Kampuni ya INFOSYS IPS (T) LTD imekanusha taarifa zinazoenezwa katika mitandao ya kijamii kwamba kampuni hiyo inahusika na inashirikirikiana na Lugumi Enterprises katika kashfa ya ubadhirifu.
Katika habari zilizosambaaa inasemekana kwamba kampuni ya Infosys ilipokea mabilioni ya shilingi kutoka katika kampuni ya Lugumi, jambo ambalo wao wanadai si la kweli na ni la kupuuzwa na umma.
'Hatujawahi kufanya biashara na kampuni ya Lugumi Enterprises' Amesisitiza Bwana Sweki Donald, Naibu Meneja Mkuu Infosys IPS (T) LTD.
Video:
Inakupasa uwe na "Permanent Head Disorder(PhD)" ili walau uweze kuziamini hekaya hizi zilizo katika mfumo wa "series" zinazotoka kila siku ili kujaribu "kudivert" Ukweli huu mchungu.Hivi ni lini Taifa hili liliwahi kuweka rekodi ya kuukubari Ukweli ambao ghalama zake zinatishia uhai wa serikali yenyewe?
Kama kuna mtu alitarajia mtuhumiwa huyu akiri uhusika wake katika kadhia hii,basi mtu huyo ni wa kuonewa huruma kwa viwango vinavyostahili.
Ili kuweka kumbukumbu sawa,nitoe walau mifano miwili,mitatu ambayo serikali na vyombo vyake ilihaha kiasi cha kujaribu hata kulisimamisha jua ili kusipambazuke iendelee kujificha katika giza kuepuka kibano cha ufisadi uliofanywa na vyombo vyake.
1.Sakata la ufisadi wa Kagoda Agricultural Co.Ltd na MEREMETA.Hekaya ya sakata hili ilivunja rekodi za wahusika kujitokeza katika rangi za aina mbalimbali zenye lengo la kuudanganya Umma ili kuuficha Ukweli.Awali serikali ilisema fedha za kagoda/meremeta zilienda kufanya kazi nyeti katika masuala ya ulinzi na usalama,lakini baada ya kibano iligundulika mkataba wa kagoda / meremeta waweza kurithiwa na watoto,wakwe ndugu na jamaa wa wenye Kampuni la Kagoda /meremeta,sasa kama Kagoda/meremeta,ilikuwa ya Jeshi kwa matumizi ya ulinzi Na usalama wetu, ni nani alikuwa Mke,mtoto au ndugu wa serikali ambaye alitajwa katika Kagoda/meremeta kuwa na sifa za kisheria kurithishwa kampuni la kagoda/meremeta?Kifo chenye utata cha Balali ndicho kilichozima ufisadi huu baada Aliyekuwa waziri wa fedha kuliambia bunge kuwa alipewa Taarifa za uwongo na Gavana Balali.
Siri ya Kagoda hii hapa | Gazeti la MwanaHalisi
2.Sakata la Pili ambalo serikali ilidharirika vya kutosha ni Escrow saga,pamoja na kuwa Taifa bado linaendelea kuteswa na ufisadi huu wa kampuni ya IPTL,serikali Na vyombo vyake ilijaribu kuuficha Ukweli kuwa katika mabilioni ya escrow hakukuwa na hata senti moja ya serikali na hadi mkuu wa nchi aliyaponda mabilioni hayo kwa kuyaita "hela ya madafu",lakini baadae serikali hiyohiyo iliyoyakana mabilioni ya Tegeta Escrow,iliiagiza TRA kukusanya kodi toka mabilioni hayo.
Juhudi za watendaji waandamizi wa serikali kutaka kujinasua toka kwenye kokoro hili la LUGUMI Na INFOSYS IPS(T)LTD zilianza mapema baada ya kushindwa kupeleka vielelezo kwenye kamati yenye mamlaka kisheria kusimamia matumizi ya Fedha za Umma,PAC badala yake vielelezo vimepelekwa kamati ya ulinzi na usalama ambayo kikatiba haina mamlaka ya kuchunguza matumizi ya fedha za Umma.
Sakata hili ni mwiba wa mchongoma ulionasa katika koromeo la serikali,wanaohusishwa na sakata hili wote ni vigogo wa ngazi za juu kabisa wa serikali na vyombo vyake,unategemea serikali italikubali sakata hili lenye kila dalili za kuidharirisha serikali yenyewe?
Sakata linalozigusa moja kwa moja familia za vigogo wa jeshi la polisi na wizara ya mambo ya ndani pamoja na ikulu yenyewe ulitarajia liwe jepesi kiasi cha watu kukiri kirahisi kuwa wanahusika nalo?Naungana na mwana GT Salary slip kumshukuru Mungu kwa kuliruhusu sakata hili mapema ili kuona kama " ngariba wetu wa majipu" ana ujasiri wa kutosha kuweza kuyatumbua majipu haya yaliyoota sehemu nyeti sana katika miili ya "wazazi wake"
Jambo la kujiuliza ni namna watu wanavyolihusisha sakata hili kama hujuma dhidi ya utawala wa Mh.Rais.Ni upumbavu uliopitiliza kuihusisha ukawa katika sakata hili badala ya kuuona Ukweli wa sakata lenyewe,watu wanaanza kuleta siasa nyepesi za uzito wa unyoya.Tunataka hatua zichukuliwe juu ya wale wote waliohusishwa na "shombo" ya uvundo wa sakata hili bila kujali nafasi zao katika jamii na serikalini,mazoea ya uswahili wa kuyaita mambo haya kuwa ni "upepo tu na utapita" hayakubaliki.Huu si upepo kama mnavyozani,sakata hili laweza kuwa tufani linaloweza kuwasomba baadhi ya vigogo wa serikali hii sikivu sana ya chama cha majipu (CCM).
