Wakati umepigika kazi gani ya ajabu uliwaza kufanya?

[LuisMkinga]

Bwana bwana na Mimi leo nitoe yangu kidogo;
Ilikuwa mwaka 2019 nimemaliza chuo kikuu nje ya nchi nikatinga Tanzania. Nilikuwa na kimtaji kiasi kwa hiyo wakati nasaka ajira nilikuwa napiga biashara biashara bila uzoefu wowote, mara papu mtaji ukaisha baada ya kama mwaka hivi na ajira hakuna hata matumaini japo nilipiga Hadi level ya masters degree.
Sasa bwana nikawa nimeamua tu kuoa maana umri nao ulikuwa unaota mabawa. Wakati naona kuna rafiki yangu niliyesoma naye kutoka Ireland akawa amenitumia kama 2M hivi lakini kama unavyojua maswala ya kwenda ukweni, kununua hiki na kile n.k hii pesa nayo ilifika wakati ikaisha japo nilijaribu kununua mpunga wa 1M na bahati mbaya hata haukupanda bei hata buku.

Kizungumkuti kikaja wakati wife ana ujauzito kama miezi 7 kwenda 8, ndani nina 100K tu bado kodi, msosi, na mazagazaga mengine. Basi bwana nikaona hapa njia ni moja tu.
Asubuhi moja nikachukua 50K wife nikampatia 50K nikamuaga nikamwambia kuna mchongo nimepata sehemu naenda. Nikapanda lori kigumukigumu toka Dar hadi Mwanza kisha nikaingia Sirari. Kwanini Sirari? Niliona mchongo niliokuwa nao kichwani kama nikifanyia Dar au Mwanza itakuwa issue sana kwani mara kibao nilikuwa nakutana na washikaji nilipiga nao shule na chuo hapa Tz kabla sijapata mchongo wa scholarship.
Haya sasa nimeingia Sirari kule naamini kabisa kukutana na mtu anayenijua ukizingatia mkoa naotokea ni nadra sana. Nimefika kule nikiwa na 10K, namshukuru dereva wa Lori niliongea naye kiutu-uzima akanifikisha Mwanza tokea Dar kwa 30K.
Kufika Sirari nikalala guest ya 4K nikala 1K nikawa na balance ya 5K, hapo nimeshamwomba dogo langu ambaye yuko chuo walau kiasi kidogo lakini naye anazingua sana japo nilimsupport sana wakati nipo Europe.
Imefika asubuhi kazi yenyewe nilikuwa nawaza “KUSUKUMA TOROLI” dadeq. Bahati nzuri mimi huwa nina bahati ya kuwahi kuaminiwa na watu kwa hiyo kuna jamaa niliongea naye vema akakubali nikae kwake kwa siku kadhaa wakati najipanga. Mungu ambariki sana. Bwana bwana baada kama ya siku tatu huyu jamaa akanikopesha pesa nikanunua toroli nikaingia barabarani. A masters degree holder from a well recognized and highly respected university in the United Kingdom. Unaweza dhania ni hadithi lakini trust me nilifikia hatua hii.

Sasa kizungumkuti kikawa ni kupata wateja, kila mtu akiwa na mzigo anawaita wengine ambao tumepack matoroli pamoja, pengine nadhani kwa kuniangalia walijua vema ningeweza kuwa charge zaidi hivyo waliangalia wale wenye hali ya chini sana kimwonekano. Kazi ikawa ngumu sana. Wife 50K imeisha, bado mwezi mmoja ajifungue, huku hata nauli ya kurudi Dar sina.

Kama baada ya siku mbili hivi nikawa napiga stori na jamaa hivi naye Mungu ambariki. Nikamshirikisha wakati nilionao. Jamaa bwana akanipa wazo na akaniunganisha na mtu mwingine. Wazo lenyewe sasa, kwa kuwa nina passport ni rahisi kuingia Kenya kutokea Sirari. Kule inabidi nifuate MIRAA au mchicha kama hii kitu wanavoiita. Haki ya Mungu kwa wakati ule niliona kama NEEMA ya Mungu. Kesho yake nikajiandaa mapema mapema jamaa akanipatia cash ya Kenya safari ikaanza bwana. Mimi ilikuwa kwamba nahakikisha mzigo unafika Sirari. Mimi nikamuuga jamaa yangu aliyenipokea japo sikumwambia kama nafuata miraa Kenya badala yake nilimwambia naenda kupakia mzigo kwenye gari kule na kushusha tena Sirari kwa hiyo nitapata pesa.

Aliyesema Mungu si Athumani alikuwa sahihi bwana. Mzigo nikafikisha na nikapata kama 200K hivi. Mara 2nd round mara 3rd. Nikawa na kama 500K ikabidi nitume 400K kwa ajili ya maandalizi yote ya kujifungua wife ikiwa ni pamoja na kumsafirisha bimkubwa kutoka bush ili aende kusaidia kwani ndo ilikuwa uzao wa kwanza.
Mungu anisamehe hii kazi nilipiga karibu mwezi mzima na nusu nikapata pesa nzuri na kuja Dar kwa ajili ya kuwa na wife wakati anajifungua. Kweli nimefika ndani ya week akajifungua na ndani ya week hiyo hiyo nikapata mchongo halali na hadi sasa nimeajiriwa na maisha yanaenda poa sana.

Hongera,

 

[F35-Bomber]

Habari za muda huu wakuu, naimani mko poa na January inaendelea kuyoyoma. Naomba niende moja kwa moja kwenye swali langu.

Kwanza kabisa lazima tukubali kuna muda mtu unapigika na life hadi unaanza kuwaza kazi za ajabu au ambazo hukuwahi dhani utayafanya. Wengine wanafikia maamuzi na wanafanya, na wengine wanaishia kuwaza tu na kabla hawajafanya wanabadili maamuzi au wanapaka kazi nyingine ya kawaida.

Binafsi wakati nimemaliza elimu yangu ya hali ya juu Dar es salaam nilipitia wakati mgumu sana kimaisha kwani sikuwa na wakumtegemea. Nilikuwa napenda sana kuingia JF kujipotezea mawazo.

Siku moja nikakutana na uzi wa jamaa fulani akidai kuwa amepata mchongo wa kuigiza video za kikubwa huko majuu na akadai kuwa yeyote atayehitaji yupo tayari kumuunganishia.

Kiukweli nimelelewa vizuri tu lakini ilibaki kidogo tu nimtafute jamaa aniconnect nizame majuu. Lakini huwa napenda kufanya utafuti wa jambo kabla halijafanyika, hivyo nikazama Google kutafuta undani wa industry ya video za kikubwa.

Nikafahamu mengi sana, faida na hasara, gharama wanazolipa na mambo kibao, mwisho wa siku sauti ndani yangu ikawa inakataa sana hizo shughuli, basi nikaacha nikapambana kutafuta ishu nyingine.

Je wewe ni kazi gani ya ajabu kwako ulifikiria kuifanya kipindi ukiwa huna kazi na life limekunyoosha.

Karibuni.

Sent using Jamii Forums mobile app

Mkuu naomba hiyo coñnection maana wengine sisi hata kazi tunazozipata pesa zinaaishia huko Sasa si Bora hiyo ndio iwe kazi inayonilipa?

 

[Blessed Keinerugaba]

Wakati nipo chuo life ilikua ngumu sana. Boom hilo hilo kula, kodi, umeme, maji bado sijavaa basi nikaona sio mbaya niunde biashara. Nikafikia conclusion nipike biriani niwe na deliver mwenyewe.

Basi siku ya jmosi nanunua vitu vyote, jumapili naanza kupika asubuhi mapema by saa 6 chakula kipo tayari. Napack vizuri kwenye take away. Hapo nishachukua order tayari.

Kimbembe kilikuaa Kwenye kufanya delivery. Uzuri wateja wengi walikua wanaishi karibu na chuo. Ila sasa nazunguka jua kali linanichoma yani. Hapo delivery ni bure. Niliweka free ili wateja wasione uvivu.

Sema regardless ya hustle ile bado nilikua na make profit. Nikipika biriyani elfu 30 nauza elfu 60. Sema nilifanya kwa mwezi tu nikaja nikapata zali (story for another day) ndo ikawa mwisho wa kupika mama ntilie.

Sent using Jamii Forums mobile app

Tunaisubiria kwa hamu hiyo story.

 

[Blessed Keinerugaba]

Nilipohitimu Chuo nikawa sina hata mia, nakaa mpaka siku 3 sijala.

Mpaka nikilala wakati mwingine, tumbo linahamia upande mmoja - wakati huo huo Transcript, Academic, Enrolment Baraza na License natakiwa kulipia kama Tsh 200,000 ili nipate uhalali wa kutumia taaluma yangu.

Waswahili nao majungu mwanzo mwisho. Kila nikiomba hata kazi Car Wash sipati.

Hapo ndio nikaanza kuuelewa ule msemo wa "What do you do for a living huwa una maana gani ?"

So, Nikawaza kwanini nisianze kuokota machupa.

Yaani Natoka Ukonga naenda hata Mburahati huko wasikonijua Naokota Nauza then narudi Jioni ?

Baada Ya Kutafakari sana, nikaghairi.

Nikaamua kuingia Kampuni za ulinzi. Yaani wakati naftafuta kazi hizo hata gari zenyewe nilikuwa napata nauli kwa kuunga sana, na kwasababu ya njaa nusura siku moja nizimie kwenye daladala ( Kwasababu Ya Foleni na Kusimama )

Mpaka sasa niko huku mwaka wa pili huu.

Mimi ni mwoga sana ninapoona hakuna tumaini la kupiga hatua hata kidogo tu kwenye maisha, huwa nakonda ghafla.

Pole sana mkuu. Ila hapo pa kuzimia nimecheka sana.

 

[Blessed Keinerugaba]

Aisee, nakumbuka chuo boom limekata maisha magumu mno, nikafikiria nifanyaje, nikapata mawazo ya biashara nikaanza...
kuuza bubblegum/bigijii hizi super golila @500, nikanunua 8000 pakti ukiuza faida ni 5000 hivi, nashukuru ilikua tukienda class kabla lecture haijaanza nawatangangizia nnazo so wanachukua fresh,namaliza hata pkt 2 per day.

Nikaona niongeze biashara ya biscuits fulani hivi tamuu, nilikua nanunua pakti ya biscuit sh 900 nakuja kuuza 2000/=

Nikaongeza biashara ya crips za ndizi, nilikua napika mwenyewe nakumbuka nilikua nakaa hostel na hamruhusiwi kupika, so nikamuomba rafiki yangu alikua amepanga nje ya hostel nikawa napikia huko, nakumbuka siku ya kwanza nimepika crips hazikukauka vizuri dah,lainii kufika nazo hostel roommates wakanichekaa ila nilikomaa nikaziuza zingine nikawapa wale tu, siku 2, nikapika zimeungua nilikua nashindwa kukadiria moto, baada ya hapo nikawa napika vizurii, nikapeleka hadi blocks za wakaka faster zinaisha, napigiwa simu nipeleke zingine kama zipo hadi raha, faida ilikua ni nusu kwa nusu.

Nakumbuka nilikusanya faida hadi nikapata mtaji wa viatu flani vya kimasai ambao ulinisaidia hadi nilivomaliza chuo nikaendelea nao, nikafanikiwa kusave hadi sh 70,000/= per week kwa hiyo biashara,nakumbuka nilikua namsaidia hadi babe wangu vihela kidogo vya vocha,kabla hajapata kazi, japo alikuja akaniacha mfyuuu zake. Changamoto humpa mtu akili aisee.

Sent using Jamii Forums mobile app

Huyo babe mshenzi sana. Amenipa hasira sana

 

[T14 Armata]

Kuuza viatu vya matairi round about mwenge, huku kipindi hicho wife alikuwa anakuja kunipa company, ananinulia mahindi ya kuchoma

Kuzoa takataka maeneo ya toangoma, kibada na mkiwambe miaka ya 2015 kuna siku nilikutana na mwalimu na mwalimu wa.programming akashangaa.. nkasema maisha propose maana software wqhindi wqnatunyonya

Kuwa dalali wa mboga za majani wakati nafanya internship kampuni ya bima ya afya, napita mabonde ya mbagara nachukua bahia kwenye ndoo kwa bei nafuu naweka kwenye mifuko zile rambo nyeusi zilikuwa zinauzwa 50 ( fungu la buku bamia za kutosha kama 30) kipindi kile bamiq zilikuwa nyingi ndoo kubwa elfu 5, faida unapata hata 10,000.

Saidia fundi, kubeba tofali hii ndo sirudii hata maana unachukua tofali unakimbia nalo unampatia fundi anajenga kozi juu ya linta

Kuanzisha mradi ya kuzalisha funza,kwenda feri kuchukua utumbo wa samaki na kuufanyia mafekieche uoze na utoe funza the ukaushe uwauze funza( kuna siku nilikuwa kanisani kitoto cha kishua kinamwambia mwanangu Pole baba yako ananuka uvundo.. nilitoa tusi mpaka mzee wa kanisa akacheka)

Anyways kazi zote hizo nilikuwa napga bado niko pembeni na mama watoto.

Mungu kanifanyia kicheko

Nimesoma hapa nimefurahi kinoma. Sijui kwa nini

 

[LuisMkinga]

Nimesoma hapa nimefurahi kinoma. Sijui kwa nini

ukafanikiwe mkuu

 

[Legrema2050]

Mm nimetoka skuli moja kwa Moja nkaanza mishe ,na nkapata pesa nzuri,nkaoa nkajenga nyumba nzuri tu!!yaani nkiwa bado 23 yrs nlikua nshamaliza kua na kila kitu ambacho kijana wa kisasa anatani kua nacho!!
Mikosi ilianza baada ya kuacha kazi baada ya kuzinguana na boss ,nkaona hizi kazi ,za kumnyenyekea mwanaume mwenzangu siwezi nkaanza maisha ya biashara wajanja Wakanipiga pesa ndefu kwenye madini !!
Nkakimbilia mwanza nkaanzisha kambi ya uvuvi nkawa fresh pesa ikakubali hatari !!kumbe zile shuguli Zina ushirikina sijapata kuona!!baada ya muda was miaka 6 ya kua kwenye uvuvi nlijikuta Nina madeni kila Kona!!hakuna kitu kibaya Kama madeni unakua mtumwa na unakua muoga (nidhamu)ya uoga

Sent using Jamii Forums mobile app

Ulivokimbilia Mwanza nyumba uliuza au

 

[barafuyamoto]

Habari za muda huu wakuu, naimani mko poa na January inaendelea kuyoyoma. Naomba niende moja kwa moja kwenye swali langu.

Kwanza kabisa lazima tukubali kuna muda mtu unapigika na life hadi unaanza kuwaza kazi za ajabu au ambazo hukuwahi dhani utayafanya. Wengine wanafikia maamuzi na wanafanya, na wengine wanaishia kuwaza tu na kabla hawajafanya wanabadili maamuzi au wanapaka kazi nyingine ya kawaida.

Binafsi wakati nimemaliza elimu yangu ya hali ya juu Dar es salaam nilipitia wakati mgumu sana kimaisha kwani sikuwa na wakumtegemea. Nilikuwa napenda sana kuingia JF kujipotezea mawazo.

Siku moja nikakutana na uzi wa jamaa fulani akidai kuwa amepata mchongo wa kuigiza video za kikubwa huko majuu na akadai kuwa yeyote atayehitaji yupo tayari kumuunganishia.

Kiukweli nimelelewa vizuri tu lakini ilibaki kidogo tu nimtafute jamaa aniconnect nizame majuu. Lakini huwa napenda kufanya utafuti wa jambo kabla halijafanyika, hivyo nikazama Google kutafuta undani wa industry ya video za kikubwa.

Nikafahamu mengi sana, faida na hasara, gharama wanazolipa na mambo kibao, mwisho wa siku sauti ndani yangu ikawa inakataa sana hizo shughuli, basi nikaacha nikapambana kutafuta ishu nyingine.

Je wewe ni kazi gani ya ajabu kwako ulifikiria kuifanya kipindi ukiwa huna kazi na life limekunyoosha.

Karibuni.

Sent using Jamii Forums mobile app

Kugegeda wake za mabosi

 

[Legrema2050]

Baada ya muda mrefu kutaabika nkajikuta Sina kila kitu!yaani from hero to zero!!kitu pekee nlikua nimebaki nacho ni nyumba ila Sasa utakula nyumba?lazima maisha yaendelee! Nkauza nyumba nipate msingi Cha ajabu mtu aliyenipa wazo la biashara mpya ndie alinunua nyumba tena kwa kuilipia nusu nusu nkajikuta pesa imeisha na Niko ndani ya hiyo hiyo nyumba!!nkageuka kuwa mpangaji akaanza kuniomba Kodi ya nyumba

Sent using Jamii Forums mobile app

Vipi baada ya kupoteza kila kitu, mke aliendelea kuishi na wewe au alisepa

 

[Kinoamiguu]

Kufundisha nursery with MASTERS dah

 

[Kiminyio 01]

Hii kazi niliianza nlipomaliza Chuo kikuu.Na kwa Sasa huwa naifanya December.Nimeshindwa kuiacha japo nimeajiriwa.

Sent using Jamii Forums mobile app

Malizia tu Ndio nchi inaliwandwa kupitia hapo

 

[Ambition plus]

Kuuza viatu vya matairi round about mwenge, huku kipindi hicho wife alikuwa anakuja kunipa company, ananinulia mahindi ya kuchoma

Kuzoa takataka maeneo ya toangoma, kibada na mkiwambe miaka ya 2015 kuna siku nilikutana na mwalimu na mwalimu wa.programming akashangaa.. nkasema maisha propose maana software wqhindi wqnatunyonya

Kuwa dalali wa mboga za majani wakati nafanya internship kampuni ya bima ya afya, napita mabonde ya mbagara nachukua bahia kwenye ndoo kwa bei nafuu naweka kwenye mifuko zile rambo nyeusi zilikuwa zinauzwa 50 ( fungu la buku bamia za kutosha kama 30) kipindi kile bamiq zilikuwa nyingi ndoo kubwa elfu 5, faida unapata hata 10,000.

Saidia fundi, kubeba tofali hii ndo sirudii hata maana unachukua tofali unakimbia nalo unampatia fundi anajenga kozi juu ya linta

Kuanzisha mradi ya kuzalisha funza,kwenda feri kuchukua utumbo wa samaki na kuufanyia mafekieche uoze na utoe funza the ukaushe uwauze funza( kuna siku nilikuwa kanisani kitoto cha kishua kinamwambia mwanangu Pole baba yako ananuka uvundo.. nilitoa tusi mpaka mzee wa kanisa akacheka)

Anyways kazi zote hizo nilikuwa napga bado niko pembeni na mama watoto.

Mungu kanifanyia kicheko

Muheshim sana wife wako,ako na wewe nyakati zote.

 

[Malcom Sr]

Nilipigika kudadeki mpaka nikasepa bongo maana ilikuwa mikosi tupu,ikabd nipige deal hatari za kuvuka boda ,one day Nakonde Boarder (Zambia) another day Msumbuji sijakaa vizuri KwaZulu biashara za kuuza roho mixer kukamatana na migration kulala lockup mambo ya illegal business .

Uwoga wako ndio umasikini wako coz million moja nilikuwa natengeneza ndani ya siku moja yaani go and return I can make a million.

Now days najihisi nimerogwa sina harakati kabisa kama nimewekwa Karantini coz nishakuwa mzee inabdi nitulie tu.

Utakuwa ulikuwa unakula Bata wewe

 

[Bushmamy]

Nilipigika kudadeki mpaka nikasepa bongo maana ilikuwa mikosi tupu,ikabd nipige deal hatari za kuvuka boda ,one day Nakonde Boarder (Zambia) another day Msumbuji sijakaa vizuri KwaZulu biashara za kuuza roho mixer kukamatana na migration kulala lockup mambo ya illegal business .

Uwoga wako ndio umasikini wako coz million moja nilikuwa natengeneza ndani ya siku moja yaani go and return I can make a million.

Now days najihisi nimerogwa sina harakati kabisa kama nimewekwa Karantini coz nishakuwa mzee inabdi nitulie tu.

Pole na hongera

 

[Sigonella Island]

Kuingia shambani na kulimisha zao la alizeti miaka ya 2002 hiyo kabla sijajua kama ntakuja kujenga na kulowea Pwani ya Tanzania...

 

[Smart911]

Nasoma comments....

 

[Tripper]

[emoji1787][emoji1787][emoji1787]

Ilikua 2013 wakati nasubiri matokeo ya kidato cha nne kama sikosei ilikua mwezi january.Kutokana na ukata wa kukaa home mda mrefu huku nikikosa hata pesa za vocha na bi mother akiwa amepigika nikawa nina njaa iliokithiri(sio njaa ya kula njaa ya hela).

Jioni ya siku moja kabala ya tukio mshikaji wangu Dullah akaniambia amepata kazi ya ukarani kwenye ghala la korosho kesho yake anaanza,nikamwambia basi nami anifanyie mpango akasema sawa atajaribu.

Siku ya tukio niko zangu home asubuhi kama saa 7 na dk kadhaa.,Dullah akaja kuniita nikatoka nje nikakutana na huyo mama tukawa watatu mimi,mama na dula,mazungumzo yalikua hivi.
Mama: hujambo?
Mimi: sijambo shikamoo
Mama: dulla ameniambia na wewe unataka kazi ndo nikamtum aje kukuita,kama upo tayari tuongozane.
Mimi : ndio mama nipo tayari na kwakua nimeshanawa ngoja nivae tu simpo twende(mpaka hapa nikajua ukarani)

Njiani yule mama akatuuliza "hivi mmekunywa chai?" Sisi tukamjibu kwa pamoja "bado"...mara akasema "eeee msije mkaniangukia huko,tukifika nitawanunulia chai"..nikauliza "kwani mama ni kazi gani,si kuandika tu"? Sikujibiwa ,mara paap tukawa tumefika kiwanda(ghala) cha korosho pale mbagala kokoto.Kweli akatuagizia chai na chapati mbili mbili,wakati nakunywa chai nilikutana na jamaa mmoja anaitwa robert(nilimzoea kwa jina la jirani) ikabidi aniulize vipi dogo mbona uko hapa ? Nikamjibu "nimekuja kufanya kazi bro humo kiwandani" akasema utaweza ndugu yangu kubeba gunia za korosho ? Nikamjibu mimi sibebi gunia tumeambiwa tutakua makarani.,akasema sawa ila kama ni kubeba gunia ndugu yangu wewe hutaweza humo ndani ni kama jehanam,Dullah akaninong'oneza achana nae mama mwenyewe ni kiongozi na ndo kasema tutakua makarani.

Mara saa 2:30 ikafika tukawa tumeingia tukaambiwa tubadilishe nguo tukavaa za kazi(hapa kichwani niakanza kujawa na masawali) Yule jirani akasema haya dogo karibu jehanam..aisee unabeba gunia(kiroba) la kwanza likaenda la pili likaishia kati wahindi wakaanza kupiga kelele nimemwaga korosho na kuchana kiroba(wakuu gunia kuliweka mgongoni sio kazi kazi ipo kwenye miguu namaanisha balance ndo ishu). Ikabidi nihamishiwe kwenye kupakia korosho maana kubeba siwezi huko nako ilikua balaa gunia zilikua nyingi balaa halafu hakuna vitendea kazi hakuna mask wala gloves mikono ilichubuka ukitaka kupumzika wahindi wanapiga kelele .

Yule Dullah mara akapokea simu(ya uongo) ghafla nikamuona anaanza kulia akaulizwa kulikoni akasema amefiwa na babu yake doh ikabidi aruhusiwe asepe nikawa nimebaki mimi na wengine.Mpaka kufika saa 6 mchana niko hoi mikono vidonda vitupu,nakumbuka nilimwambia Yule Jirani dah hapa si tayari tumeshamaliza akasema hapana dogo bado kabisa nikazidi kuchoka na kujuta nikamuuliza tena inamaana maisha yako jirani ndo yako hapa akasema ndio nina miaka 5 na nilianza kama wewe ila kwa sasa nishazoea na wewe utazoea,akaanza kunitajia wengine huyu ana miaka 3,7 mpaka 9 aisee nikastaajabu sana mara akaja muhindi tukahamishiwa kiwanda kingine kubeba gunia tupu ili ziletwe huku zipakiwe aisee ilikua balaa gunia zina vumbi nikaishiwa nguvu kwa kukisa hewa ikabidi nitolewe nje ya stoo...

Baada ya hapo tukarudishwa kiwanda kile cha mwanzo kwa ajili ya kuendelea kupakia mpaka kufika huo muda nikikohoa natoa kohozi jeusi nikipenga kamasi hivyo hivyo nikasema hapa hapana ngoja nitoroke..walinzi wakaniuliza unaenda wapi nikasema nimeagizwa mmoja akauliza mbona umebeba na nguo zako sikuangalia nyuma nikawa nishafungua mlango nikaondoka.Kufika home kifua na mwili unaniuma nakohoa balaa nikamuona Dullah aliponiona alicheka sana akasema yeye hakufiwa ila aliona kazi imemshinda alitafuta kisingizio(huyo dullah ni mbavu ila alichemka sasa jiulize hiyo kazi ilikua ngumu kiasi gani).

Ilipofika saa 1 usiku akaja yule mama kuniulizia akasema mbona nimeondoka sijaaga na hela sikuchukua,nikamuuliza hiyo hela hapo unayo? Akasema hana kaicha nikaifuate kesho yake nikamjibu hapana nimesamehe...wiki nzima niliumwa kifua na mwili na tangu siku hiyo nikaapa sitakuja kufanya kazi kwa muhindi wale jamaa ni wauwaji kazi kubwa vifaa hakuna au duni.

Ndefu samahani.

Sent using Jamii Forums mobile app

 

[Kinoamiguu]

Sasa umeacha

Niliacha mkuu

 

[Kinoamiguu]

Hahahahaha ili mradi mkono uende kinywani[emoji2]

Ila mengine yanachosha mkuu. Wewe kusimamia vile vitoto vya chekechea ni shida kwelikweli