#MAKINIKIA: HEKAYA FUPI YA TRENI YA GARI MOSHI MAARUFU INAYOENDESHWA KWA MVUKE
Injini ya mvuke ndiyo chimbuko la mapinduzi ya usafiri duniani. Kwa kupasha maji moto kwa makaa ya mawe na kuyageuza mvuke, pistoni zilisukumwa na kugeuzwa mwendo wa magurudumu.
Maboresho ya mhandisi James Watt wa Uingereza karne ya 18 yaliifanya injini hii kuwa moyo wa viwanda na reli. Kuanzia 1954, East African Railways lilileta zaidi ya vichwa 40 vya injini hizi, Tanzania ikiwa sehemu ya historia hiyo.
Maarufu zaidi ni kichwa SUK 2927XX, kilichotengenezwa Glasgow mwaka 1955. Kikiwa na uwezo wa kubeba mizigo na abiria zaidi ya tani 750, kilihudumia kwa miongo mitatu mstari wa Tanga–Moshi. Lakini kufa kwa EAR mwaka 1977 na ujio wa dizeli kulikifuta katika ramani.
Mwaka 1998, Mwingereza Mike Dean alikifufua kwa ushirikiano na TRC. Aliibadilisha kutumika mafuta mazito badala ya makaa na kukiweka katika safari za kitalii Dar es Salaam–Soga.
Wageni kutoka Uingereza, Brazil na kwingine walifurahia si safari tu, bali pia burudani za ngoma za asili zilizoandaliwa kuwakaribisha. Safari hizo ziliendelea hadi 2007.
Leo, SUK inabaki kuwa kumbukizi muhimu. Wataalamu wanaamini bado inaweza kufufuliwa tena kama kivutio cha urithi na utalii wa reli Tanzania.
#MAKINIKIA: HEKAYA FUPI YA TRENI YA GARI MOSHI MAARUFU INAYOENDESHWA KWA MVUKE Injini ya mvuke ndiyo chimbuko la mapinduzi ya usafiri duniani. Kwa kupasha maji moto kwa makaa ya mawe na kuyageuza...