Uzi maalum wa kupeana Likes: Comment chochote upate "Like"

Mahitaji
Unga wa ngano nusu kilo
Chumvi pinch moja
Sukari kijiko cha chai vinne
Hamira 7 g
Mayai mawili
Maziwa ya maji vikombe viwili
Maziwa ya unga kikombe kimoja cha kahawa
Samli/mafuta
Baking powder

Jinsi ya kupika
Chukka bakuli weka unga wako,Tia hamira,baking powder,sukari na chumvi kanda unga wako uwe mlaini Kama wa chapati za kusukuma(Yaani ukande Kama vile uvyokanda chapati)Ukiwa tayari kunja km vile chapati za kusukuma ,uache kwa saa moja uumuke.
Ukishaumuka piga lile tai Pembeni,sukuma donge ila hakikisha lisiwe jepesi paka yai juu choma katika oven moto 180 dakika 3,
Lakini uwe unaungalia
Unaweza kutumia kwa maharage/mbaazi za kupaka,Rosti ya kuku/nyama,au kwa chai tu.
 
Viazi mbatata vya nazi na samaki





Mahitaji
Samaki mkubwa mmoja/vipande
Kitunguu swaumu kijiko cha chai 1
Tangawizi kijiko kimoja cha chai
Nyanya kopo moja
Tomato pure kijiko kimoja cha chakula
Mafuta vijiko vitatu vya supu
Nazi kopo moja
Viazi mbatata kilo moja
Kitunguu Maji kikubwa kimoja
Chimvi vijiko vijiko viwili vya chai.
Pilipili hoho
Korianda kiasi
 
Jinsi ya kupika
Msafishe samaki wako mtie chumvi kijiko kimoja cha chai halafu mkaange. Muweke Pembeni.

Menya viazi vyako vioshe.
Bandika sufuria Yako jikoni weka mafuta kidogo kaanga vitunguu Maji,vikianza kubadilika rangi weka swaumu na tangawizi,halafu weka nyanya,chumvi,acha kwa dk mbili weka viazi vyako viache kwa dakika kumi weka Maji kiasi acha vichemke hadi uone Maji yanaanza kupungua weka nazi yako na tomato pure halafu mtumbukize Yule samaki,na pilipili hoho,acha vichemke hadi tui liive epua.
pakua pambia na korianda kwa juu kama katika picha.
Tayari kwa kuliwa Kama mlo mkuu,unaweza tumia kwa chapati,maandazi,buns,au mkate
 
Muhogo wa nazi wa ngisi


Mahitaji
Mfuko mmoja wa mihogo
Ngisi nusu kilo
Nazi kopo moja
chumvi kijiko kimoja cha chai

Jinsi ya kupika
kata kata mihogo yako ioshe weka katika sufuria weka chumvi ichemshe hadi iive.
chukua ngisi wako waweke katika sufuria wachemshe kidogo bila ya kuweka maji maana watajitoa maji wenyewe sababu umewaosha,baada ya kuwachemsha kidogo mimina ngisi na yale maji yake katika mihogo chemsha tena kidogo mimina nazi yako wacha ichemke hadi tui liive.
Epua tayari kwa kuliwa.
 
Maharage ya kupaka



Mahitaji
Maharage 1/2
Chumvi kijiko cha chai 1
Nazi kopo 1/nazi ya kawaida 1 kubwa.
Kitunguu maji 1
Kitunguu swaumu punje 2
Binzari kidogo ya manjano

Jinsi ya kupika
Chemsha maharage yako hadi yaive ila yasihorojeke(yasipondeke) maji yakikaribia kukauka weka kitunguu maji na swaumu,chumvi acha hadi maji yakauke weka tui la nazi kidogo lile jepesi acha hadi likauke weka pembeni.
Chukua tui zito weka katika sufiria Tia binzari koroga hadi liwe zito usiachie mkono tui litakatika.
Likishakuwa zito epua acha lipoe halafu mimina juu ya yale maharage

maharage haya unaweza tumia kwa maandazi,chapati,wengine wanalia hadi wali
Nb unaweza yamimina maharage katika bakuli au sahani halafu ndio ukamimina lile tui ulilolichemsha
 
Halua
Recipe

Mahitaji
1 kikombe unga wa corn flower/
1kikombe brown sugar
2 vikombe white sugar
3 cup maji
1kijiko kimoja cha chai kungu manga
Zafarani kijiko kimoja cha chai
Iliki kijiko kimoja cha chai
Mafuta ya kula vikombe viwili/unaweza tumia samli fresh
Ufuta vijiko vitatu vya chakula
Lozi vijiko 3 vya chakula
Halua inapikwa kwa lisaa limoja

Namna ya kupika
Chukua bakuli kubwa weka sukari zote white na brown,iliki,kungu manga,weka maji,na unga koroga hadi kila kitu kilainike yaani sukari na unga.
Bandika sufiria yako jikoni iwe kubwa kiasi mimina mafuta au samli iache hadi ipate moto sana mimina ule mchanganyiko wako
Koroga bila ya kupumzika ikifika dk 45 weka ufuta wako/lozi,halafu koroga hadi litimie lisaa limoja.
Hapo Halua yako itaku tayari Paka sinia mafuta mimina Halua yako iache ipoe tayari kwa kuliwa.
 
Ngogwe (nyanya chungu)za chukuchuku
Mahitaji
ngogwe/nyanya chungu tano zile kubwa
nyanya fresh mbili kubwa
chumvi nusu kijiko cha chai
pilipili boga nusu,unaweza kuweka rangi tofauti tofauti
pilipili mbuzi kama ukitaka
Maji mag moja

Jinsi ya kupika
osha gongwe zako zikate katikati usizimenye
katakata pilipili boga zako weka pamoja
mimina yale maji na chumvi bandika jikoni acha vichemke ukiona maji yanakaribia kukauka kataka kata vili nyanya slice kubwa kubwa mimina funika wacha hadi maji yakauke epua.
Pishi linakuwa tayari unaweza kula kwa mkate,ugali, wali.au kula hivyo hivyo kwa wale wanaofanya diet.
 
Yaani amenichekesha kweli
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…