Uzi maalum wa kupeana Likes: Comment chochote upate "Like"

Uzi maalum wa kupeana Likes: Comment chochote upate "Like"

E3424DAF-C05D-446F-9C12-EB94CF7C51F3.jpeg
 
Serikali yatangaza utaratibu mpya kuingia machimbo ya Tanzanite



Serikali imetangaza utaratibu mpya wa kuingia katika machimbo ya Tanzanite yaliyopo Mererani ambapo kuanzia Februari 15 ni lazima mtu awe na kitambulisho maalumu.

Akizungumza na wachimbaji wa madini hayo jana Februari 13 mjini hapa, Kamishna na Madini Kanda ya Kaskazini, Adam Juma alisema vitambulisho vitakavyotakiwa ni vile vinavyotolewa na Wizara ya Madini.

Juma alisema hadi sasa ni vitambulisho 6,000 ambavyo tayari vimetolewa na katika machimbo hayo kuna wachimbaji zaidi ya 15,000.

“Baada ya ujenzi wa ukuta kukamilika sisi kama wizara tutaanza Februari 15 kudhibiti kuingia migodini,” alisema.

Alisema wamiliki wa migodi yote, wachimbaji na madalali wa madini pamoja na watu wengine ambao watataka kuingia kwenye eneo lililozungushwa ukuta lazima wawe na vitambulisho.

Mkuu wa Wilaya ya Simanjiro, Zephania Chaula alisema agizo hilo la Serikali halina utani, hivyo ni lazima wanaotaka kuingia migodini wafuate sheria.

Alisema lengo ya mpango huo ni kuhakikisha madini hayatoroshwi na pia Serikali inapata stahiki zake kabla ya madini kutoka nje ya uzio.

Mwenyekiti wa Chama cha Wachimbaji Madini Mkoa wa Manyara (Marema), Sadiki Mnenei alisema wanaunga mkono mpango wa vitambulisho, lakini wanaomba muda zaidi wa kuzuia wasio na vitambulisho hadi Machi mosi.

“Ili kutoathiri kazi zetu tunaomba utaratibu mpya kuanza mwezi ujao kwani gharama za kitambulisho ni kubwa kwa kuwa kila mchimbaji anatakiwa kutoa Sh3,500 na mmiliki wa mgodi Sh5,000,” alisema.

Alisema kwa wastani mgodi mmoja una zaidi ya wafanyakazi 100, hivyo wote kuwapa vitambulisho wakati mmoja ni vigumu.
 
Malipo ya watumishi yaibua sintofahamu kwa Wahadhiri wa Chuo Kikuu Dar es Salaam




Orodha ya malipo ya malimbikizo ya madai ya watumishi wa umma imeibua sintofahamu kwa wahadhiri wa Chuo Kikuu cha Dar es Salaam baada ya kuonyesha kuwa wanaostahili kulipwa mwezi huu ni 33 tu kati ya zaidi ya 1,000 wanaodai.

Baada ya kutangazwa kwa orodha hiyo wiki iliyopita, wahadhiri hao kupitia Jumuiya ya Wanataaluma wa Chuo Kikuu cha Dar es Salaam (Udasa), wamekuwa katika majadiliano kwa njia mbalimbali ikiwamo kukutana na kutumia makundi ya ‘WhatsApp’ kujua hatima ya madai yao na leo viongozi wao wanakwenda Dodoma kuonana na maofisa wa Ofisi ya Rais-Utumishi wa Umma na Utawala Bora.
 
Orodha iliyotolewa Ijumaa iliyopita na katibu mkuu Utumishi, Dk Laurean Ndumbaro inaonyesha kwamba watumishi watakaolipwa malimbikizo ya madai yao mwezi huu ni 27,389. Ilitolewa muda mfupi baada ya waziri wa Fedha na Mipango, Dk Philip Mpango kuzungumza na waandishi wa habari mjini Dodoma na kueleza kwamba Serikali imetenga Sh43.39 bilioni za madai mbalimbali yaliyohakikiwa yatakayolipwa pamoja na mshahara wa mwezi huu kwa watumishi hao.

Dk Mpango alisema fedha hizo zinajumuisha madai ya watumishi ya zaidi ya miaka 10 iliyopita na kwamba kupitia mfumo wa taarifa za kiutumishi na mishahara, hadi kufikia Julai Mosi mwaka jana kulikuwa na madai ya mishahara yenye jumla ya Sh127.6 bilioni kwa watumishi 82,111.
 
Kuhusu kilio hicho cha Udasa, Dk Ndumbaro alisema, “Orodha iliyotolewa ni ile iliyokamilika kuhakikiwa, uhakiki bado unaendelea na hiyo iliyotoka ni ile iliyokuwa tayari katika mfumo wa mishahara. Uhakiki unaendelea kwa watumishi wote wa umma ambao wana madai yanayohusiana na mishahara.”

Jana, wahadhiri wapatao 50 walikutana nje ya lango la kuingilia Ukumbi wa Nkrumah wa chuo hicho kwa kile walichodai wamekuwa wakinyimwa ukumbi kuanzia saa 7:20 mchana na kumalizika saa 8.04 mchana wakijadiliana kuhusu suala hilo wakiwa wamesimama.

Mwandishi wetu aliyekuwapo katika mkusanyiko huo alishuhudia washiriki wakizungumza kwa hisia walipokuwa wakichangia hoja huku baadhi wakiutupia lawama uongozi huo wa chuo.

“Tunataka kujua madai yetu tunalipwa au hatulipwi? Kwa nini majina yetu hayapo na wengine yapo? Lakini kwa nini majina yetu hayapo? tunaambiwa fomu zimepelekwa kule mbona sisi hatujui?” alihoji mmoja wa wahadhiri hao huku akidakiwa na mwingine; “Kama hatutakiwi kudai basi tuelezwe, mwenyekiti (wa Udasa – Dk George Kahangwa) tunaomba utuletee yote na je, ni miaka mingapi tunadai? Wengine tangu mwaka 2012 tunatakiwa kulipwa.”
 
Mwingine alisema “Eti mnampongeza DVC (Naibu Makamu Mkuu wa Chuo), mnampongeza kwa lipi? Au tunatofautiana katika kufikiri, tunapaswa kuhoji madai yetu tutalipwa nini? Tunatakiwa kupongeza na kudai madai yetu kama wana Udasa hakuna wa kuja kutupigania.”

Alipoulizwa kuhusu madai hayo, Dk Kahangwa alisema, “Ni kweli madai hayo yapo na kwa sasa siwezi kuzungumza kwa kina ila yapo na kesho (leo) tunakwenda Dodoma ofisi ya Utumishi.”

Makamu mkuu wa Chuo Kikuu cha Dar es Salaam, Profesa William Anangisye alisema wameshawasiliana na Utumishi na kuahidiwa kuwa suala hilo litafanyiwa kazi.
 
“Kama umeongea na mwenyekiti wa Udasa atakuwa amekueleza tulipofikia na kesho (leo) Udasa na maofisa wetu wanakwenda Dodoma. Lakini hili si tatizo la hapa tu hata taasisi nyingine za umma nao majina hayajatoka na Utumishi imesema inayafanyia kazi,” alisema Profesa Anangisye.

Kuhusu kufanyia kikao nje ya ukumbi, makamu mkuu huyo alisema, “Hatuwezi kugombana na wahadhiri wetu, ukumbi ulikuwa tayari na shughuli nyingine, ingekuwa ngumu kuwapa ukumbi uliokwisha kupewa watu wengine.”
 
carbamazepine said:
Rais wa Afrika Kusini Jacob Zuma amejibu kuhusu shinikizo la Chama chake kumtaka ajiuzulu kabla ya kesho
Zuma amesema pamoja na kutakiwa kujiuzulu kwa muda mrefu, hakuna yeyote aliewahi kuonyesha kosa lake ni lipi.
Click to expand...
Akomae nao tu, mzulu halisi wa damu ya mfalme Chaka hashindwi vita kirahisi namna hiyo
 
Dkt. Nchemba awataka wanasiasa kuacha kutumia kuumia kwa Lissu kama chambo cha kisiasa




Waziri wa Mambo ya Ndani ya Nchi, Mwigulu Nchemba amewataka wanasiasa kuacha kutumia kuumia kwa Mbunge Tundu Lissu kama chambo ya kisiasa katika majukwaa.

Dkt. mwigulu amesema hayo mkoani Singida wakati wa kampeni za udiwani kata ya Mitunduluni.

Aidha Dkt Mwigulu amewataka waache kutumia matatizo ya ndugu yao kama mitaji ya kisiasa badake yake waje na hoja za maana za kusaidia katika maendeleo ya nchi.
 
Aliongeza kusema kuwa mwaka uliopita uhalifu wa ajabu ulitokea ambapo kuna watoto wadogo wa chekechea walitekwa na kuuwawa ambao hawakuwa na hata shida na mtu yoyote na wazazi wao ni watu wa kawaida kabisa je serikali ndio imehusika.

“Sisi tunaoshughulika na masuala ya uhalifu tunatafuta wahalifu wanaofanya msuala ya kihalifu, kuna watu wanaona ni ajenda ya kisiasa wakati sisi tuombea mtu apone” alisema Dr Mwigulu

DKt. Mwigulu ameongeza kusema kuwa je angeamua kuendelea kusema kuhusu kupigwa risasi kwa mwanajeshi masaki inauhusiano gani na shida za kata ya mitundulini, hivyo wananchi wa singida wawaadhibu kwa kuwanyima kura katika uchaguzi wa tarehe 17 mwezi huu.
 
Jeshi la Polisi lawatia nguvuni watu watatu



Jeshi la Polisi mkoa wa Mbeya limewakamata vijana watatu maeneo ya Mwanjelwa, Kata ya Ruanda Tarafa ya Iyunga Jijini Mbeya wakiwa na nyara za serikali ambazo ni vipande vinne vya meno ya Tembo.


Akizungumza na waandishi wa habari, Kamanda wa Polisi Mkoani humo DCP Mohammed Mpinga amesema mnamo Februari 05, 2018 majira ya 1:45 usiku walifanikiwa kuwakamata vijana hao waliotambulika kwa majina ya Kenedy Lupembe Simsokwe (43) ambaye ni mwanafunzi wa Chuo Kikuu cha SAUT tawi la Mbeya na mkazi wa Iyela, Mathew Elikana Mwanjala (42) mpiga picha pamoja na Shaban Mkwiche (24) mkazi wa Iyunga.
 
You must log in or register to reply here.

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register