MASWALI 10 KUHUSU MAJIBU YA SERIKALI JUU YA NDEGE YETU KUKAMATWA CANADA.
Jana Lissu aliibua mjadala kuhusu ndege yetu kukamatwa huko Canada kutokana na deni la TZS Bilioni 87 tunalodaiwa na kampuni ya Stirling Engineering Ltd, kutokana na kuvunja nao mkataba wa ujenzi wa barabara ya Wazo Hill - Bagamoyo mwaka 2009.
Mjadala ukawa mpana baada ya kupata attention kubwa kwa watu na vyombo vya habari. Mbunge wa Kigoma mjini ZZK akauendeleza mjadala huu kwa kumuita Waziri Mbarawa kwenye ukurasa wake ili ajibu kama ni kweli ndege yetu imekamatwa au lah.
Alhamdulilah. Waziri akajitokeza. Kama mjuavyo Waziri Mbarawa ni mtumiaji mzuri wa mitandao. Mbarawa akakanusha taarifa hizo na kusema ni uongo na uzushi. Akaema ndege ipo na HAIJAKAMTWA, isipokua kuna mambo ya kiufundi hayajakamilika. So yanamaliziwa and soon ikiwa tayari itawasili nchini.
Vijana wa CCM wakamshangilia majibu hayo "mazuri" na wakaanza kumtukana ZZK kwamba anashabikia propaganda za uongo za Lissu.
Leo Naibu Murugenzi ya Idara ya Habari Maelezo, ambaye pia ni Naibu Msemaji Mkuu wa serikali Bi.Zamaradi Kawawa amefanya mkutano na waandishi wa habari. Kwa kinywa chake amekiri kwamba NI KWELI NDEGE YETU IMEKAMATWA CANADA kutokana na kesi iliyofunguliwa mahakama ya usuluhishi ya kimataifa na kampuni ya Stirling Construction Ltd. Lakini akasema wanasiasa ndio wamesababisha ndege hiyo kukamatwa. Kwa kifupi amewalaumu sana wanasiasa na kuwabebesha mzigo wote wa kukamatwa ndege yetu.
Maelezo ya Zamaradi leo na yale ya Prof.Mbarawa jana yamenipa maswali yafuatayo:
1. Kwanini Zamaradi amesema Wanasiasa ndio wamechochea ndege hiyo kukamatwa? Ina maana "driving factors" za kukamatwa ndege hiyo ni wanasiasa tu? Just that? How?
2. Kuna uhusiano gani kati ya wanasiasa na kitendo cha kuvunja mkataba na kampuni ya Stirling Constructuon?
3. Wale vijana waliomtukana Lissu na ZZK jana mitandaoni na kuungana na Prof.Mbarawa kusema hakuna ndege ya Tanzania iliyokamatwa, wamejisikiaje baada ya Zamaradi kukiri kuwa ni kweli ndege yetu imekamatwa?
4. Kwanini maafisa waandamizi wa serikali (Waziri na Msemaji mkuu wa serikali) wanapingana hadharani? Waziri anasema ndege haijakamatwa, Msemaji mkuu wa serikali anasema ndege imekamatwa. Je Waziri hakua na taarifa au alidhamiria kudanganya?
5. Je, inawezekana Waziri husika asijue kuhusu suala hili la ndege wakati lipo chini ya Wizara yake?
6. Kwanini Zamaradi hajawataja hao wanasiasa waliozuia ndege yetu kukamatwa? Na kwanini hajaeleza wamezuiaje?
7. Kama serikali ilivunja mkataba na kampuni ya Stirling Construction, na kampuni hiyo ikaenda mahakamani na kupewa kibali cha kukamata ndege yetu, kwanini Zamaradi asiseme kwamba aliyezuia ndege yetu kukamatwa ni Waziri wa ujenzi (wa wakati huo) aliyefanya maamuzi ya kukurupuka, badala ya kuwasingizia wanasiasa?
8. Kwanini serikali haikusema mapema jambo hili kabla Lissu hajaliibua? Walitaka kuficha nini?
9. Lissu alieleza jana kwamba serikali italipa Dola milioni 12.5 (Kama TZS Bilioni 30) ili ndege hiyo iachiwe, wakati mazungunzo mengine yakiendelea (kuondoa pingamizi lililopo mahakamani). Maana yake ni kwamba tukiona ndege hiyo imetua tujue tumeshalipa Bilioni 30 za awali. Je pesa hizo zinatoka wapi? Ni kodi za wananchi? Kwanini Waziri aliyevunja mkataba huo asiwajibishwe kulipa peke yake?
10. Basil Mramba na Grey Mgonja walisababishia taifa hasara ya dola 7.5M sawa na TZS Bilioni 11, wakashtakiwa na kufungwa jela. Je serikali haioni kuna umuhimu pia wa kumshtaki waziri wa ujenzi (wa wakati huo) aliyevunja mkataba na kampuni ya Stirling kwa kukurupuka na kuliingiza taifa kwenye hasara?
Malisa GJ
Sent using
Jamii Forums mobile app