Ninahisi Mtoa mada anafuata mafundisho ya “Jesus Only” au "Oneness Pentecostals", ambao wanaamini kwamba ubatizo unapaswa kufanywa kwa jina la Yesu tu. Sababu kuu wanayoitoa ni kwamba katika Biblia hatusomi popote kuhusu mtu au watu waliobatizwa kwa jina la Baba, na la Mwana, na la Roho Mtakatifu.
Ni kweli hakuna andiko linaloonyesha kwamba mitume walibatiza kwa Jina la Baba, Mwana na Roho Mtakatifu.
Lakini je, mitume walikuwa wakamilifu kiasi kwamba tufuate kila walichofanya? La hasha. Mitume, walikuwa wanadamu walioweza kukosea. Hivyo sio kila walilofanya ni mfano wa kuigwa.
Angalia hapa baadhi ya makosa yaliyofanywa na mitume:
Petro alijitenga na Mataifa waliomwamini Kristo - Paulo akamkemea vikali kuwa ni mnafiki (Wagalatia 2:11–14).
Kumbuka tena Petro alitaka Yesu asife msalabani. Yesu alisema lazima afe, Petro akamkataza. Yesu akamkemea: “Rudi nyuma yangu, Shetani...” (Mathayo 16:22–23).
Yakobo na Yohana walitaka kushusha moto juu ya Wasamaria. Yesu akawakemea kwa kuwaambia: “Hamtambui ni roho ya namna gani mliyo nayo” (Luka 9:54–55).
Mitume walipigania vyeo badala ya utumishi. Waliulizana ni nani mkubwa kuliko wote. Yesu akawafundisha kuwa mkuu ni yule anayehudumu (Luka 22:24–26).
Tomaso alikataa kuamini kwamba Yesu amefufuka mpaka aone kwa macho. Alisema: “Nisipoona zile alama za misumari mikononi mwake, na kuweka kidole changu kwenye hizo alama za misumari, na mkono wangu ubavuni mwake, sitaamini.” (Yohana 20:25). Yesu alimkemea: “...usiwe asiyeamini, bali aaminiye” (Yohana 20:27).
Yuda Iskariote ingawa alikuwa miongoni mwa mitume 12, alitenda kinyume kabisa na mapenzi ya Mungu kwa kumsaliti Yesu.
Mitume walikosea kuhusu huduma kwa Mataifa mwanzoni, hadi baadaye Petro alipopewa ufunuo (Matendo 10).
Hata mtume Paulo, tunayesoma kuwa alijaa ufunuo mkuu, alifanya makosa ya kibinadamu. Mojawapo ya makosa aliyoyafanya ni kugombana vikali na Barnaba hadi wakatengana!(Matendo 15:36–40).
Kwa mifano hiyo, msisitizo sio kuiga walichofanya mitume, bali agizo la Yesu mwenyewe. Yesu alisema:
“Kwanini mnaniita Bwana, Bwana, lakini hamtendi ninayowaambia?”(Luka 6:46). Mojawapo ya mambo aliyotuambia Yesu tufanye ni hili lihusulo ubatizo:
“Mkiwabatiza kwa jina la Baba, na la Mwana, na la Roho Mtakatifu.”(Mathayo 28:19).
Hilo ni agizo la moja kwa moja kutoka kwa Yesu mwenyewe kabla ya kupaa mbinguni. Linapaswa kutekelezwa kwa utiifu, bila kupunguzwa wala kubadilishwa, hata kama mitume hawakufanya hivyo.
Yesu Kristo ni Mungu. Na ndiye Bwana na Mwokozi wetu. Hivyo agizo lake ndilo linalobeba uzito wa mwisho. Kwahiyo ubatizo wa kweli ni ule unaotii agizo la Yesu.
Soma uzi huu upate mafundisho ya kina zaidi kuhusu ubatizo wa kweli.
Ubatizo wa maji mengi ni ishara yenye maana sana kiroho. Mtu anapozamishwa ndani ya maji mengi, wakati wa kubatizwa, anaonyesha kuwa utu wake wa kale uliojaa dhambi, umekufa na kuzikwa pamoja na Kristo. Na anapotoka majini, ni ishara ya kufufuka pamoja na Yesu na kuanza maisha mapya ya...
www.jamiiforums.com
cc:
patrickk
