1. Siamini kama wanachama wakiamua kuhama chama cha siasa na kujiunga na chama kingine ni lazima kwenye chama wanachohama kunakuwa kumefanyika makosa. Actually, wakati mwingine wanaohama wanaweza pia wakawa na sababu zao na wanaweza kusema sababu ni x, y na z, lakini je ni kweli ndizo sababu "hasa" zilizowafanya wahame au kuna pia sababu zingine ambazo hazitajwa hadharani - mfano kuahidiwa greener pastures kwenye chama kingine au kupata protection ya kutosha? Nakumbuka kuna mwanaCCM mmoja aliyehamia Chadema na wakati akiwa Chadema alikuwa akiikosoa serikali na kwa kutumia uzoefu wake serikalini, alikuwa akisema anajua mambo mengi. Alipoamua kurudi CCM, moja ya mambo aliyoyataja ni kuikosoa serikali kwamba si sahihi (jinsi nilivyomwelewa).
2. Kwa upande wangu, kwenye ushindani kila mtu anatumia mbinu mbalimbali na kwa bahati mbaya vyama vya upinzani kwa sasa vina mtihani mgumu kwa upande wa kujinadi na kupata wanachama wapya na hili si kosa la vyama hivi hata kidogo (maana liko nje ya matakwa yao). Na hili pia lina matokeo hasi kwa vyama vya upinzani. Hivyo, kwa baadhi ya mambo yanayotokea hatuwezi kusema vyama vya upinzani vimekosea. Inabidi pia tuone sehemu ambayo imekuwa kikwazo kikubwa kwa afya ya vyama vya upinzani na tuseme kwamba hali hii inaathiri ustawi wa vyama hivi ingawa kinachofanyika si kwa matakwa yao.
3. Na tusipokuwa na vyama vya siasa vyenye ushindani ili kuikosoa serikali na kuifanya iwajibike vizuri zaidi kwa wananchi, ina maana waathirika ni sisi wenyewe. Hivyo, mtu anayefurahia kufa kwa vyama vya upinzani ni sawa na anayekata tawi alilokalia.
4. Mwanachama akihama chama chake na kujiunga na chama kingine siyo kapi na asionekane kapi (labda iwe dhahiri kwamba hana au amekosa sifa za kuwa mwanachama wa chama cha siasa). Lakini kama sababu ni kutofautiana na chama chake na kufukuzana, kwangu mimi kwa mwanachama kama huyu si kapi hata kama chama chake cha awali kitamwona kama ni kapi. Kwangu mimi, kapi ni mtu asiye na sifa za kuwa mwanasiasa (hafai). Nasema hivi, kwa sababu hata sisi hapa tulipo tumetoka sehemu mbalimbali na kwa sababu tumetoka sehemu hizo hakutufanyi tukose sifa za kuwa tulipo leo hii unless kama tumepoteza sifa za kuwa kwenye ajira (kama hilo linawezekana).
5. Ukomavu wa kisiasa ni mchakato - inachukua muda kwa sababu kuna sababu nyingi zinachangia kufikia huu ukomavu. Mimi niseme tu kwamba vyama vya upinzani vimefanya kazi kubwa na visikate tamaa pamoja na kwamba vinakabiliwa na changamoto mbalimbali kutokana na kukosekana kwa a 'level political ground'.