Uzi maalum wa kupeana Likes: Comment chochote upate "Like"

Uzi maalum wa kupeana Likes: Comment chochote upate "Like"

Katika mwili wa binadamu, ngozi hufanya kazi mbalimbali na miongoni mwa kazi hizo ni kama vile:- kurekebisha joto la mwili, kutoa taka mwilini, njia ya kumpatia mtu matibabu (dawa za kupakaa, dawa za sindano) na pia ngozi huvilinda/huvifunika viungo vingine katika mwili.
 
Ili ngozi iweze kufanya kazi zake vizuri, inahitaji ipewe matunzo mazuri. Miongoni mwa matunzo ya ngozi hujumuisha usafi, ulaji wa chakula chenye virutubisho (Vitamins huimarisha ngozi), kunywa maji ya kutosha (sumu mbalimbali hutoka mwilini kwa njia ya jasho) na pia utumiaji wa mafuta ya kupakaa na losheni huchangia katika kuitunza ngozi.
 
Mara nyingi tumekuwa tukiona au hata kututokea sisi wenyewe katika miili yetu, baada ya kutumia mafuta Fulani au losheni Fulani, ngozi yako ikapata mabadiliko ambayo hukuyategemea, badala ya ngozi yako kulainika, ikawa ya kukakamaa, au badala ya kuifanya ngozi iwe na afya, ikawa na chunusi au vijipele.
 
Kabla ya mtu kuamua kutumia losheni/mafuta Fulani ya kupakaa ngozi yako, ni vyema ukaifahamu ngozi yako ni ya namna gani, mfano je ni ya asili ya mafuta mengi, au ni ya asili ya ukavu bila ya kuwa na mafuta mengi?, ili kuweza kujifahamu unaweza kufanya zoezi hili dogo, andaa karatasi nyeupe yenye ukubwa wa kutosha kuufunika uso wako, na kisha asubuhi unapoamka kabla ya kufanya kitu chochote ufunike uso wako kwa karatasi hiyo kwa muda wa dakika mbili hadi tatu, kisha itoe karatasi na iangalie, kama ngozi yako ni ya asili ya mafuta mengi, karatasi itakuwa na alama za mafuta, lakini kama hautaona alama hizo inamaana ngozi yako haina asili ya mafuta, unaweza kutumia njia hiyo au nyingine ili kuifahamu asili ya ngozi yako. Hii itakuwezesha kujua ni aina gani ya mafuta/losheni au kipodozi kinachokufaa kutumia kwa kutegemeana na aina ya ngozi uliyonayo.
 
Baada ya kuwa umeifahamu asili ya ngozi yako na aina ya mafuta au losheni unayopaswa kutumia, ni muhimu kutumia mafuta hayo au losheni katika muda unaofaa, mfano, kiafya tunashauriwa kuwa, wakati wa usiku tunapolala, tusiupakae mwili mafuta ili kuipa ngozi nafasi ya vinyweleo kuwa wazi zaidi na pia ngozi ipate hewa ya kutosha na itoe taka mwilini.
 
Tatizo linalofahamika kitaalamu kama, varicose veins, hutokea baada ya mishipa ya damu pamoja na valvu zinazoruhusu damu kusafiri upande mmoja kuharibika na hivyo kuifanya damu ijikusanye katika mishipa, na pindi inapojikusanya inakuwa nyingi na kupelekea mishipa itanuke zaidi na kufanya ionekane kama mizizi katika usawa wa ngozi.
 
pamoja na tatizo hili kwenda kwa kurithi kuna mambo ambayo huwa yanapelekea mtu apate tatizo hili, na mambo hayo ni pampja na mtu kuwa na uzito mkubwa, ujauzito pamoja na mtu kutumia muda mwingi kusimama jambo ambalo linapelekea presha katika miguu iwe kubwa zaidi na hivyo kusababisha mishipa na valvu za damu katika miguu iharibike.
 
Dalili za mtu kuwa na tatizo hili ni pamoja na, kupata maumivu katika sehemu yenye tatizo (miguu), kubadilika rangi ya ngozi (dark blue), ngozi kuwasha, kuvimba pamoja na muonekano au shape ya mishipa ya damu kubadilika ( kuwa kama mizizi katika usawa wa ngozi).
 
Tatizo hili linaweza kuwa ni dalili ya tatizo lingine katika mishipa yako ya damu, ambapo inawezekana mishipa ya ndani ya damu ikawa imeziba na hivyo kukusababishia matatizo mengine makubwa. Kitaalamu inaitwa deep vein thrombosis, itahitajika upasuaji au matibabu zaidi ya kitaalamu ili kuweza kupata msaada.
 
Back
Top Bottom