Uhuni huu unaendelea kukua, utaota pembe na kuzaa matunda. Majuto ni mjukuu. Wakati wa kuchukua hatua kuirekebisha nchi yetu na kudai nchi ni sasa.
Alianza na wapinzani, na wao hasa Mh. Lissu walituonya sana tena mapema kuwa huyu dikteta uchwa hataishia kwao (wapinzani) bali ataendelea kadiri tutakavyomruhusu. Leo hii, bila aibu wala woga (mwenyewe anaita kujiamini na ujasiri) tumeona jinsi aliyekuwa Waziri wake wa Habari saa 24 zilizopita, na mtetezi wake mashuhuri wa chama chao, mwasisi wa goli la mkono lililomweka hapo ngomeni alivyomfanyia. Sasa ole wenu mnaoendelea kumshabikia! Ole wenu ninyi mnaokaa kimya wakati mna nafasi na wajibu wa kutenda sasa hivi.
Ni aibu kubwa sana hii, sikudhani ningeishi kuona na kusikia nchi yangu ingefika hapa.
Tumeona na kuujua ubaya wa CCM kwa miongo kadhaa lakini kwa sasa hivi tunaona kiwango kipya kabisa cha uovu na dhuluma. Sasa basi tufanye haya mambo 3 kila mmoja kwa nafasi yake:-
1) Tukatae (udikteta, uonevu na kila aina ya dhuluma na kugawanywa).
2) Tuwapinge (ni haki yetu).
3) Ni wajibu wetu!