Uzi maalum wa kupeana Likes: Comment chochote upate "Like"

Uzi maalum wa kupeana Likes: Comment chochote upate "Like"

💑👫
Screenshot_20190712-112126_1566527902311.jpg
 
"Ujana ni nusu uendawazimu"-
Rasul Muhammad (saw)
Kule MMU bado kunawaka moto...

 
MZIMU WA TAJIRI

NJE ya mji mdogo, mashariki mwa Afrika, alipata kuishi mkulima mmoja mpole na mtulivu. Akiwa matembezinu wakati wa sikukuu moja ya dini, alimkuta tajiri mmoja akitoa sadaka ya wanayama kwa wapita njia. Naye, kama wapita-njia wengine, akapewa mbuzi. Furaha ililipuka moyoni mwake. Baada ya kumshukuru bwana tajiri, akambeba mbuzi wake mabegani na kuondoka.
 
Njiani, mkulima alipishana na genge la vijana, likielekea kule atokako. Alidhani pengine taarifa za sadaka ya wanyama, ilikwisha kuenea mji wote hivyo kila mmoja anawahi bahati yake. Akaendelea na safari yake kimyakimya.
 
Alipofika kwenye njia moja pweke na tulivu, alitokea kijana mmoja na kumsaili kwa mshangao, "mzee, ni nini kimekusibu? Mtu muungwana kama wewe unabeba mzoga wa nguruwe mabegani?"

Mkulima alijibu kwa hamaki, "Kijana umevuta bangi? Unaona kabisa nimebeba mbuzi, unasemaje ni nguruwe?"
 
"Basi mzee wangu, kumradhi. Nimekueleza ninachokiona. Kama wewe unaona huyo ni mbuzi, pole yako!"

Mkulima hakujibu kitu. Aliondoka bila kugeuka nyuma. Lakini hakufika mbali, akaibuka kijana mwingine na kusema, "Mzee, unaonekana ni mtu wa busara sana, imekuwaje sasa umebeba mzoga wa mbwa mabegani?"
 
Mkulima alighadhabika vilivyo, "Unasema kitu gani? Pumbavu na nusu! Unaweza kumfananisha mbuzi na mzoga wa mbwa?"

Yule kijana akajibu kwa mshangao, "Mzee wangu, umeanza kuchanganyikiwa? Huyo si mbuzi, ni mbwa tena ameshakufa!"
 
Mkulima aliamua kumpuuza kijana yule, akaendelea na safari yake. Akiwa ameanza kuingiwa na wasiwasi kichwani, kufuatia maswali ya vijana wawili aliokutana nao kwa nyakati tofauti, ghafla aliibuka tena mtu wa tatu. Mtu huyu, baada ya kumwona mkulima, alianza kucheka kwa sauti kubwa huku akisema, "Amaa kweli dhiki hukufurisha! Sikukuu hii tutaona mengi. Yaani umefikia hatua ya kubeba mzoga wa fisi?"
 
Safari hii, mkulima alipigwa na butwaa. Na badala ya kujibu, alibaki akijiuliza: 'inawezekanaje nikawa nimebeba mbuzi anayebadilibadilika machoni pa wengine? Au huu ni MZIMU wa yule TAJIRI, ndo maana umekuwa ukibadilika toka mbuzi hadi mzoga wa nguruwe, hadi mzoga wa mbwa, na hatimaye mzoga wa fisi!
 
Back
Top Bottom