Mkuu 'DaudiAiko', rais wako alijipambanua toka mwanzo baada ya kuachiwa nchi kwa kuwa wazi kabisa kwamba kwake kipaumbele na njia ya nchi hii kuendelea ni kuomba misaada toka nje.
Alisema, anakuja kufungua nchi, wewe hukuelewa maana yake ni nini?
Hana imani hata kidogo kwamba nchi hii waTanzania wanao uwezo wa kuiendeleza vizuri sana kwa juhudi zao wenyewe iwapo serikali itaweka mipango ya kuwawezesha kufanya hivyo.
Hutasikia hata mara moja akielezea serikali yake inafanya nini ili kuunga mkono juhudi za wananchi katika kujiletea maendeleo yao. Yeye anaamini wananchi hao watapata maendeleo iwapo watu wengine watakuja hapa kuwaletea wananchi maendeleo. Hiyo omba omba ni sehemu muhimu sana kwake kutimiza adhma yake hiyo potofu.
Na usije ukadhani kwamba sitaki wawekezaji au misaada ije "kusaidia" mipango na juhudi zetu wenyewe kujitafutia maendeleo, la hasha, hawa waje, kama wanaleta mitaji yao kuchimba gesi, wakaribishwe, lakini kwa misingi kwamba ni lazima tufaidike na kazi hiyo. Lakini mategemeo haya siyo ndiyo yawe kipaumbele, kana kwamba bila ya hayo kuwepo hatuwezi kujikwamua sisi wenyewe kwa kufanya kwa bidii na maarifa yale yaliyomo kwenye uwezo wetu.
Vipi, tunashindwa hata kulima kwa tija? Huko nako tunahitaji kufungua nchi waje watulimie mazao hapa, miaka zaidi ya sitini ya kuwa huru?
Hatuwezi hata kusimamia elimu yetu itoe raia wenye uelewa wa nini wanaweza kufanya kwa manufaa ya nchi yao?
Mama hana dira, na kwa bahati mbaya hata huko kwenye chama hakuna tena watu wanaotanguliza maslahi ya nchi hii mbele. Imebaki wachumia tumbo tu kama akina Majaliwa, Mwigulu, Januari na wengineo.
