Waziri Simbachawene unapaswa uone aibu, unatangaza nafasi 14,000 tu za Walimu wakati waombaji wapo Walimu 200,000? Huoni haya, hawa 186,000 wataenda wapi? YAANI MNACHUKUA ASILIMIA 7 TU YA WALIOOMBA? Wengine wataenda wapi?
Hii kada mwajiri mkubwa ni Serikali, pamoja na wizara ya afya, hao waliobaki wataendesha bodaboda au vipi Mr. Simbachawene? Na siyo hao tu jobless bado kuna wengine wengi ambao hawajaona umuhimu wa ku-apply ingawa wana sifa.
Hao Walimu wote wamefuzu na wana sifa zote za kuajiriwa, leo waziri unatuambia unawachuja, utawachuja kwa kutumia criteria zipi? Hawa hawakuwa kazini, wengi ni fresh from college kwa miaka mitatu hawakupata kazi, leo unaongelea kuwachuja? Unatafuta sifa zisizo za msingi.
Ongezeni ajira, la sivyo fungeni vyuo vyote vikiwemo vya Walimu maana mmeelemewa na idadi kubwa isiyo na ajira, ili tujue nchi tunayo vibarua na wamachinga (Peasants and petty traders).
Kuwachuja hapo si sawa toeni ajira kwa wote, hao wote wamefuzu vyuoni au unaanza kufanya Nepotism? Kama mnaona wamekaa sana bila kufanya kazi, basi ni jukumu la serikali kuwapatia training.
Kada hii ya Ualimu pamoja na ya Afya, Serikali ndiyo muajiri mkubwa na siyo mwajiri mwingine yeyote, na kujiajiri siyo rahisi. Ni kama nafasi zenu za uwaziri kuambiwa mjiajiri wenyewe.....MTAWEZA?
Hatuna a sound Middle class ambayo itaweza kuwa-absorb wafanyakazi hao, unless serikali ijitahidi kusaidia watu wake. Bado sana kwa serikali hii, kila mahali shida, matibabu shida, kutoa maiti morgue shida kulipa mamillioni.
Poleni watanzania wenzangu, tuwawajibishe serikali hii kwenye sanduku la kura, haiwezekani TRA ijigambe kuwa inakusanya zaidi ya TSHS BILL 240 kila mwezi halafu ishindwe kutoa angalau bil 100 Kuwapa watanzania ajira na kuwafanya wawe na afya bora.