Kosa kubwa huwa naliona kwa watu wengi ukiwemo mleta uzi ni kutokuelewa namna MUNGU na namna zake anavyo operate.
Wengi huwa tunakwenda kwa MUNGU tayari tukiwa na matarajio ya vitu tunataka wakati tulitakiwa kwenda mbele za MUNGU tukiwa tumejinyenyekesha kama mtumishi mbele ya mfalme na kumwambia "Baba,nimekuja mbele yako,wewe ndie unajua nahitaji nini,nipo tayari kupokea naomba ulinzi na muongozo wa malaika wako niyapate yale yote ninayohitaji" halafu nenda sasa huko duniani huku ukiziishi amri zake 10 uone kama hautaona ulinzi wake kwenye maisha yako.
Unakuta mtu anakazi let's say inamlipa laki 9 kwa mwezi. Ila kutokana na life style yake anashindwa kubalance mambo anaona haimtoshi anakwenda kwa MUNGU na lawama moyoni akitaka awe na biashara kubwa au vyanzo vya mapato vikubwa.
MUNGU anasikia matakwa yako ambayo umejenga kwa msingi wa fikra zitokanazo na tamaa yako. Anatuma malaika wake waaanze kukupa hitaji lako. Unashangaa ghafla kazini kunaanza figisu,mara bosi akubadilikie,mara aje mtu akutengenezee chuki kazini,mara kampuni ipate shida ya kufeli. Mwisho wa siku unarudi mtaani ukiwa hauna hata mia. Mkeo aliyekuwa anajiapiza kukupenda anakuacha kwasababu hauna kazi tena na maisha yameanza kuwa magumu kwako.
Sasa hapa ndipo wengi huwa wanafeli. Wanaenda tena kwa MUNGU kumlaumu kwann haya yanatokea. Kumbe malaika wa MUNGU wapo kazini kutimiza matakwa yako.
Umepoteza kazi sio kwasababu MUNGU amekupuuza, hapana. Umepoteza kazi kwasababu MUNGU anataka sasa uanze upya, unataka kuwa tajiri kupitia mshahara wa laki 9? Haitawezekana,lazima uache kazi uanze,urudi mtaani,uteseke, mke uliye nae sio mke wa hadhi ya tajiri ni mke wa mtu wa kawaida, mke wako atakuja baada ya wewe kuachana na huyu uliyenae na ukimuona tu utamjua maana atakuelewa na mipango yako na atakukubali na hali yako huku akikutii kila mipango hewa unayomwambia akikusapoti, so lazima uliyenae akukimbie,usilalamike ulitaka haya yote, akili yako itoke kwenye kutegemea ajira iwaze kujiajiri na hapo ndipo safari ya utajiri uliyoitaka itaanza.
Marafiki watakutenga,usiseme "fake friends" MUNGU anakutengenezea crew mpya ya marafiki watakaoendana na wewe mpya,hawa wasasa ni wa toleo lako la mshahara wa laki 9. Utakaoletewa ni wale ambao ukimtext unataka milioni 5 hata kama hana anakwenda kukopa kwa niaba yako,au hakuulizi "milioni 5 za nini" bali atakuuliza "nikutumie kwenye namba ipi au account ipi". Usichukie ni MUNGU anaongea na wewe kwa lugha yake. Lugha ya MUNGU ni ya vitendo sio maneno mengi.
Unasema unataka kuwa kama baba yako, MUNGU alikuumba uwe wewe toleo lako ila ukasema mimi nataka kuwa kama baba yangu. Baba yako alikuwa ni mtu mwenye roho mbaya kwa ndani kutokana na makuzi aliyopitia utotoni mwake ila wewe hakukuonyesha roho mbaya sababu ni mtoto wake. Unashangaa ghafla watu wanaokuzunguka wanaanza kukufanyia matendo ya kukukwaza na hata haukuwakosea chochote. Unamuendea tena MUNGU na lawama kwamba walimwengu wanakukosea bila sababu (usichojua anafanyia kazi matakwa yako sababu ulimlalamikia aache kukupa mahitaji yako akupe matakwa). Unashangaa MUNGU hajibu unasema wacha nitadeal nao jicho kwa jicho. Unaanza kuwa katili na roho mbaya. Hadi mtoto wako anakuja kukwambia "baba watu wanasema unaroho mbaya sana"
Usichokijua ubaya sio wa MUNGU kufanya maisha yako kuwa hivyo, ubaya ni wewe ulitaka kuwa copy ya baba yako. Amekufanya kuwa toleo la baba yako. Why sasa unashangaa mtoto wako kuja kukupa ujumbe wa matokeo ya maombi yako kujibiwa. Ungemuachia MUNGU akuumbe kwa mpango wake ungekuwa vile alivyotaka na ungefurahia.
MUNGU huwa anawapa watu vyote,wavyotaka na wanavyohitaji. Ila mpango wake ni kukupa mahitaji yako na sio matakwa yako.
Wadada wangapi walitaka mwanaume handsome,mwenye pesa,anatokea familia yenye fedha na jina kubwa ila bado akishampata hitaji lake la furaha ya ndoa anakosa. Anajikuta kila akimtazama dereva wa mume wake au mlinzi, au yule kijana wa kawaida kabisa asiye na utajiri wala mali nyingi moyo wake unajawa na faraja na majibu ya furaha yake anayaona mbele yake?
Sababu ni kwamba aliruhusu tamaa iongoze fikra zake,fikra zikatengeza matakwa,matakwa yakamjaza na hali ya kukosa akamkimbilia MUNGU akimlilia kwa tamaa zake akitaka afanyie hivyo. Ila MUNGU alishajua mpango wake juu ya huyu dada kabla hata hajazaliwa.
So kwasababu MUNGU anatupenda watoto wake huwa anatupatia vyote. Atampa mwanaume anayemtaka lakini atamletea mwanaume anayemuhitaji baadae. Then baada ya hapo, huzuni itarudi na ukweli ndio huwa unauma. Sasa unashindwa kubakia na tamaa zako au ukidhi mahitaji.
Unakuja kusema life is not fair. Hapana ni wewe haupo fair.
Kuna lugha ya MUNGU halafu kuna lugha na mitazamo yetu sisi wanadamu. Hatumjui MUNGU kwasababu tunatumia muda mwingi kupretend tunamjua badala ya kumjua kweli.
Ulinzi wake upo na sisi masaa 24/7. Anatupenda kuliko yeyote aliyewahi kutupenda. Ametuumba kwa mfano wake ( unaemuona mbaya machoni mwako kwa mtu mwingine ndie mtu mzuri kuliko mtu yoyote yule aliyewahi kukutana nae) na hivyo hatuwezi teseka wala kukosa hifadhi hapa ulimwenguni. Vyote vilivyomo hapa ulimwenguni vina wenyewe na hakuna ambaye kapangiwa kukosa.
Furaha na amani ni ya kila m'moja wetu,wenye nacho na wasio nacho. Kuwa makini unapomuendea MUNGU. Hakikisha haupigi goti la lawama bila kujijua. Hakikisha unaongea nae na sio kumlalamikia na kulaumu. Hesabu baraka zake kwako na sio kuchambua mipango yake kwako na kuwachanganya malaika wake wakiwa kazini.
Umepata kazi,mambo yakiwa magumu mwambie "baba,nashukuru kwa baraka zako,kwasasa nakosa uelekeo naomba uniongoze,nakusikiliza" kisha fuata ishara atakazo kupa atazungumza na wewe kwa njia zake na hekima ndio itakuunganisha nae kiutendaji. Ukikosa hekima piga goti muombe akupe msaada wa hekima. Inaweza hekima ikaja kwa sura ya mtoto wako, jirani,baba yako,rafiki yako,ndugu yako,mdogo wako, mkeo, kiongozi wa dini,na pengine anaweza hata tumia mitandao ya kijamii kama hapa kanitumia kukufikishia hemika,au anaweza kukujaza na hekima wewe binafsi ya kiutendaji.
Kuwa msafi wa matendo, jaza fikra zako na mawazo chanya, na kila siku sikilizia sana ishara zake. Utapata unachohitaji.