Serikali hii ya CCM ina mambo ya ajabu sana. Ni aibu kwa serikali inayojinasibu kuzingatia usawa kufanya uhuni wa kiwango hiki. Sijawahi kuona serikali yenye ubaguzi mkubwa kwa wananchi wake hapa ulimwenguni kama serikali ya CCM.
Katika uchaguzi wa wanafunzi watakaojiunga kidato cha kwanza mwaka 2024, serikali imeonyesha ubaguzi wa waziwazi kati ya wanafunzi wa shule za kata na shule binafsi. Hii tabia ya kibaguzi haifai hata kidogo. Tukumbuke kwamba kuna wazazi wa watoto wanaosoma shule binafsi ambao wangependa watoto wao waendelee na masomo katika shule za umma. Inasikitisha serikali imeamua kukatisha ndoto hizo kwa makusudi.
Nitatoa mifano hai ili kuthibitisha hili ninalosema hapa. Nimechukua sampuli ya shule mbili kutoka kata moja (moja ya serikali na nyingine ya binafsi) ili kuuonyesha umma wa watanzania jinsi serikali ya CCM ilivyojaa ubaguzi wa kipuuzi uliopindukia. Lengo la kuchukua shule kutoka kata moja ni la kitafiti zaidi…..kwamba wanafunzi wote wanatoka eneo moja lenye mazingira yanayofanana; hivyo hakuna sababu ya kuwabagua.
Tazama matokeo ya shule hii binafsi jinsi wanafunzi wake walivyofanya vizuri: https://matokeo.necta.go.tz/results/2023/psle/results/shl_ps0206131.htm
View attachment 2848392
Linganisha matokeo hayo na haya ya shule ya kata: https://matokeo.necta.go.tz/results/2023/psle/results/shl_ps0206125.htm
View attachment 2848390
Utaona idadi ya A kwenye shule binafsi ni 58 huku shule ya kata wakiambulia 9 tu!
Sasa njoo kwenyye uchaguzi wa wanafunzi waliochaguliwa kwenda shule za sekondari mwaka 2024. Serikali imechagua wanafunzi 2 waliopata A tu kutoka shule binafsi kwenda shule teule. Wengine wote waliosalia wamerundikwa kwenye shule za kata za kutwa kama mnavyoona.
Uchaguzi wa Wanafunzi wa Kidato cha Kwanza, 2024
Na pia wamechaguliwa wanafunzi 2 tu kutoka shule ya serikali iliyofanya vibaya na wanafunzi hao wamepata B mbili katika masomo yao. Haki iko wapi?
Uchaguzi wa Wanafunzi wa Kidato cha Kwanza, 2024
Kama serikali ingekuwa inafuata haki, wanafunzi wote 58 kutoka shule binafsi wangechaguliwa kwenda shule teule. Lakini kwa kuwa ubinafsi na upendeleo umetawala ndani ya roho zao za kutu, wameamua kuchagua wanafunzi 2 tu ili kufunika kombe mwanaharamu apite. Serikali hii ina mambo ya kijinga sijapata kuona.
Binafsi sio muumini sana wa kukosoa wengine lakini, katika hili naomba niweke Sawa baadhi ya mambo machache kuhusu selection (kwa uelewa kiasi nilionao).
1. Si kweli kwamba kuna mwanafunzi kapata wastani wa B kaenda shule teule.( kama una ushahidi tuoneshe tafadhari)
2. Mwanafunzi apelekwi shule teule eti kwa sababu kapata wastani wa A, badala yake kuna factors nyingi sana mfano, A ya ngapi? Mtu kapata wastani wa A lakini A ya 98, lakini kuna mwengine kapata A ya 100, kama wapo kwenye kapu moja la uchaguzi, mwenye A ya 100 lazima achaguliwe.
Au watoto wamegongana wastani wote wana A ya 98 na wenye 99 na 100 wote wamechaguliwa kulingana na makundi yao, mwenye ufaulu mzuri zaidi katika somo la hisabati au Sayansi ana nafasi kubwa ya kuchaguliwa shule teule kwa kigezo hiki.
Kwahiyo, shule X inaweza kuwa na A moja tu, lakini mwanafunzi akachaguliwa shule teule, na shule ikawa Z wakawa na A zote na wasipelekwe shule teule kulingana na uzito wa hiyo A. Tafadhari mtoa mada naomba ujiridhishe katika hili.
3. Uwiano ni jambo la msingi ndio maana hata jinsia huzingatiwa, walemavu n.k hivyo basi, hakuna namna utakayokwepa kuweka some standards kulingana na makundi mbalimbali. Ubaya ni pale tu unapoweka double standards kwa watu wa kundi moja.
Hivyo basi, nionavyo mimi unapoamua kuilamu Serikali au viongozi kutokana na maamuzi wanayoyafanya katika utekelezaji wa majukumu ya kila siku, ni vyema tukawa na ushahidi usiokua na chembe ya mashaka hasa katika hili la selections.
Ahsante.
