Sishangai, ndege wanaofanana huruka pamoja. Amekuwa mtu wa kushiriki katika mambo madogo madogo kama matamasha ya muziki, tuzo za wasanii na wachekeshaji, na kampeni zisizo na uzito wa kitaifa kama 'Kitumbua cha Mama' au 'Mama Ongea na Mwanao'. Kuanzia kampeni za nishati safi ya kupikia hadi kupokea tuzo zisizo na mchango wa moja kwa moja kwa masuala nyeti ya taifa, amekuwa akionesha mwelekeo wa kutanguliza maigizo badala ya majukumu ya msingi. Kwenye matukio ya kitaifa yenye umuhimu mkubwa, amekuwa akionekana kuyumba katika hotuba zake, jambo linalodhihirisha udhaifu wake katika kuchakata na kuelewa taarifa nyeti zinazohusu mustakabali wa nchi.