Wengi tunakubali Nyerere alikuwa kiongozi mzuri ila kuna mengi mabaya sana pia aliyafanya na anayolalamikiwa nayo ikiwemo ukandamizaji wa wapinzani wake, katiba mbovu inayotutesa, experiments katili za vijiji vya ujamaa, mapinduzi ya Zanzibar yaliyosababisha mauaji makubwa na kuvunjwa kwa chama cha umoja wa Waislamu cha Africa Mashariki.
Kuendelea na mchakato wa kumfanya Mtakatifu kwa sababu ya mchango wake tu kwa kanisa Katoliki bila kujali haya madhila mengine itakuwa ni kutolitendea haki taifa, kuifanya Catholic chombo chenye double standards kisicho na moral authority ya kusimamia haki bila kujali upande, itakuwa pigo kubwa kwa harakati za haki na mabadiliko nchini.
Kumtambua Nyerere kama kiongozi mzuri au mwenye mchango mkubwa kwa Taifa si sawa na kumtangaza kuwa
Mtakatifu. Hayo ni mambo mawili tofauti.
Kama Kanisa Katoliki litaamua kumtangaza Nyerere kuwa Mtakatifu, lazima apitie mchakato rasmi wa Kanisa wa kutathmini maisha yake, imani yake, utakatifu wa maisha yake na ushahidi unaohusiana na madai ya miujiza. Kwa utaratibu wa Kanisa, kwa mtu ambaye si shahidi (martyr), muujiza unaohusishwa na maombezi yake ni sehemu muhimu ya mchakato wa kutangazwa mtakatifu. Vatican yenyewe inaeleza kwamba miujiza huchunguzwa kwa umakini mkubwa, ikiwemo tathmini ya kitabibu na kiteolojia.
Kwa mfano, Mtakatifu Padre Pio alihusishwa na miujiza ya uponyaji baada ya kifo chake. Kabla ya kutangazwa kuwa Mtakatifu, Kanisa lilichunguza uponyaji wa watu waliodai kuponywa kwa maombezi yake, na uchunguzi ulihusisha madaktari, wanatheolojia na mamlaka za Kanisa. Vatican inaeleza mchakato wa uchunguzi wa muujiza uliotumika katika hatua yake ya kutangazwa mwenye heri.
Na mchakato upo hivyo kwa watakatifu wote.
Nyerere hawezi kutangazwa Mtakatifu kwa sababu tu alikuwa mwanasiasa mzuri au alikuwa na mchango mkubwa katika historia ya Tanzania. Lazima mchakato wa canonization uthibitishe vigezo vinavyotakiwa na Kanisa, na kwa canonization ya kawaida kuwe na muujiza uliotambuliwa rasmi.
Mpaka sasa sijasikia kama kuna miujiza yoyote imetokea kupitia maombezi yake kwa hiyo haitowezekana kuwamtakatifu
labda huko mbele hatujui
Kwa kifupi: Si mwanadamu anayemfanya mtu awe Mtakatifu; Mungu ndiye anayemchagua na kuthibitisha utakatifu wake kupitia miujiza, huku Kanisa likichunguza na kuthibitisha miujiza hiyo kabla ya kumtangaza rasmi kuwa Mtakatifu.