Inategemewa kuwa jinsi dunia inavyostaarabika ule ustarabu uenee kwenye nchi zote hata kama kwa kuchelewa. Nikisoma baadhi ya hoja kwenye uzi huu naona kuna baadhi yetu hatuatahili kuitwa binadamu. Maana hata kama risasi hukupigwa wewe au unadhan wewe au ndugu yakoi hamtakuja pigwa risasi, kila mtu angetegemewa hata awe na uwezo wa kubuni (imagination) ya yaliyompata huyu binadamu mwenzetu. Nadhani hiyo imagination hata Rais wetu, SSH, anayo na ndiyo ilimtuma kwenda kumpa pole Tundu Lissu Nairobi na Ubeljiji. Na tunachopigania kwa risasi ni kitu gani? Na hao wapiga risasi hawakuwepo hata wakati wa kupigania Uhuru wetu wa Tanzania! Kama mnaoandika dhihaka humu mnafanya mchezo, basi ndiyo maana kuna watu wa nje ya Afrika wameanza hoja kuwa Afrika inatakiwa itawaliwe tena. Na tutatawaliwa kwa sababu hatuna hata umoja kuwa sisi wote ni Watanzania ila tunawaza tofauti tu na tofauti hizo suluhu yake si kupigana risasi.Tanzania,Wakombozi wa udhalimu,tumegeuka kushabikia udhalimu wa sisi kwa sisi! Huu ujinga usipokomeshwa utakuwa upumbavu, jinsi wapumbavu wanavyokuwa wengi ndivyo Tanzania itakavyokuwa. Usalama wa nchi yetu uko hatarini! Mtu ye yote hata mwenye akili na hekima kiduchu hawazi kushindwa kuona hatari ya malezi haya ya kitaifa. Mwenyezi Mungu Apishe mbali!!