Lengo la kufuturisha ni kupata malipo na baraka kutoka kwa Mungu, Mosi kwa kusaidia wale waliyopo kwenye hali ya uhitaji. Kadhalika, ni njia mojawapo ya kuimarisha mshikamano, upendo katika jamii.
Hizo ni ibada mbili tofauti. Kufuturisha ni ibada inayojitegemea, yenye makusudio yake na yenye thawabu zake.
Kuzungumza maneno haramu ni kuzungumza maneno yasiyofaa:Hii ni ibada nyengine, ni ibada yenye mlango wake ambayo uislamu unamtaka muislam awe mwenye kudhibiti ulimi wake kwa hali zote.
Hizi ni ibada mbili tofauti na kila moja ina hukumu yake.
Ni sawa sawa unakula chakula halali halafu unashushia na pombe. Chakula bado kitabakia kuwa halali na uharamu utabakia kwenye pombe.
Muhimu; kuyaaacha ya haramu na kuyaendea yenye kheri.
Wenye afya hawahitaji daktari isipokuwa ni wenye maradhi. Dini haikuja kukuweka mbali na Mungu bali kukuweka karibu na Mungu.
Uislamu huamini kuwa kila mtu anaweza kufanya dhambi, lakini rehema ya Mwenyezi Mungu ni kubwa zaidi. Uislamu unahimiza kuwa badala ya kumtenga mwenye dhambi, ni bora kumkaribia na kumsaidia kupitia malezi ya kiroho.
Uislamu unahimiza kutenda wema hata kwa watu waovu, kwani upendo na subra vinaweza kubadilisha mioyo yao.
Tukirudi kwenye swali lako la msingi: Ikiwa pato linatokana na uharamu, basi chakula kitakachopikiwa na hilo pato nacho ni haramu. Chakula ni sadaka, ni chumo la thawabu, mali iliyo haramu haiwezi kuwa sadaka halali.
Muhimi kwenye jambo hili ni kutumia hekima, busara katika kushughulika na suala hili kwa sababu uislamu unahimiza kusaidiana katika wema na kumrejesha mwenye dhambi kwa njia nzuri.
Miongoni mwa maneno ya haramu au yasiyofaa ambayo Uislamu umekataza ni kusema maneno ya fitna na uhasama. Uislamu unakataza maneno yanayosababisha ugomvi, fitna au chuki kati ya watu, na Mtume Muhammad s.a.w akasema: "Fitna imelala, na amelaaniwa mwenye kuiamsha".
"Fitna imelala" inamaanisha kuwa migogoro, mafarakano, na maovu mengine yanaweza kuwa hayajaibuliwa au hayapo kwa wazi kwa wakati fulani.
"Na amelaaniwa mwenye kuiamsha" inamaanisha kuwa yeyote anayechochea fitna, kuanzisha ugomvi, au kuleta maovu miongoni mwa watu anastahili laana ya Mwenyezi Mungu.
Hupaswi kuwa chanzo cha matatizo, migogoro, au mafarakano katika jamii. Badala yake, u apaswa kuwa mtu wa suluhu, mshikamano, na amani.
Ulitakiwa kuishia hapo hapo kwenye kadhia za waislamu ili ulipo na shaka uweze kufafanuliwa. Lakini haukupaswa kuingiza na uikristo, utaleta ugomvi na mfarakano kati ya watu. Unaiamsha fitna hali ya kuwa imelala.
