Hilo ni dua la kuku, Kamwe mwewe kumpata
Ikulu ni marufuku,Tusipakane mafuta,
Kweli mnayo shauku,yalojengwa kuyafuta,
Hamtapata kitu Ng'o,mtakaa msubiri.
Shairi: Aikael Mbowe, Freeman Mwamba wa Tanzania
Shairi: Aikael Mbowe, Freeman Mwamba wa Tanzania
Ikulu ni marufuku,Tusipakane mafuta,
Kweli mnayo shauku,yalojengwa kuyafuta,
Hamtapata kitu Ng'o,mtakaa msubiri.
Kuwa nimekuwa kimya, si kwa kuwa umeshinda,
Huhitajika mayaya, vyote huanza makinda,
Mmekalia ubaya, siasa siyo ununda!
Shingo mlivyoshupaza, hekima yenu i wapi?
Hekima yenu i wapi, hii nchi yetu sote,
Mnang'ang'nia kipi, hapa mbona kwetu wote,
Mmekuwa wafupi, kutoona pande zote,
Shingo mlivyoshupaza, hekima yenu i wapi?
Father of All
JF-Expert Member
- Feb 26, 2012
- 7,672
- 9,039
Malenga acha utani, eti na Mbowe ni Simba!
Ni simba katika nini, hebu nieleze mwamba,
Simba alianza lini, au bure wampamba,
Mbowe akiwa simba, simba watakuwa nini?
Kama ni kwenye siasa, nadhani wamuonea,
Wauhitaji msasa, ujifunze kuongea,
Kisiasa Mbowe tasa, karibu tatokomea,
Mbowe akiwa simba ,simba watakuwa nini?
Ukisema Mbowe mbuzi, unayo sapoti yangu,
Hili liko wazi wazi, japo litie utungu,
Namna alivyonasa, apitwa na nungunungu,
Mbowe akiwa simba, simba watakuwa nini?
Ni simba katika nini, hebu nieleze mwamba,
Simba alianza lini, au bure wampamba,
Mbowe akiwa simba, simba watakuwa nini?
Kama ni kwenye siasa, nadhani wamuonea,
Wauhitaji msasa, ujifunze kuongea,
Kisiasa Mbowe tasa, karibu tatokomea,
Mbowe akiwa simba ,simba watakuwa nini?
Ukisema Mbowe mbuzi, unayo sapoti yangu,
Hili liko wazi wazi, japo litie utungu,
Namna alivyonasa, apitwa na nungunungu,
Mbowe akiwa simba, simba watakuwa nini?
Malenga hukumsoma, ukadhani simba mwitu,
Ni macho au bandama, si simba bali vya mtu!
Kuisoma yake hekima, visiwe kichwani vitu,
Kavitue kwanza vitu, ulivyojitwika wewe!
Kwa nini Mbowe ni Simba, aweza kuridhiana,
Angalia malumumba, hawezi kuyafanana,
Kakosa nini Kolimba, tusije kumfanana?
Kavitue kwanza vitu, ulivyojitwika wewe!
Ulivyojitwika wewe, ni bange au komoni?
Ndivyo vyakupa kiwewe, kusaka simba mijni?
Ni ufipa au kawe, wanyama nenda mwituni!
Kavitue kwanza vitu, ulivyojitwika wewe!
Mshindi hatutafuti,ya nchi tunayajenga
Wote sisi dikuruti,wanafunzi wa malenga
Lengo si kupiga shuti,wala lengo si kupinga
Shingo zetu zi laini,shida yenu wakorofi.
Hekima yetu amani,nchi kuweka pazuri
Kung'ang'a sasa nini,kwetu sote ninakiri
Twaona hadi kusini,pande zote tu mahiri
Shingo zetu zi laini,shida yenu wakorofi.
Echisute
JF-Expert Member
- Oct 16, 2018
- 531
- 524
Mkuu pesa is nothing, ukinzani wa kifikra una baraka za Mungu....yaani nachelea kusema ni law nature. CHADEMA ni taasisi iliyo katika hiyo law. CCM ni chama mfu!
Mliwahi kusikia, wito wa maridhiano?
Mliwahi zingatia, tuone si mashindano?
Kukata watu mikia, mhodhi vyote vinono,
Sikizeni toka kwetu, kujiona hamuwezi,
Yalimshinda tumbili, hakuliona la kwake,
Tusemayo ni kamili, twawaona kwa makeke!
Huitafuta halali, siyo kwa maneno yake!
Mwuungwana sikiliza, huwezi wewe jiona!
Kwani kuna shida gani, maridhiano na nani ?
Ushindi ni wa tufani,mwataka mpewe nini,
Mkakae mashambani,mzalishe ya tumboni,
Acheni kutaka dezo,Mmeshindwa tulieni
Acheni kutaka dezo, mmeshindwa tulieni
Siasa siyo mchezo,ni kazi ya kiumeni
Hatutaki matatizo,Nyie kwanza pataneni
Bila kujirekebisha,mtaishia kunawa.
Kaka ninakusalimu ,salaaam alaykumu
Mimbari hii muhimu,Sasa iwe ya kudumu
Malumbano ni matamu,Yanatupa ufahamu
Siasa hujenga mwili,tunatoa ya moyoni
Hatafutwi mshinda, yalikuwa ni ya nani,
Mara tena mmeshinda, eti nao wa tufani?
Kura zenu za kusunda, na kubeba mabegini?
Yakumbuke usemayo, siyo kuwa mbayuwayu,
Ya shingo kuwa laini, yalikuwa nayo yako,
Iingie akilini, haya pia ni ya kwako?
Ukiingia vitani, tumia risasi zako,
Yakumbuke usemayo, siyo kuwa mbayuwayu,
Umeshindwa kukumbuka, ulisema ya kupewa?
Ni kwa vipi tutafika, mafuta umeishiwa,
Mara useme haka, mara huyu mara hawa,
Yakumbuke usemayo, siyo kuwa mbayuwayu,
Beti umeparanganya,hauna muelekeo,
Mambo umeyachanganya,umekabwa koromeo?
Umechoka kudanganya,usiku hadi machweo
Watu waongo waongo,Haram kuridhiana.
Alaykum Salamu, zimenifika kwa simu,
Naafiki ni muhimu, kulifanya la kudumu,
Kurumbana bila damu, si ndiyo ubinadamu?
Wapo wengi watalamu, kwa hakika litanoga!
Zirejee beti zako, kuona u mbayuwayu,
Semi zote ni za kwako, umekuwa fukunyunyu?
Za kushinda nazo zako, kukumbuka ni kufinyu?
Za chini zote za kwako, linganisha kwenye red!
Mshindi hamtafuti, shingo zenu ni laini
Mmeshindwa hampati, ushindi ni wa tufani,
Yako yapi hapo kati, paraganyo kwani nini?
Za chini zote za kwako, linganisha kwenye red!
---------
"Mshindi hatutafuti,ya nchi tunayajenga
Wote sisi dikuruti,wanafunzi wa malenga
Lengo si kupiga shuti,wala lengo si kupinga
Shingo zetu zi laini,shida yenu wakorofi."
"Kwani kuna shida gani, maridhiano na nani ?
Ushindi ni wa tufani,mwataka mpewe nini,
Mkakae mashambani,mzalishe ya tumboni,
Acheni kutaka dezo,Mmeshindwa tulieni"
Waalike huko bara , hili jambo la muhimu
Visiwani tutafura,kwa vina vilo vitamu
Na hii si biashara,ni kujenga ufahamu,
Siasa hujenga mwili,tunatoa ya moyoni.
Wabara tuko imara, kumbukumbu na mantiki,
Siyo siasa uchwara, kwenye haki hatutoki,
Wala huu si mkwara, janja janja hatutaki,
Tujadili ya nchini, siasa huchangamsha!
Mengi yamekwishapita, jahazi lasonga mbele,
Kwa staha tumepita, kimya pasipo kelele,
Ya nini kusita sita, enyi malenga wa kale,
Tujadili ya nchini, siasa huchangamsha!
Siasa huchangamsha, tujadili ya nchini,
Wepesi watachemsha, wabaki wale makini,
Hii siyo kujichosha, na matusi ya wahuni,
Tujadili ya nchini, siasa huchangamsha!
Pana chaguzi zimepita, na mazagazaga yake,
Pana hata za ukuta, vuguvugu za makeke,
Pana waliojikita, ni hadi kieleweke,
Tujadili ya nchini, siasa huchangamsha!
Mheshimiwa missile,usitue peni chini,
Senzige wa zenji kule, uongezee watani,
Ukomavu ule ule, haki iwepo nchini,
Tujadili ya nchini, siasa huchangamsha!
Tunao magwiji wengi, wakiwamo wenda kimya,
Yupo Makanyaga Kingi, mfalme wa kule mbeya,
Yupo binti yake mangi, Lowassa bingwa wa kaya,
Tujadili ya nchini, siasa huchangamsha!
Hapa niongeze nini, Senzige kumuitika?
Hata bila kalimani, wamwelewa huyu kaka,
Ya siasa tuyaghani, tukisaka miafaka,
Nimefikisha ujumbe, na mjumbe hauwawi!
cc: father-of-all
Wallahi nimefurahi,haijapata tokea
Na tena niwasabahi,wale mtaitikia
Si Pemba wala si Bahi ,Mola atajaalia
Mwito wa Brazajei,ufike mikoa yote.
Mwito mtaoitika,muandike yenye tija
Wengi watanufaika,na kuwatia faraja
Muandike ya hakika,yalo mema kuyataja
Mwito wa Brazajei,ufike mikoa yote.
Alisema Museveni, hatosubiri karamoja,
Ya kuwa sisi twendeni, bila shaka watakuja,
Watukutie njiani, tutasafiri pamoja,
Kwa kipyenga cha Senzige,Jahazi nanga twang'oa.
Jahazi nanga twang'oa, tunayo mengi mezani,
Una ya kukokotoa, ya red u kitanzini,
Mawaziri alotoa, awajua visiwani?
Kwa kipyenga cha Senzige, tayari tumeshang'oa.
Kama namba mtasoma, kama tusomavyo sisi,
Awamu hii ya neema, labda kwa makasisi,
Kanda yetu ya Musoma, labda pia busisi!
Kwa kipyenga cha Senzige, Tunayeya safarini.
cc: missile-of-the-nation, Makanyaga,
Jane Lowassa, father-of-all
Mawaziri nawajua,walokuwepo zamani
Wapya sijawajua,itawapima mizani
Wakishindwa kutatua, tutawaacha gizani
Tumepuliza kipenga,Mje tujenge kwa vina,
Brazajei wasikia,kumekucha visiwani
Weshatia yao nia,Kiapo serikani
Mambo wameyaridhia,wazalendo karibuni
Hussein amewaita,nao wameitikia
Lile Moja saba moja, bandiko lilikuhusu,
Ajabu moja kwa moja, macho hukuyaruhusu,
Ukafanya huna haja, ya kusoma hata nusu,
Unapojitafakari, liko hapa chini tena.
----------------------
Asante sana mkuu, kwa yote na uzi huu,
Umedhihiri ukuu, pasipo hata makuu,
Penye moto wa vifuu, umeileta nafuu,
Wanapokwenda yajenga, tuwape moyo wadada!
Tuwape moyo wadada, wanapokwenda yajenga,
Tukizingatia mada, wizi ule wa kijinga,
Kwa zipi hizo faida, juhudi zipi kuunga?
Wale ni wezi vibaka, wa pet(i)roli na moto!
-----------------------
Kwako wewe m-Senzige, wasalimie Dodoma,
Kwetu bado tuna Ruge, Si peke yake Halima,
Ukawafunde waige, si kwa kupora wa mama,
Kupora pora wa mama, hizo siasa uchwara!
Hizo siasa uchwara, uporaji wa wamama,
Mmefanya biashara,haramu isiyo dhima,
Hii ni kama ya kura, mlizokwiba kigoma!
Kupora pora wa mama, hizo siasa uchwara!
Ajabu moja kwa moja, macho hukuyaruhusu,
Ukafanya huna haja, ya kusoma hata nusu,
Unapojitafakari, liko hapa chini tena.
----------------------
Asante sana mkuu, kwa yote na uzi huu,
Umedhihiri ukuu, pasipo hata makuu,
Penye moto wa vifuu, umeileta nafuu,
Wanapokwenda yajenga, tuwape moyo wadada!
Tuwape moyo wadada, wanapokwenda yajenga,
Tukizingatia mada, wizi ule wa kijinga,
Kwa zipi hizo faida, juhudi zipi kuunga?
Wale ni wezi vibaka, wa pet(i)roli na moto!
-----------------------
Kwako wewe m-Senzige, wasalimie Dodoma,
Kwetu bado tuna Ruge, Si peke yake Halima,
Ukawafunde waige, si kwa kupora wa mama,
Kupora pora wa mama, hizo siasa uchwara!
Hizo siasa uchwara, uporaji wa wamama,
Mmefanya biashara,haramu isiyo dhima,
Hii ni kama ya kura, mlizokwiba kigoma!
Kupora pora wa mama, hizo siasa uchwara!
Naliona la muhimu, Hili letu kuridhia,
Kapambana Maalimu, Zenji kaipigania,
Akamwage yake damu, ndicho kilichobakia?
Sefu kawapigania, nyie mmemsaliti!
Akapumzike Sefu, ale sasa kuku wake,
Huyu bwana si dhaifu, alipenda nchi yake,
Kwa hakika amekifu, kuwa wewe naye wake?!
Kwa nini alipigana, eti kuwa hamjui!
Aliye wapigania, kaachwa kwenye mataa,
Wengine mwamchukia, Hamjui yuafaa,
Mawaziri ulizia, nyote amewakataa,
Mtamkumbuka Sefu, Gwiji lile la Zanzibar!
Leo Zanzibar mkoa, macho mmeyatumbua,
Mawaziri mmenoa, Hivi mnajitambua?
Sefu angewaokoa, nchi wakaitambua,
Ilikuwa yarejee, ya wasisi wa Mwungano!