Naomba kuelewesha.
Hivi ukikaa na njaa, ukalia na kutoa machozi, ukihudhuria nyumba za ibada kila mara — je, hiyo ndiyo itamfanya Mungu akutimizie haja zako za kiuchumi?
Yaani mtu akifanya hivyo kwa wingi, ndio moja kwa moja atapata ajira, faida kwenye biashara, na mafanikio mengine?
Tuseme umeomba sana ukaambulia ajira. Wakati huo huo kuna mamilioni hawana ajira, nao pia walisali na kufunga. Je, hapo utaweza kumsifu Mungu aliyewapa wachache ajira na kuwaacha wengi wenye vigezo vyote wakikosa nafasi?
Fikiria hivi:
Jeshi la uokoaji limeagizwa kwenda kuokoa wanafunzi katika bweni linalowaka moto. Katika hali ya kawaida kabisa, jeshi hilo lina uwezo wa kuokoa wanafunzi 100 kati ya 120 waliomo ndani. Lakini katika hali isiyo ya kawaida, likafanikiwa kuokoa wanafunzi 20 tu.
Je, hapo tutalisifu jeshi hilo kwa kuokoa wanafunzi 20 kati ya 120 na kuacha 100 wakipoteza maisha?
Kama kupata alama 20 kati ya 100 ni kufeli, je Mungu kumpa mtu mmoja ajira kati ya 1000 walioomba inakuwaje si kufeli, bali inaitwa kufaulu kunakopaswa kutukuzwa?
Hebu mtueleze, ni akili zipi zinatumika kumwelewa Mungu mwenye upendo na huruma pale anaposaidia wachache na kuwaacha wengi wakiendelea kuumia?