Asante kwa kunukuu Injili ya Luka 17:21. Hata hivyo, aya hiyo inahitaji kusomwa katika muktadha wake. Yesu alikuwa anazungumza na Mafarisayo waliokuwa wanamuuliza kuhusu kuja kwa Ufalme wa Mungu.
Tafsiri ya maneno ya Kigiriki "entos hymōn" inaweza kumaanisha "katikati yenu" (in your midst) au "ndani yenu" (within you). Wanazuoni wengi wa Biblia huelewa kwamba hapa Yesu alikuwa akimaanisha Ufalme wa Mungu ulikuwa katikati yao kwa sababu yeye, mjumbe wa Mungu, alikuwa miongoni mwao.
Pia, ni vigumu kuelewa "umo ndani yenu" kwa maana ya ndani ya mioyo ya Mafarisayo, kwa kuwa Yesu aliwakosoa mara nyingi kwa unafiki na kutokuamini (tazama Injili ya Mathayo). Je, ingewezekanaje kusema Ufalme wa Mungu ulikuwa ndani ya watu aliowaita wanafiki?
Aidha, katika sehemu nyingine Yesu alifundisha:
"Baba yetu uliye mbinguni... Ufalme wako uje." (Injili ya Mathayo 6:10)
Pia alizungumza kuhusu watu kuurithi Ufalme wa Mungu siku zijazo (Injili ya Mathayo 25:34).
Hivyo, Luka 17:21 haiifuti dhana kwamba Ufalme wa Mungu utakuja; inaonyesha kwamba hauji kwa namna ambayo watu walikuwa wanaitarajia kisiasa au kwa ishara za nje, na kwamba wakati huo ulikuwa tayari katikati yao kupitia utume wa Yesu.
Swali kwako :
Je, unafikiri Yesu alikuwa akiwaambia Mafarisayo kwamba Ufalme wa Mungu ulikuwa ndani ya mioyo yao, ilhali aliwakosoa kwa kutokuamini na unafiki?
Au alikuwa akimaanisha kwamba Ufalme ulikuwa katikati yao kupitia uwepo wake?