Nami baada ya kusoma uzi huu na maoni ya wadau nimejipa tena fursa ya kuzisikiliza hotuba zote mbili za Askofu Kardinal Pengo na Askofu Gwajima.
1. Nianze kwa kusema katika hotuba yake Askofu Pengo amekili kuipokea na kuikubali barua ya kichungaji(maazimio) ya Maaskofu wenzake wa Katoliki na madhehebu mengine.
Sasa kitendo cha kukubaliana anapokuwa na maaskofu wenzake alafu akitoka nje kwa waumini anapinga kile alichokubaliana na maaskofu wenzake kiitenjwe hiki kitendo kama siyo unafiki na kuwadhalilisha wenzake??
Hapa alichokifanya Gwajima ni kumweleza ukweli Askofu mwenzie Pengo kuwa anafanya UNAFIKI. Kitendo alichofanya Gwajima ni sawa sawa kabisa na kitendo alichokifanya Mtume Paulo pale alipomkemea Mtume mwenzake Petro(ambaye alikuwa mkuu wa mitume) hadharani kwa unafiki wake wa kujionesha anakubaliana na desturi za mataifa mengine ila wakitokea wayahudi wenzake Petro alikuwa anajitenga kabisa na wakristo wa mataifa mengine. Katika hili Paulo wala hakumkopesha Petro, alimpa makavu tena hadharani. Na hapa Gwajima kampa Pengo makavu hadharani.
2. Askofu Pengo anasema maaskofu hawana mamlaka ya kuwaelekeza waumini wao kupiga kura ya hapana kwa katiba inayopendekezwa. Tena Askofu pengo anasema watu waachwe waamue kwa dhamili zao wenyewe. Lakini askofu Pengo hasemi ukweli kuwa kwa muujibu wa biblia lililokubaliwa na maaskofu(viongozi) wote wa kanisa ni sawa na amri ya kanisa na waumini wanapaswa waambiwe kuitii hiyo amri; ingawa kutii au kutokutii ni uamuzi wa mtu binafsi na asiyetii anakuwa kafanya dhambi.
Lakini tena askofu Pengo haendi mbele zaidi na kukemea tabia ya viongozi wa serikali kutaka watu wapige kura ya ndiyo kwa hii katiba pendekezwa. Hili kimsingi Pengo anajua ni kosa ila kaamua tu kulifumbia macho.
Kitendo hiki cha Pengo kulalia upande mmoja kwa makusudi ni UPUUZI na USALITI wa wazi kabisa na ulipaswa kukemewa. Gwajima hili aliliona na akaamua kulikemea hadharani.
Neno MPUUZI, MSALITI au MPUMBAVU siyo tusi na Biblia imewataja watu wengi tu kama walikuwa wapuuzi, wasaliti na wapumbavu kutokana na matendo yao. Mfano ni Yuda Eskariote, Nabali na yule tajiri aliyetajwa na Yesu kuwa alikufa akaenda motoni akamwona Lazaro kufuani mwa Ibrahim.
3. Wote wanaosema Gwajima katukana hawataji wazi wazi tusi lipi alilotukana Gwajima zaidi ya kutoa tuhuma za jumla jumla tu. Ni kweli Gwajima katumia maneno makali sana kufikisha ujumbe wake kwa Askofu mwenzake lakini maneno hayo hayajabeba chembe yeyote ya tusi.
Yesu aliwahi kumwita Petro SHETANI pale Petro alipojifanya ana huruma sana juu ya Yesu na kumtaka Yesu asiongelee habari ya kuteswa, kufa na kufufuka kwake; Je Yesu hapo alimtukana Petro??
Yesu pia aliwahi kumfananisha mtoto wa mama mmoja ambaye siyo myahudi kuwa ni MBWA baada ya yule mama kumsihi Yesu amponye mwanaye; Je Yesu hapo alitukana watu wasio wayahudi??
Jambo moja lipo wazi. Askofu Pengo tangu mwanzo alionekana kuiunga mkono hii katiba pendekezwa, sasa kitendo cha maaskofu wenzake wote nchi nzima kukubaliana kwa kauli moja kuikataa kimemvuruga na sasa kaamuwa kutoka kivyake kwa kutoa tamko ambalo linapingana kabisa na BARUA YA KICHUNGAJI inayotaka katiba mpya ipigiwe kura ya HAPANA kama maoni yao yatapuuzwa. Hili Pengo kalifanya hadharani na hakuna anayeweza kubisha.
Kitendo alichokitenda Askofu Pengo alistahili kabisa majibu aliyopewa na Askofu Gwajima.