Mkutano kati ya Rais wa Marekani, Donald Trump na Kiongozi wa Korea Kaskazini Kim Jong-un umemalizika bila kufikia makubaliano baada ya Marekani kukataa kutoa nafuu ya vikwazo kwa Korea Kaskazini, Rais wa Marekani ameeleza.
''Ilikuwa ni kuhusu vikwazo,'' Trump aliwaambia wanahabari.''Walitaka kuondolewa vikwazo na hatukuweza kufanya hivyo.''
Wawili hao walikua wanatarajiwa kutangaza maendeleo kuhusu mipango ya kukomesha matumizi ya silaha za Nuklia.
Trump amesema hakuna mipango yoyote iliyowekwa kwa ajili ya kufanyika kwa mkutano wa tatu.
Mipango ya awali ya Ikulu ya Marekani ilikua ni maandalizi ya sherehe za ''utiaji saini makubaliano'' pia chakula cha mchana kilichoandaliwa kwa ajili ya viongozi hao wawili, lakini matarajio yao yalizimwa kutokana na kuahirishwa kwa mkutano huo.
Sababu za kutofikiwa muafaka
Kwa Mujibu wa Trump, Kim alitoa ahadi muhimu- kuondoa vinu vya Yongbyon , vinavyotumika kufanya utafiti na uzalishaji Korea Kaskazini.Lakini kwa upande wake Kim alitaka vikwazo vyote viondolewe, kitu ambacho Marekani haikujiandaa kufanya hivyo.
Eneo la Yongbyon nchini Korea Kaskazini ni maarufu kwa upatikanaji wa kemikali ya plutonium lakini nchi hiyo ina takriban vinu viwili vinavyozalisha Uranium.
Pia rais Trump amesema kuwa Kim aliahidi uteketeza vinu vya Yongbyon pekee na si vinu vyote vya nuklia vya Korea Kaskazini.
Hii ni changamoto kwa Trump?
Mkutano wa kwanza kati ya viongozi hawa wawili, uliofanyika nchini Singapore mwezi Juni mwaka 2018, ulikosolewa kwa kutofikiwa kwa matarajio, hali iliyoleta hali ya kukisia kuwa Trump atashawishi kufanikisha hili katika mkutano wa Hanoi kufikia makubaliano ya kukomesha zana za nuklia.
Kushindikana kwa awamu hii ni changamoto kwa Trump, ambaye alizungumzia kuhusu umoja wao kuwa ni ishara ya mafanikio ya sera muhimu.
Mataifa mengine yanasema nini?
Taarifa ya ofisi ya rais nchini Korea Kusini imesikitishwa na kuvunjika kwa mkutano lakini amesema Marekani na Korea Kaskazini zilikua zimepiga ''hatua muhimu kuliko muda mwingine wowote waliokutana kabla ya mkutano wa Hanoi''
Kiongozi wa Korea Kusini, Moon Jae-in amefanya kazi kuhakikisha yanakuwepo mahusiano mazuri ya Korea zote mbili, na kusaidia kufanikisha mkutano wa nchini Singapore.
China nayo, mshirika mkuu wa Korea Kaskazini, imesema ina matumaini kuwa pande hizo mbili zitaendelea kuzungumza.
''Kutatua tatizo hili sio kazi yakufanyika siku moja,'' alieleza Waziri wa mambo ya nje, Lu Kang.
Matokeo ya mkutano wao una ishara gani kwa mahusiano yao?
Walionekana kuwa na mahusiano mazuri katika mkutano wa Hanoi, kama ilivyokuwa nchini Singapore.Walipiga picha pamoja.
Akizungumza baada ya mazungumzo mjini Hanoi, Trump amesema uhusiano wao ''una nguvu sana''.
Waziri Mkuu wa Ethiopia Abiy Ahmed anatarajiwa kuandaa chakula kwa ajili ya kuchangisha fedha, kuweza kusaidia kupata dola bilioni moja kwa ajili ya miradi ya miundombinu katika mji mkuu wa nchi hiyo, Addis Ababa.
Maafisa nchini humo wanasema tiketi kwa ajili ya chakula hicho zitauzwa zaidi ya dola za Marekani 175,000 kwa mtu mmoja. Lakini taarifa zaidi hazikuwekwa wazi.
Chakula hicho kinatarajiwa kuongeza nguvu vitega uchumi vya kigeni katika nchi hiyo ya Afrika inayokuwa haraka kiuchumi.
Tangu alipoingia madaraka mwaka jana, Waziri mkuu wa Ethiopia Abiy Ahmed ameleta mabadiliko makubwa ya kiuchumi nchini humo.
Waandishi wa Habari wanasema Ethiopia imeamua kuchangisha fedha yenyewe kuliko kutegemea zaidi misaada ya kigeni. Tukio kama hilo limepangwa pia kwa ajili ya kuchangia uwekezaji wa kiuchumi na misaada ya kibinadamu.
Waziri mkuuu wa Ethiopia aliuza saa yake kwa kiasi cha dola za Marekani 175,000 kwa ajili ya kuchangia mradi wa Miundo mbinu wa Ambo, ambapo jumla ya dola za Kimarekani milioni 14 zilipatikana katika uchangishaji huo.
Waziri mkuu Abiy Ahmed aliingia madarakani baada ya miaka mitatu ya maandamano yaliyokuwa yakifanywa na watu wa kabila la Oromo, ambao walikuwa wakidai kumalizwa, kwa kile walichokielezea kama kutengwa kwao kisiasa na kiuchumi.
Toka kuapishwa kwake, tayari ameleta mabadiliko mengi nchini humo, ikiwemo pia kuleta amani na nchi jirani Eritrea.
JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.