Vijana mnachekesha sana aliyejibu swali la mkewe mtume alikuwa anafanya vipi biashara zake baada ya kuolewa. Asili ni mwanamke kukaa nyumbani. Hili nalirudia zaidi ya mara mbili sasa, sasa usiulize tena swali kama hiki.
Hakuna anayekataa asili hiyo,lakini haifidishi kuwa haruhusiwi kutoka kwa haja zake binafsi.
Asili kukaa nyumbani ila je akienda kazini kwa ajili ya kupata kipato halali akimaliza akalazimiana na nyumba yake asili iko palepale,tofauti na mwanaume akitoka kazini aenda vijiweni na sehemu zingine.
Ukisikia asili kukaa nyumbani unadhani ni kuwa haruhusiwi kutoka kwa namna yeyote ile ?
Mtume alikataza mwanamke kutoka nyumbani kwake hali kajipulizia manukato.
Kwa maana ATOKE akiwa hajajipulizia manukato yeyote.
Sasa ikiwa mtume anatambua kuwa mwanamke anaweza akatoka lakini kwa sharti ya kuwa asijipulizie manukato wewe ndugu una darja ipi kumzidi Mtume wa Allah ?
Hakuna hadithi yeyote ambayo Mtume alikataza wanawake kutoka majumbani mwao kuziendea haja zao za kimaisha,na wala haikuthibitipo kuwa Mtume aliwafukuza wanawake katika miji warudi majumbani mwao.
Hata aya zinaashiria kuwa mwanamke anaweza kutoka nyumbani.
Ndio maana kuna makatazo ama miiko ambayo mwanamke anatakiwa aizingatie pindipo anapotoka nyumbani.
Angalia aya hii..
وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا ۖ وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ ۖ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَىٰ عَوْرَاتِ النِّسَاءِ ۖ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ ۚ وَتُوبُوا إِلَى اللَّهِ جَمِيعًا أَيُّهَ الْمُؤْمِنُونَ لَعَلَّكُمْ تُفْلِحُونَ
[ AN - NUR - 31 ]
Na waambie Waumini wanawake wainamishe macho yao, na wazilinde tupu zao, wala wasionyeshe uzuri wao isipo kuwa unao dhihirika. Na waangushe shungi zao juu ya vifua vyao, wala wasionyeshe uzuri wao ila kwa waume zao, au baba zao, au baba wa waume zao, au watoto wao, au watoto wa waume zao, au kaka zao, au wana wa kaka zao, au wana wa dada zao, au wanawake wenzao, au iliyo wamiliki mikono yao ya kuume, au wafwasi wanaume wasio na matamanio, au watoto ambao hawajajua mambo yaliyo khusu uke. Wala wasipige chini miguu yao ili yajuulikane mapambo waliyo yaficha. Na tubuni nyote kwa Mwenyezi Mungu, enyi Waumini, ili mpate kufanikiwa.
Ukiangalia kipengele cha kuwa
"Wala wasipige chini miguu yao..."
Mafhumu yanafahamika kuwa huo muongozo ni pale ambapo akiwa anatembea asipige chini moguu kwa mfumo wa maringo huko njiani asitamanishe.
Sasa hii aya haijamkataza mwanamke kutoka nyumbani kwenda katika haja zake,ila tu memuelekeza atembee vipi akiwa anaenda katika haja zake
Kwa nini wewe unakataza mwanamke kutoka kuelekea katika haja zake kwa kigezo cha kuwa ati asili yake ni ndani tu ?
Kuwa asili yake ni ndani tu ndo hoja kuwa asitoke nje ?