SAKATA LA LUGUMI: Tamko la Ofisi ya Bunge kuhusu mkataba wa LUGUMI

[Tindo]

Mbona bado vivyo hivyo.

Jaribu kupitia tena kama unataka nijibu hoja zako.

Hii mada unayong'ang'ana nayo imekaa vibaya kwani kile kilichosemwa na huyo kaimu wa PAC na hilo tangazo la bunge ni kama kutuona watanzania wote ni wapuuzi kwamba hatuwezi kusikia na kuelewa mpaka hilo bunge linalonuka rushwa litutafsirie. Nikusaidie tu, usilazimishe kutetea mambo ya ajabu hata kama Magufuli yeye kama yeye anajitahidi kurekebisha mambo. Kimsingi mpaka sasa serekali inaonekana inaanza kuzidiwa kete na wahuni wa ccm kwani tabia hizi za kihuni za ccm ni kama samaki ndani ya maji na kitendo cha kujaribu kumtoa ni kutaka kukatisha maisha yake.

 

[MsemajiUkweli]

Mkuu tindo kajibu hoja zako vema tu
Ningependa nielewe katika suala hili, nini hasa utetezi wako? Kumbuka tumelizungumza sana hili na rekodi zipo zikibadilika kila baada ya taarifa mpya.

Sasa tuweke rekodi sawa ikiwemo ya kwangu

1. ' Kwa Lugumi lipo jambo linafichwa' nilitoa sababu, naamini serikali inaficha jambo

2. Rekodi yako ni ipi?

Mkuu nchi haijengwi katika utetezi wa uovu. Rais anapoomba ushirikiano kupambana na maouvu anategemea kusikia pande zote. Kitu kinatochotuunganisha ni sisi sote kuwa waathirika wa uouvu uliokithiri nchini.

Kwanza nimekata andiko lako lote kwa sababu ninadhani hoja zinazotakiwa kujibiwa ni hizi nilizobakiza. Hoja zilizozikata nadhani ni hisia zako ambazo tayari umeziwekea hitimisho badala ya kuacha uwanja utakaoruhusu majadiliano.

Pili, Sijawahi kusema hakuna tatizo tatizo katika mkataba wa Lugumi na polisi. Nilisema kwa sasa vilimbi ni nyingi kiasi kwamba kwa mtu mwenye fikra pana hawezi kufahamu ukweli ni upi. Kutokufahamu ukweli hakuna maana kuwa hakuna tatizo.

Rekodi yangu ni kusubiri ukweli kamili ili niweze kujenga hoja zenye msingi wa ukweli badala ya hisia. Ninachokiona kwa upande wako ni kujenga hoja kwa kutumia hisia.

Nimeishapata fundisho kwenye suala la Hati ya Muungano kwenye Bunge la Katiba kuwa kujenga hoja kwa kutumia msingi wa hisia ni kutoka nje ya hekima na busara.

Tuliaminiswa hakuna Hati ya Muungano baada ya Ikulu kusua sua kuitoa kwa umma kumbe kelele zote tulizokuwa tunazipiga hatukuwa kwenye ukweli.

Wahenga husema, subira huvuta heri.

 

[REAGAN C.MABOGO]

HOJA INAYOTAWALA SASA HIVI NI JUU YA KAMPUNI ZILIZOINGIA MKATABA NA POLICE: KINA NANI WAMILIKI! HII NDIYO HOJA. WAO WAUPELEKE HATA KAMATI YA AFYA AU MICHEZO. TUNACHOTAKA HUO MKATABA UWEKWE HADHARANI.

 

[KWEZISHO]

Ni aibu taasisi kama Bunge letu tukufu kuelekea kutumika kuficha uchafu! Nani tumuamini, kama Mheshimiwa Hilary Aeshy ametamka hadharani kuitaka Wizara na Polisi kuwapatia Mkataba halafu taarifa ya ofisi ya bunge inasema sio kweli?

 

[Dartz]

Kichwa cha andiko lako tu, nimekosa hamu ya kisoma zaidi, hasa nilipokutana na hili neno "EMBU".

 

[MUSIGAJI]

Ahaaaa,hii inaweza kumuacha baba bila kusitiriwa.

 

[Ngaliba Dume]

Huu ni mtego mkubwa sana kwa serikali ya Rais tunaendelea kumuombea!Kweli ndio maana huwa anasema tumuombee kwa nguvu zote

Si ajabu alimwambia Cardinal Pengo kuwa "Urais ni kazi ngumu sana,angelijuwa basi asingegombea"

 

[Mr perfect]

Inaniuma sana kuona hawa watu wanaanza kutetewa na kupindisha maelezo... Trump Yuko sahihi kabisa sijui lini wananchi tutaibuka na kupinga haya yanayotokea leo hii.... Ebu angalia Brazil wananchi wanapiga kula kumuondoa raisi wao... South Africa pia rais kabugi pia wanamtikisa sisi tunachekacheka ivi tutakua lini!!????? Ebu tuamke basi

 

[MUSIGAJI]

Kila nikitafakari naona watu wanaitwa majipu takribani walioshika nyazifa za juu serikalini.Serikali iliyopita imefanya mema na mabaya mengi ila dalili inaonyesha unataka kufanya mema na kuwadhibiti wanaofanya mabaya katika utawala wako.Kwa hali hii ya kutumbua wenye nyadhifa za juu serikali wa serikali iliyopita naona kama unawaonea tu maana huenda hata waliokuwa waadilifu walibadilishwa kwa kupokea VIMEMO kwa kila uamuzi walioufanya hivyo leo wanawajibishwa kwa makosa ya wengine.
Anza ukurasa mpya maana jinsi wewe unavyoona ugumu wa kutumbua majipu ndivyo na wao walikuwa wanaona kupinga uamuzi wa aliyeko juu yake.

Ugumu wa kutumbua Wanene kama Lugumu & followers .Mkuu bhana

 

[NjalangiJr]

Manyumbu mipovu inawatoka

 

[maonomakuu]

Baadhi ya majipu hayataguswa mkuu

 

[KWEZISHO]

Ushawahi cheza mchezo wa karata Tatu?

Hapa tupuh pale tuphu, mzungu umemuona wapi?

 

[pakaywatek]

Manyumbu mipovu inawatoka

Fisadi mkubwa wewe mxhewww.

 

[Nguruvi3]

Kwanza nimekata andiko lako lote kwa sababu ninadhani hoja zinazotakiwa kujibiwa ni hizi nilizobakiza. Hoja zilizozikata nadhani ni hisia zako ambazo tayari umeziwekea hitimisho badala ya kuacha uwanja utakaoruhusu majadiliano.

Pili, Sijawahi kusema hakuna tatizo tatizo katika mkataba wa Lugumi na polisi. Nilisema kwa sasa vilimbi ni nyingi kiasi kwamba kwa mtu mwenye fikra pana hawezi kufahamu ukweli ni upi. Kutokufahamu ukweli hakuna maana kuwa hakuna tatizo.

Rekodi yangu ni kusubiri ukweli kamili ili niweze kujenga hoja zenye msingi wa ukweli badala ya hisia. Ninachokiona kwa upande wako ni kujenga hoja kwa kutumia hisia.

Nimeishapata fundisho kwenye suala la Hati ya Muungano kwenye Bunge la Katiba kuwa kujenga hoja kwa kutumia msingi wa hisia ni kutoka nje ya hekima na busara.

Tuliaminiswa hakuna Hati ya Muungano baada ya Ikulu kusua sua kuitoa kwa umma kumbe kelele zote tulizokuwa tunazipiga hatukuwa kwenye ukweli.

Wahenga husema, subira huvuta heri.

Mbona tupo pamoja mkuu, kuanzia mwanzo hoja yangu ni kuwa kificho cha nini? Ninashangaa unasubiri ukweli, utaupata wapi ikiwa ilichukua 7 kutafuta faili na sasa yanazuka mengine kama haya ya bunge? Ukweli upi unaousubiri ikiwa mwenyekiti PAC aliomba mkatab, Mwenyekiti ulinzi na usalama akakiri kuupata, Bunge linasema kinachotakiwa ni maelezo ya kina. Ukweli upi tena na utaupata wapi?

Hakuna mahali nimeweka hitimisho la suala hili, hata hivyo ubabaishaji umezua hisia kwa jamii na ni haki ukizingatia serikali inasema hili, bunge linasema kile kamati hazijulikani zinafanya kazi gani, bunge halijui kamati zimeomba nini

Hoja hapa ni kuwa wanaficha ukweli, ndio maana tunawaangalia kupitia mboni za macho na kujiuliza, ndio hawa wanaosema wanapambana kweli?

Ukweli utapatikana wapi katika ubabaishaji uliopo?

Rekodi zinaonyesha ukibadili mwelekeo kila taarifa inapokuja! katika hali hiyo unaupta wapi ukweli? Ni upi unaoufuata!

 

[MALAMSSHA]

Hivi kuna watu wako serious kabisa wakitarajia mabadiliko ya kweli toka serikali za ccm? Hakika mnapoteza muda, hawa wanajuana.

Salute

 

[Mcharo son]

Baadhi ya majipu hayataguswa mkuu

kama yepi?

 

[maonomakuu]

Mkuu utayaelewa kadiri muda unavyoenda

 

[sifongo]

Hii movie haina tofauti na ile ya bumbuli boy.

Haiwezi kuwa tofauti mkuu maana director ni mmoja........ccm.

 

[Mkomamanga]

Kumekuwa na taarifa zinazoendelea kupotosha umma na baadhi ya vyombo vya Habari kuwa Kamati ya Bunge yo Hesabu za Serikali (PAC) ilipokuwa ikitekeleza majukumu yake tarehe 5 April, 2016 ililitaka Jeshi Ia Polisi kuwasilisha Mkataba ulioingiwa Kati ya Jeshi hilo na Kampuni ya Lugumi Enterprises Ltd kuhusu mradi wa Utambuzi wa Alama za Vidole AFIS (Automated Fingerprint Identification System). Ofisi ya Bunge inapenda kutoa ufafanuzi kuhusu jambo hili kwamba, taarifa hizo si za kweli na zina lengo Ia kupotosha umma kutokana na kile kilichoamuliwa na kamati hiyo.

Ukweli kuhusu jambo hili ni kwamba tarehe 5 April, 2016, kamati hiyo ilikutana na kujadili Taarifa ya Ukaguzi wa hesabu zilizokaguliwa za fungu 28, Jeshi Ia Polisi kwa mwaka wa fedha unaoishia Juni 30, 2014 ambapo kamati pamoja na mambo mengine iliona kuna haja ya kupata maelezo ya kina kwa maandishi katika utekelezaji wa mkataba huo.

Kutokana na haja hiyo, kamati ilimwagiza Afisa Masuhuli ambaye ni Katibu Mkuu wa Wizara ya Mambo ya Ndani ya Nchi kuwasilisha maelezo ya kina kwa maandishi kuhusu utekelezaji wa mradi huo kwa Ofisi ya Katibu wa Bunge ili kamati iweze kuchambua na kujadili maelezo hayo kabla ya kupendekeza kwa Bunge hatua zaidi za kuchukua. Kufuatia agizo hilo, kamati ilimwandikia pia Katibu wa Bunge taarifa kuhusu agizo hilo tarehe 12 Aprili, 2016 ili kupatiwa maelezo hayo kutoka kwa Afisa Masuhuli.

Ofisi ya Bunge ilimwandikia barua Katibu Mkuu, Wizara ya Mambo yo Ndani tarehe 12 Aprili 2016 kuwasilisha Taarifa ya utekelezaji wa maagizo ya Kamati Kudumu yo Bunge ya Hesabu za Serikali (PAC) iliyotokana na kikao hicho cha tarehe 5 Aprifi 2016 kabla yo tarehe 18 Aprili, 2016 kama ilivyoshauriwa na kamati.

Ni vyema Umma ukafahamu kuwa kilichoombwa na Kamati ni Maelezo ya utekelezaji wa Mkataba huo na sio Mkataba kama inavyoripotiwa na baadhi ya vyombo vya Habari ambapo Ofisi ya Bunge iliomba maelezo hayo yawasilishwe kabla ya tarehe 18 Aprili, 2016.

Imetolewa na:

Kitengo cha Habari, Elimu na Mawasiliano
Ofisi ya Bunge

DAR ES SALAAM

15 Aprili, 2016.

Toeni taarifa kamili mseme kama hata hicho mlichoomba mlipewa au la????

 

[LENDEYSON]

Wakamwambia, "Bwana,Yohana ametutuma kwako tuje tukuulize, Je wewe ni yeye yule tuliokuwa tukimsubiria au tumngoje mtu mwingine?" akawaomba wampatie maji anywe. Naye alipomaliza kunywa, akawatazama, akawajibu akisema....."Kamwambieni Yohana yale mnayo yaona ninyi wenyewe..viwete wanatembea, vipofu wapata kuona tena."HERI MTU YULE ASIYE NA MASHAKA NAMI"

mbarikiwe wana JF

[emoji23] [emoji23] [emoji23] [emoji23] [emoji23] [emoji23] [emoji23] [emoji23] [emoji23] [emoji23]