Uzi maalum wa kupeana Likes: Comment chochote upate "Like"

[Numbisa]

Andika malengo yako. Utafiti unaonyesha watu wanaoandika malengo yao wana uwezekano mkubwa wa kuyafikia.

 

[Numbisa]

Usiruhusu maisha yako yawe ni yale yale. Bila kujali umri wako ondoka katika desturi yako; usiruhusu hali hiyo kupita kisha ukajuta baadae ukiwa mtu mzima

 

[win-one]

👀

 

[Numbisa]

Kuna umri ukifika watu wanakuwa wanajua mengi yanayokuhusu lakini hawawezi kukuambia. Inaweza ikawa ni kukuheshimu, kukuogopa, kuamini unajua unachokifanya lakini saa nyingine ni ile tabia ya kusubiria waje waseme, ‘hili tulilijua mapema.’

 

[Numbisa]

Unazingua, kwa mfano, hawakuambii. Wanaambiana. Unawakera hawakuambii. Wanaambiana. Unaharibu hawakuambii. Wanaambiana. Unafanya vizuri wanaogopa kukuvimbisha kichwa. Hawakuambii. Wanaambiana. Ukiwa na uwezo wanasita kukusifia. Wanaambiana wenyewe kwa wenyewe.

 

[Numbisa]

Ukichunguza kile watu wanachoambiana, ukifuatilia ‘maneno maneno’ yanayokuhusu lakini usiyoambiwa moja kwa moja, utajua kwa nini mambo yanakuendelea hivyo yanavyokuendea. Kuna ukweli mwingi unaokuhusu na watu wanashindwa kukufikishia. Kuna hisia nyingi hazikufikii lakini zipo na watu wamezitunza wanasubiri ujichanganye kidogo waje waseme ‘tulijua.’

 

[Numbisa]

Usiwafanye watu wakawa na mengi wanayoyajua na hawawezi kukuambia ukiwepo. Kadhalika, ingawa tunapenda kuonekana wakamilifu, usikwepe sana kujua upande wako wa pili ambao ndio hasa wasifu wako unaotumiwa na watu kufanya maamuzi mengi yanayokuhusu. Unachokwepa kukijua huenda ndicho kinachoamua umbali utakaokwenda.

 

[Numbisa]

Ukijakugundua watu wengi hujishauri kwa kushauri unaweza kuwahurumia sana na wenye ndoa za mfano, wenye kutoa maelekezo ya namna ya kumpenda mpenzi wako, wenye michongo na ushauri wa kujikwamua kifedha, wenye maisha unayoyatamani, wenye hik’ma na maisha yaso’na kasoro.

 

[Numbisa]

Sometimes, the first step to victory isn't improving your performance, but damaging that of your main rival" -

 

[Numbisa]

Mtu anayependwa na kufurahia maisha hana haja ya kuuthibitishia umma.

 

[Numbisa]

Mapenzi ya kweli, mara nyingi, huambatana na kiwango fulani cha faragha. Hatuingilii uhuru wa watu kupendana wajuavyo wao lakini kuna kaukweli kuwa mahangaiko ya kuthibitisha kwa umma huficha mengi yasiyosemwa waziwazi.

 

[Numbisa]

Usimfikishe mwenzio mahali akaanza kuogopa kujadiliana chochote cha maana na wewe hasa akijua umekosea. Unaweza kuwa fundi wa kupangua hoja na kugeuza kibao na ukaamini umeshinda lakini mdororo wa uhusiano huanzia hapo.

 

[Numbisa]

Pamoja utamu wake, mapenzi yana nguvu kubwa ya kukufanya umwamini sana mtu mwingine mwenye matarajio makubwa na wewe kiasi cha kutamani kukukaribia sana achungulie kujua kilichomo ndani yako.

 

[Numbisa]

Shida inaanzia pale anapokukaribia akupende, mtu huyu ambaye na wewe unakuwa unamhitaji, anakuwa kama anatifua tifua pale pale yalikojificha ‘mashetani’ —makovu ya malezi mabaya—ambayo hata wazazi wako na watu wengine wasiokukaribia sana hawakuwahi kupagusa. Si wengi wetu tunaweza kuvumilia aibu hii ya kuujua upande wetu wa pili tusioupenda na pengine tunakwepa kuufahamu.

 

[Numbisa]

Ukipata bahati ya kumpata mpenzi anayejua kutifua tifua makovu kwa staha, akakusaidia kuubaini upande wako mwingine ambao hakuna mtu mwingine anaujua, ukameza kiburi chako, ukatulia usitoroke wakati ‘mashetani’ yanatibuliwa, mapenzi yanaweza kuwa nyenzo ya uhakika zaidi kukusaidia kujitambua vizuri zaidi na kujifunza mengi usiyoyajua kuhusu wewe.

 

[Numbisa]

Ukomavu wa kihisia unajionesha vizuri sana kwenye uhusiano wa karibu na mwenzako hasa unapokuwa umekosea. Je, uko tayari kujadili mapungufu yako na mwenzako au unakuwa mwepesi kujihami na kukwepa mazungumzo? Ukizungumza na mwenzako, unaheshimu kweli maumivu yake au kipaumbele chako kinakuwa ‘namna ya kupangua hoja?’

 

[Numbisa]

Kadhalika, mtihani mwingine ni pale mwenzako anapokukosea. Je, unapozungumza naye unampa kweli nafasi ya kueleza kwa nini amekosea? Je, anapokiri makosa una uwezo wa kumsamehe na kumpa nafasi ya kuanza upya au hukomi kumkumbusha kosa kila mnapotofautiana? Je, ikifika mahali mkashindwa kuelewana, huenda habadiliki na umechoka, unaweza kusitisha uhusiano kwa kuheshimiana na kusitiriana?

 

[Numbisa]

Utu wetu hujaribiwa sana pale utambulisho wetu unapowekwa rehani. Tunapokosea ule utu ndani yetu hutujaza ujasiri wa kuyakabili makosa yetu na kuwajibikia kwa maumivu tuliyowasababishia wenzetu. Lakini pia utu wetu hujaribiwa sana pale tunapokosewa na kuwa upande wa haki kwenye mgogoro. Utu, kwa kawaida, hutujaza unyenyekevu tuwaheshimu waliotukosea na kuwastahi hata pale mahusiano yanaposhindikana.

 

[Numbisa]

Amani ni uhakika wa usalama wako. Amani ni kujisikia salama. Ukiwa na amani huogopi kufurahia. Huogopi kujieleza. Ukiwa na amani una matumaini. Huiogopi kesho. Huogopi itakavyokuwa. Una uhakika kesho itakuwa bora zaidi.

 

[Numbisa]

Vita kubwa kuliko zote ni ile unayopigana na wewe mwenyewe—mapungufu yako, hisia zako, kukosa uangavu wa kuyatazama mambo kwa upana.

Tangaza vita isiyoisha na wewe mwenyewe.