla jogoo hajawika, Petro angemkana mara tatu mbele ya watu.
👉 Baada ya Yesu kukamatwa na askari, wanafunzi wengi walikimbia kwa hofu ili wasiunganishwe naye. Petro alimfuata Yesu kwa mbali huku akiwa na mashaka na hofu moyoni. Alifika karibu na ua wa mahakama ambapo Yesu alikuwa akihojiwa, ndipo baadhi ya watu wakaanza kumtambua kuwa alikuwa mmoja wa wanafunzi wake.
👉 Mtumishi mmoja wa kike alipomuona Petro karibu na moto wa kuota joto alisema kuwa alikuwa pamoja na Yesu. Petro akaingiwa na hofu kubwa akamkana Yesu mara ya kwanza mbele ya watu. Baadaye watu wengine waliendelea kumtambua kupitia lafudhi na sura yake, lakini Petro akaendelea kukataa kwa nguvu akisema hamjui Yesu kabisa.
👉 Mara baada ya Petro kumkana Yesu mara ya tatu, jogoo akawika ghafla usiku ule. Petro akakumbuka maneno ambayo Yesu alikuwa amemwambia kabla ya kukamatwa kwake. Alijawa na huzuni, majuto na maumivu makubwa moyoni kwa sababu alitambua kuwa alimwangusha Yesu aliyempenda sana. Petro akaondoka mahali pale na kulia kwa uchungu mkubwa sana.
👉 Simon Petro alikuwa na tabia ya kujiamini kupita kiasi, aliahidi kuwa hawezi kumuacha Yesu hata kama wengine wote wangemuacha, lakini mwisho alimkana mara tatu.
👉 Petro alikuwa mtu wa hasira za haraka, hadi akatumia upanga na kukata sikio la askari wakati Yesu alipokamatwa bustanini.
👉 Petro alikuwa na woga wa kushindwa kusimamia ukweli mbele za watu, kwani aliogopa kutambulika kuwa mwanafunzi wa Yesu.
👉 Wakati mwingine Petro alikuwa mwepesi wa kuropoka kabla ya kufikiri kwa kina, jambo lililomfanya aseme maneno yasiyo na busara katika baadhi ya matukio.
👉 Petro alikuwa na imani inayotikiswa kirahisi na mazingira, alianza kuzama baharini baada ya kuingiwa na hofu alipokuwa akitembea juu ya maji.
👉 Petro alionyesha udhaifu wa kushawishiwa na presha ya watu waliomzunguka badala ya kusimama imara kwenye kweli.
👉 Mara nyingi Petro alikuwa na tamaa ya kutenda kwa nguvu za mwili kuliko hekima ya kiroho, jambo lililomfanya kuchukua maamuzi ya haraka yasiyo sahihi.
👉 Petro pia alikuwa na ugumu wa kuelewa baadhi ya mafundisho ya Yesu mapema, licha ya kuwa karibu naye muda mwingi✍️