Kuna mchangiaji alisema haya ya waislamu na wakristo kupokezana.link
https://www.jamiiforums.com/jukwaa-...-ya-tanganyika-na-zanzibar-5.html#post5470775
Nguruvi3
Bado unawatatiza wasomaji wengi.
Ujanja tulioufanya ndio unatuletea matatizo.
Tungekuwa na mfumo wa shirikisho (serikali tatu), hizi kelele za leo za wazanzibari zingekuwa hazina nafasi.
Ingekuwepo serikali ya Tanganyika, serikali ya Tanzania(muungano) na serikali ya Zanzibar.
Nani angeongoza serikali ya Tanganyika, muislamu, mkristo, muabudu dini za asili au pagani ingekuwa ni utaratibu wa ndani wa Tanganyika. Hivyo hivyo ingekuwa kwa upande wa Zanzibar wangeamua wenyewe na sio kwa matwakwa yetu au vile Nonda na Nguruvi3 wanataka.
Linapokuja nani ataongoza serikali ya Tanzania(muungano), mimi Nonda naona kuna mantiki kwa wanaosema iwe ni kwa kupokezana baina ya Rais wa Tanganyika na Rais wa Zanzibar/ mtanganyika na Mzanzibari.
Kushindwa kwetu kutofautisha baina ya serikali ya Muungano na serikali ya Tanganyika ndio inayotuletea kuandika vitu vya ajabu.
Sasa tukubali kuwa tulifanya kosa kuifuta serikali ya Tanganyika na tusawazishe kosa hilo. Huu ndio muda mwafaka wa kufanya hivyo. Kuna katiba mpya inaandaliwa, kwa umoja wetu wadanganyika tudai iwepo serikali na katiba ya Tanganyika.
Tanzania (muungano) kama itakuwepo basi naungana na mawazo ya mambo 7 ya muungano, rafiki yako seif ameweka mambo 4.
Tulianza na muundo mbovu wa muungano, serikali mbili, mamlaka tatu(mambo ya muungano (Tanzania), mambo yasiyo ya muungano kwa Tanganyika, mambo yasiyo ya muungano kwa Zanzibar). Baadae tukaondoa Rais wa Zanzibar kuwa makamu wa rais wa Muungano(Tanzania).Na sasa tunadai serikali moja,taifa moja, nchi moja.
Kila siku zinavyosonga mbele ndio tunazidisha utata na kero za muungano lakini tunapiga kelele kuwa ni wazanzibari ndio wanalalamika tu. Watanganyika tunajidanganya, tunajichanganya.
Kama ulivyosema Zanzibar ni kisehemu tu kama Mafia au Ukerewe sioni ni kwa nini tupate tabu ya kukiachia ili tupate kushughulikia mahitaji ya watu milioni 43.6
Tuache usanii, wadanganyika wenzangu, tudai Tanganyika yetu...kwa kung'ang'ania Tanzania ni kukubali kupata maumivu. Tanzania ni ya wote.Tanganyika ni kwa watanganyika tu.