Nilifuatilia lile kongamano (siyo mjadala ule) kwa kweli nilishangaa kweli, Yaani Waandaaji wanawaleta Wateule wa Serikali ya awamu ya tano kuongoza "mjadala" wa kujadili hali ya kisiasa ya serikali ya awamu yao ambayo wao ni wateule wa serikali hiyo hiyo halafu eti wanaita Mdahalo!. Absurd
Hakukuwa na neutrality yoyote ya kisomi, Wazungumzaji zaidi ya asilimi 80 ni wateule wa serikali hiyohiyo ya Magufuli, Kwa mfano
Kitila ni mteule wa Magufuli, Kabudi ni Mteule wa Magufuli, Mkandala ni Mteule wa Magufuli halafu mwisho akaja Magufuli mwenyewe!. Ni dhahiri huu siyo mjadala wa Kisomi wenye hadhi ya mijadala ya kisomi, Bali ni Kampeni ya waziwazi kabla ya muda wa kampeni.
Katika kongamano hilo la Serikali sijasikia substance haswa ya ni wapi tulipotoka na ni wapi tunapokwenda, Sikusikia wakizungumzia hali ya Usalama wa wananchi, suala la Kupotea kwa Ben Saanane, Suala la Kupotea kwa mwandishi Azory Gwanda, Suala la Kupigwa risasi Tundu Lissu, Suala la Kutekwa kwa Mo, na haya yamefanyika walioyafanya hawajatiwa nguvuni na kwa kweli ni kama hakuna utashi wa serikali kuyatatua. Nilitegemea Waziri wa Katiba na Sheria ayazungumze haya badala ya kusimama katika podium na kuimba sifa tu, kiufupi ni aibu kwanza binadamu kusimama na kuanza kuimba sifa kwa binadamu mwenzio utafikiri yeye ni Mungu
Sijasikia wakizungumzia maslahi ya wafanyakazi, nyongeza za kila mwaka kwa mujibu wa sheria, sijasikia wakizungumzia kulipa malimbikizo ya wafanyakazi ambayo wanaidai serikali kutokana na serikali kusitisha nyongeza hizo ili kupisha zoezi la uhakiki, sijsikia wakizungumza habari za wafanyakzi kupandishwa madaraja kama sheria inavyosema, Hawakutoa Statistics zozote, zaidi ya kutamka kwa maneno matupu kuwa wamefanya hili na lile, kiukweli kabisa mjadala wa kisomi hauwi hivi, labda kama walitaka kuwafikia malaymen, lakini wajanja tumeng'amua, ni kongamano la kisiasa siyo la kisomi!
Hoja ya Katiba mpya nayo wameijibu kisiasa, kuanzia kwa Mkandala mwenyewe na Magufuli Mwenyewe, Huwezi kuweka kapuni mjadala wa katiba mpya eti kwa sababu miaka minne tangu rasimu ya Warioba itoke imepita!. Kupita kwa miaka minne kunazuia vipi uhitaji wa Katiba mpya?, Nani alisema kuwa kila mwaka unaopita katiba au rasimu yake inapaswa kubadirishwa?. Mbona tuna Katiba hii ya sasa na mara ya mwisho kuifanyia mabadiriko ni miaka kadhaa iliyopita mbona tunaenda nayo hiyohiyo?.
Suala la Katiba mpya haliepukiki, Magufuli anaweza kulichelewesha tu lakini Watanzania tutaendelea kuidai katiba mpya iliyo bora, hii ya sasa imepitwa na wakati na inatuchelewesha kuleta maendeleo tunayoyataka. Taifa lilishafikia muafaka katika suala hili kuwa katiba ya sasa haitutoshi.
Nimesikia hoja ya Kupambana na Ufisadi na rushwa lakini wakati huohuo shilingi Trilion 1.5 mahesabu yake hayakuonekana katika vitabu vya CAG, CAG alilizungumza hili, akataka wabunge waiulize serikali, na mpaka sasa serikali haijatoa majibu ya kuridhisha, katika mazingira kama haya utasemaje tunapambana na ufisadi kwa dhati?.
Hoja ya rushwa, wateule wa Magufuli pale kwenye kongamano wanasema kuwa serikali hii inapambana na rushwa, lakini ambacho hawajatuleza ni kwamba kuna vashiria vya waziwazi ya rushwa katika siasa katika nchi hii, Video iliyomrekodi DC Mnyeti akitoa Rushwa iko wazi, kila mtu ameiona lakini badala ya kufikishwa katika vyombo vya sheria ajibu mashitaka ya rushwa, amepandishwa cheo. Katika mazingira kama haya utasemaje unapambana kwa dhati na rushwa?. Ukiachilia mbali hilo hawa wanaojiuzulu katika vyama vyao na kisha kupewa teuzi kupitia katika chama tawala kugombea bila hata ya kuwahusisha wanachama wengine wa CCM kama siyo rushwa ya kisiasa kutafutwa uungwaji mkono ni nini?
Hali ya utawala bora, na double standard katika maamuzi, Tumefukuza wenye vyeti feki lakini Bashite tunamwambia chapa kazi. Tunakamata watu kwa makosa ya kiuchumi lakini kuna mkuu wa mkoa anaagiza makontena kinyume cha sheria, anaachwa ofisini badala ya kumwajibisha ili iwe mfano kwa wengine. Tunawavunjia watu nyumba katika sehemu moja ya nchi lakini katika sehemu nyingine ya nchi hatuvunji zao kwa sababu za kisiasa
Sijasikia mathalani wakizungumza suala la ajira kwa vijana, ni ajira ngapi wamezitengeneza ndani ya miaka mitatu ya utawala wao, Vijana maelfu kwa malaki wanahitimu masomo yao katika ngazi mbalimbali za elimu, hawana ajira, hawana mitaji, tueleze serikali imefanya nini kutatua suala hili, haya ndiyo mambo niliyotegemea kuyasikia
Kiufupi, lile kongamano kwa mtazmao wangu limefeli kujibu maswali mengi ambayo wananchi wanayo dhidi ya serikali hii. Na kiufupi walichozungumza jana wateule wa Magufuli (Maana ni kama wamejiandalia kongamano la kumsifu aliyewateua) ni kumwaga sifa tu kwa aliyewateua!
Niwakumbushe tu, Haitokuwa Mwanzo wala Mwisho kwa kila mtawala kusifiwa, kuimbiwa vigelegele, kuchezewa ngoma n.k. Kwa Nyerere tuliimba sana, tena tukampa hadi Slogan ya Zidumu Fikra za Mwenyekiti, je zilidumu?, alipokuja Mzee Mwinyi naye tulimuimbia sana, Mkapa hivyohivyo na Kikwete naye tukamuimbia lakini yeye inaonekana hakupenda saana mambo ya kuabudiwa abudiwa. hata hivyo linapokuja suala la Wasomi, tena Chuo Kikuu chenye heshima kama cha Dar es salaam kuanza kuimba nyimbo za kipropaganda za kisiasa badala ya kuwa objective na kushusha Nondo kwelikweli juu ya hali halisi ya nchi na wananchi kwa ujumla, Chuo kikageuza ukumbi adhimu wa Nkrumah kama Altare ya kuimba sifa kwa mtawala, kwa kweli ni jambo la kusikitisha sana. Chuo kimegeuzwa kama Ofisi Ndogo ya Uenezi hapo Mtaa wa Lumumba!!
Kwa kweli waandaaji kongamano wamefeli katika kongamano lao maalum la "Kumsifu Mheshimiwa", Nilitegemea kongamano liwe na hadhi ya kisomi, Pawepo na mtifuano kwelikweli wa Fikra huru kutoka kwa nguli wenye mitizamo tofauti. Sasa wameenda kuleta wateule walewale wa serikali ileile kujitathmin unategemea nini?. Ni sawasawa na kumleta Haji Manara Nkrumah kuzungumzia utendaji kazi wa Uongozi wa Simba Sports Club ambayo na yeye ni sehemu yake, What do you expect?
Mimi namshauri tu Raisi Magufuli, akiwasikiliza Watuele wake akina Kitila, Kabudi na Mkandala anaweza kudhani mambo swaaaaafi (ofcourse lazima wamsifie maana kawapa “kula"), Lakini ukweli ni kwamba huku Site panawaka moto, tunataka majawabu ya ajira , tunataka majawabu ya utawala wa sheria katiba na haki, tunataka majawabu ya ulinzi na usalama wetu hatutaki kutekwa na kupotezwa, tunataka majawabu ya nyongeza za kisheria na haki za wafanyakazi, tunataka tume huru ya uchaguzi, tunataka kilimo chetu kiboreshwe, kipewe kipaumbele, wakulima tupate uhuru na nafasi ya kuuza mazao yetu nje ya nchi bila vikwazo, na tunataka katiba mpya iliyo bora. Hayo mambo hayakwepeki Mheshimiwa!